|
|
Capparis Decidua348 viewsKalair
کلیر یک ٹوہیں درچکے - گیشتر ماں وڑ و گریشگاں رودیت - کلیر ڈولداریں پُل پر کنت - کلیر بر پرکنت برے ورانت و تامدارنت - منی ہیال ء اگاں ما کلیر ا میوہ بگوشاں رد نہ انت - پرچا کہ بلوچستانے جنگلی میوہ بزاں کوُنر، کنر، جگّر،کلیر و دگہ بازیں - کلیر دار ا لوگے منگ جوڑ کن انت کلیرے دارا زمین نہ وارت - کلیرے واستہ دو بتل نامدار انت
۱ لج نہ کنت کلیرا کہ بے تاکا بر کنت
۲ دار کلیر انت کہ منگہاں سے جاگہ پُروشیت
اُوے زیرّک بات کہ لیڑو ڈاچیگاں کوشیت 
(1 votes)
|
|
Unripe Date fruit633 viewsPapok
ادا مچ پپُک انت پرچا کہ آمیں آہگی انت ۔
(1 votes)
|
|
Techomella undulata329 viewsParpok
پرپُک بلوچستان ءِ ڈولدار تریں پُلاں چہ یک ءِ ہمے وڑا اے یک ڈولداریں پُل ءِ ۔ ہمے وڑا اے یک مہکیں ءُ ساھگ داریں درچک ءِ۔ اے زردیں پُل پر کنت کہ عجب بے مٹ ءُ بے درور انت۔ اشیے دار ہم مُہکیں دارے کہ بلوچاں کار گپتگ انت۔
شاعراں پرپُکے پُل ءِ نازُرکی گوں وتی مہگونگے نرم نازرکیں گُلاں تشبیع داتگ انت۔
(1 votes)
|
|
Bitter Apple CITRULLUS COLOCYNTHIS226 views
Gonj ya Kolkoshtag
گُنج کُلکُشتگ
اے ول ریکپادیں او ھُشکاوگیں ڈگارواں رودیت، گوُانڈوین بر پر کنت - چو کٹّلُک ء وڈا گندگ کاۃنت - اشیے بر سک زھر انت، بلے اشیارا پہ دوا کارمرز کن انت - ادا گُنج دانگ
(1 votes)
|
|
Acacia nilotica202 viewsChish
چش یک ٹوہیں درچک ء کہ بلوچستان ء جنگل ، پٹ و میداناں رودیت - ذردیں پُل ء پر کنت ، سپیت چکیں سمّڑ پر کنت - چش دراجیں شپکیں کُنٹگ پر کنت - چش ہما درچک انت کہ اشیے ہچ دور نہ دیینت - تاکاں پس و اُشتر ورنت ، کُچل ء گواز جوڑ کن انت، ٹوہیں داراں لوگانی چُکّو و منگ کارمرز کن انت - کسانیں داراں چُل ء کارمرز کن انت
(1 votes)
|
|
Hawk moth194 viewsPettik e Pato
پیٹک ءِ پاتو
پیٹک ءِ پاتو یک انچیں پاتوے کہ بالی مُرگ ءُ پاتوے دو گونگ است انت ۔ اگاں تو شر بچارے اے پاتوے نہ انت مُرگے زانگ بیت بلے تو پدا بچارے انچو سما بیت کہ مرُگ نہ انت بگندے پاتو ءِ۔ اے آسیائے بالائی ءُ یورٌپ ءِ زرباری ھنداں دست کپیت ۔ انچو گوش انت کہ اے اولی ءُ آخری چیز انت کہ اشیا مُرگ ءُ پاتوے دروشم مان انت ۔ اے چو پیٹک ءَِ وڑا پُل ءِ سرا بال انت ءُ چہ وت نازرکیں زرانک ءَ چہ پُلاں شیرگ نوش جان کنت ۔
(1 votes)
|
|
Hangol Mount174 viewsDecorated Mountain
بلوچستان ءِ کوہ ءُ تلار ہؐم قدرت ءَ تراشتگ انت ۔
باز ڈولداریں ءُ کنڈگ کنڈگیں کوہ انت ۔
(1 votes)
|
|
Pine apple188 views
Alennas
