|
|
172 viewsپارو
Parrow
اے کسانیں ول وڑیں درچک ءِ کہ زمین ءِ سرا پراہ روت ۔ انچو کہ انگور انت ۔ چو لیوارے وڑیں تاک پر کنت ءُ زمستان ءَ پُل پر کنت ءُ گرماگ ءِ وھداں اشیے بر پُہتہ بنت بزاں رس انت ۔ باز مردم اشیا فالودہ ہم گوش انت ۔ اشیے دانگ وھدے کٹیک انت ءُ سبز بنت وھدے کہ رس انت گڈا سُہر ءُ رند ترا سیاہ بنت ۔ اشیے تام باز وش ءُ شیرکن انت ۔ اے یک میوہ ءِ ۔Aug 03, 2014
|
|
Hand wash pot162 viewsتشت
Tasht
تشت بلوچستان ءِ دوداں گوں ھوار انت ۔ مہمانان دستانی شودگ ءِ واستہ اشیا کار مرز کن انت ۔ اشیا بلوچستان ءِ باز ھنداں دگہ دگہ نام ءِ انت ۔ تشت، دست شود، چلمچی ءُ دگہ بازیں ۔
Jul 31, 2014
|
|
prosopis cineraria147 viewsکہیر لمب انت
Kaheer lamb ant
کہیر مدام چہ منج ءُ شنگر بوّگ ءَ رند لمب بیت ۔ اے کہیر انّوں لمب انت کہ شاہ ءِ باز جہل اتکگ انت زمین ءِ سرا ھیر انت ۔ Jul 31, 2014
|
|
Backer 128 viewsترون، ترین
Taron, Tareen
ترون جوڑ کنگ ءَ زمین ءَ سے فٹ ءَ کنڈ کن انت اشیے چپ ءُ چاگردا دون کن انت ءُ پدا اشیے توک ءَ آس روک کن انت ءُ نان پچ انت ۔ ترون ءِ پتکگیں نان باز تام دار بنت ۔ ترون ءَ گوشت ءُ مُرگ ہم پج انت ۔ Jul 31, 2014
|
|
Babblar240 viewsپنتول
Pentol
پنتول یا پنکلگ کسانیں مرُگ ۔ آئیے دُمب دراج انت ۔ بانزولانی پُٹ کسان انت ۔ پنتول باز بال کُت نہ کنت ۔ پنول بلوچستان ءِ جنگلانی الہان انت۔ گونڈیں مُرگے بلے آواز ءِ باز بُرز انت ۔
Jul 31, 2014
|
|
147 viewsپارو
Parrow
اے کسانیں ول وڑیں درچک ءِ کہ زمین ءِ سرا پراہ روت ۔ انچو کہ انگور انت ۔ چو لیوارے وڑیں تاک پر کنت ءُ زمستان ءَ پُل پر کنت ءُ گرماگ ءِ وھداں اشیے بر پُہتہ بنت بزاں رس انت ۔ باز مردم اشیا فالودہ ہم گوش انت ۔ اشیے دانگ وھدے کٹیک انت ءُ سبز بنت وھدے کہ رس انت گڈا سُہر ءُ رند ترا سیاہ بنت ۔ اشیے تام باز وش ءُ شیرکن انت ۔ اے یک میوہ ءِ ۔Jul 26, 2014
|
|
DODONAEA VISCOSA177 viewsگیتچک
Gitichk
گیتچک میان قدّے درچک ء گیشتر ماں کوہ اُو ڈرّاں رودیت - بلے جنگلاں ہم رودیت - گیتچک ڈولداریں درچکے سپیت چکیں, زرد چکیں ۔ سُہرچکیں پُل جنت Jul 26, 2014
|
|
Shadow shelter 165 viewsچاپڑا ۔ کاپر
Chapda - Kapar