الناس بلوچستان ء میوہ نہ انت ۔ بلے اگاں تو بلوٹے بلوچستان ء کشت کنے ۔ ایشیا توم مان نیست بلے ایشے دانگے سر برا یک شاہ ء رودیت ۔ وھدے کہ لوٹ ایشیا بکش ات گڈا تو میوہ ء سرے شاہ برے چپ ء برے راست تاب دے چہ میوہ جدا بیت ۔ وھدے کہ تو جدا کت نوں اشیے چیرے نیمگے کسانیں تاکاں چہ شاہ ء لڑین بزاں یک تا دو انچ ساب کن ۔ ہمدا اے روتگ جنت ۔ ایشیا تو سمات ریک ملکاں یک جاہ کن ء بکش ء ننکہ شیشگ ءِ توک ءَ آپ مان کن ءُ الناس ءِ ساپ کتگیں جاہ ءَ آپاں کن اے شش ہپتگ ء توکا زاہری کنت کہ رستگ ۔
(1 votes)
|
|
Aapotag169 views
Aapotag
آپوتگ یک بے تاکیں بوٹگ ءِ کہ مدام پہ رودگ ءَ دگہ درچکانی کمک ءَ چہ رودیت ۔ ہم جاہ رودیت کہ اودا آپ مہ بیت ایوکا آپ بگوزیت ءُ نمبگ بہ بیت اے زنڈ زنڈوکیں کنٹ ءِ چہ آپ ءَ پُریں ۔ اشیا بلوچ وارت ءُ اشیا یک سلاد ءِ زانت بلے من آپوتگ ءِ سبزی ءِ ناروشت جوڑ کتگ کہ باز تامدار بوتگ انت ۔ شما ہم آپوتگے ناروشت جوڑ بکن انت کہ باز وشیں ءُ جتائیں تام کنت ۔
(1 votes)
|
|
Acacia gum tree184 viewsچگرد
Chigird
چگرد بلوچستان ء جنگلے یک بہرے - بلوچستان ء ہور ء کم بوّگے سوب ء درچک کم انت بلے بلوچستانے ڈل دیماں چگرد مزنیں پیمیا مُوجود انت -بہارگاہے درگتاچگرد پُل بیت ، زردین گردیں پُل وشین و سارتیں بُہے کنت- ڈومبو یا پلپلازو چگردے پُلے آشک انت - چمیشکا چوریگ ڈومبوانی گراگا چگردانی کش و گواراں گرداں ۔ ادا چگرد پُل انت ۔
(1 votes)
|
|
Sedah Kor Jahow196 viewsSedah Kor Jahow
سیدہ کور جھاہو
بلوچستان ءِ کور، کوہ کور، شیپ ہورے وھداں دراہ رتکگیں ہورانی آپاں وتی دلبنداں جاگہ دیاں ءُ سوریں دریاءَ سر کن انت ۔ اگاں ما بچاریں ہمے کور انت چہ ھورا رند سبزسبز بنت ءُ چارگ کرز انت۔ ہمے کور مئے پس ءُ دلوتاں وراگ دیئنت ۔ بلوچانی زند گوں کوراں بندوک انت ۔ اگاں ماوتی کورانی کش ءُ گوراں بچاریں تو ما ہمے گندیں کہ مئے لوگ ءُ میتگ کورانی اے کپ آ کپ انت ۔ چونایا ایوکا بلوچ نہ انت بگندے تانسریں دگنیا ہم ہمے وڑا آباد ا نت ۔ کیچ کور کیل کور نہنگ بولان ایشانی چپ ءُ چاگرد ءَ میتگ آباد انت ۔ انساں چہ آپ ءَ بہانی بہ دور بوت نہ کنت
۔ چمیشکا تانسریں دگنیا ہمے وڑا وشیں آپانی دریا کشءُ گورا نیشتگ انت ۔ دریائے سندھ دریائے نیل دجلہ و فراط ہم ہمے وڈا آباد بوتگ انت ۔ بلوچستان ءَ وشیں دریا نیست بلے بلوچ وتی کورانی چپ ءُ چاگرد ءَ نشتگ انت ۔
اے سیدہ کور جھاہو
اکس ءِ منت واجہ جمیل احمد
(1 votes)
|
|
Suaeda aegyptiaca155 views
Simsor
سمسور
سمسور کسانین بوُٹگ ء کہ گیشتر ماں سُوراگیں جاہاں رودیت - اشیے تاک نلُک انت چہ آپا پُر انت - وھدے کہ کسان بیت گُڈا مردم اشیا چوُ سلادے پیما ورنت ء - کمّے سُور تام انت بلے وراگ ء وش انت
(1 votes)
|
|
| 539 files on 45 page(s) |
 |
|
|
|
|
21 | |
|
|
|
|