چونایا ایشیا دودپیں کاپر گوش انت بلے دودپیں کاپر ءَ دو منگ بنت بلے چاپڑا ءَ منگ ءِ جاگہ ءَ ھشتانی سرا پادگ پر کن انت ۔ ایشیا کمب پر کن انت ۔ اے بلوچ پہ ساھگ ءِ واستہ جوڑ کن انت ۔ گیشتر پہ گرماگ ءِ واستہ ۔ Jul 26, 2014
|
|
A Balochi game142 viewsکپّگی
Kappagi
کپّگی بلوچانی یک کوھنیں گوازی ات ۔ کہ یک دست ءُ یک پادے گون ءَ کن انت ۔ اشیے کنگ ءَ چپّیں دست زیرنت ءُ وتی پُشتی نیمگا راستیں پاد ءَ گوں دست ءِ پنجگ ءَ دارنت ءُ یک پاد ءُ یک دست ءِ ہمرائیا یک دومیا اتر دیئنت ءُ تیلاک دیئنت ءُ تنکہ یک ءِ دومی ءَ دور بہ دنت یا کہ دست چہ پاد ءَ جدا بہ بیت ۔ Jul 26, 2014
|
|
Wooden bat259 viewsلوتار
Lotaar
لوتار یک ساپیں جوڑ کتگیں دارے کہ یک نیمگ ءِ بارگ ءُ دومی نیمگ زنڈ تر انت ۔ بارگیں نیمگ ءَ دست ءِ گرگ ءِ جاگہ انت ۔ اے بلوچستان ءَ ایوک ءَ تیاب ءِ ھنداں کار مرز بیت۔ جانشو وھدے کہ شکار ءَ روانت آھان دو چیز وتی ہمراہی ءَ زیرانت گوں یک ءِ ماھور انت دومی لوتار انت ۔ ماھور ءَ چے ماھیگ گرانت ءُ ٹوہیں ماھیگ چہ ماھور ءَ درکنگ نہ بنت تو لوتار ءَ زورنت ءُ ماھیگانی سر ءَ جن انت ءُ ماھیگ چہ سٹ ءُ دور ءَ کپ انت ءنوں چہ ماھور ءَ گیشین انت ءِ بزان درکن انت ۔ بلوچستان ءَ لوتار ماھیگانی کوشگ ءَ کارمرز بیت ۔ Jul 19, 2014
|
|
Nose ring188 viewsپُلو
Poloh
پُلو بلوچی سہت ءِ کہ چہ سُہر بزاں تلاہ ءَ جوڑ بیت ۔ گیشتر پلواں پیروزہ ءِ سبز مان کن انت ۔ بلے دگہ دگہ سبز ہم مان کن انت ۔ بلوچ جنینانی پونز سے جا ہ سُپتگ انت ۔ یک پونز ءِ تہی نیمگ ءِ لٹ ءُ دویں نیمگانی گرانزیگ ہم سپتگ انت ۔ گرانزیگان پُلک مان کن انت ءُ پونز ءِ تہی لٹ ءَ پلو ءَ مان کن انت ۔ پلو مرچاں نوکیں دور ءِ جنیں کارمرز نہ کن انت ءُ بلوچستان ءَ نود پنچ درسد جنین پلو کارمرز نہ کنت ءُ پنج درسد انگت ءَ پلو پونزا مان کنت ۔Jul 18, 2014
|
|
Boerhavia elegans164 viewsتولگ روم
Tolag rom
تولگ روم کسانیں بوٹگ ات کہ گیشتر ڈلپادیں او کوہاں رودیت ۔ کسانیں دراجیکیں تاک پر کنت ۔ اے سُہر رنگیں شاہ پر کنت او نازورکیں پُل جنت ، اے گرماگ ءِ اول سرا ھُشک تر ات دست پر کنے پروشیت ءُ بُریت ۔ اے باز نازُرک انتJul 18, 2014
|
|
| 2239 files on 187 page(s) |
 |
|
|
|
|
65 | |
|
|
|
|
