|
|
Suaeda aegyptiaca171 viewsسیمسُور
Simsor
سمسور کسانین بوُٹگ ء کہ گیشتر ماں سُوراگیں جاہاں رودیت - اشیے تاک نلُک انت چہ آپا پُر انت - وھدے کہ کسان بیت گُڈا مردم اشیا چوُ سلادے پیما ورنت ء - کمّے سُور تام انت بلے وراگ ء وش انت ۔ ادا اے سمسور پیر انت وراگی نہ انت ۔
|
|
Green bee eater171 viewsکرکی
Karki
کرکی ءَ باز ھنداں نیلاں گوھرامُک گوش انت۔ کرکی بلوچستان ءِ وتی مُرک انت ۔ کشارانی ہمرنگیں بلے بُرزی نیمگا کمّ ءِ سُہری است۔ اے بالو پاتو کٹگ کرم شکار کنت۔ اے کسانیں بالی مُرگ ءِ بلے اشیے مستریں زات ءِ استیں کہ موسم ءِ سرا کئیت پدا واتر بیت۔
|
|
Petty Spurge171 viewsزھریچک
Zahrichk
اے یک کسانیں کاہے گیشتر ماں زمستانء ڈگارانی توکا رودیت - اشیا پا گیشتر کاہا کارمرش کن انت - بلے اگاں تو ھیال گور مکنے زھریچکے شیرگ چمّانی واستا شر نا انت - چمیشکا زھرچکے چینگا رند دستاں شود یت تنکہ تاوان مہ دنت -۔
|
|
Pallas's Gull171 viewsزری ملیڑ
Zeri Malleed
ملیڑ یا زری ملّیڑ یک درہائی مُرگ ءِ کہ گیشر ماں دریابار ءَ گندگ بیت ۔ اے گیشتر چہ ماہیگاں وتی لاپ ءَ کش انت ۔ وھدیکہ امّل ءَ پرنگ دزگیر کن انت ، گڈا امّل ہمے مرُگاں وتی کاسد کنت ءُ وتی اھوالاں دیم دنت ۔ امل ءِ جییند گوشیت۔ جی زِری ملّیڑاں منی اھوالاں بر ات ۔ ۔ ۔ پر منی ماتیگ ءَ سر کن ات
|
|
Potronk171 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Calotropis Procera171 views
کرگ
Karag
ء اسپیتچکیں درچک ء گیشتر ماں جنگل و میداناں رودیت اے گلابی نمونگیں ڈولداریں پل پر کنت امب ء وڑین بر پر کنت - کرگ سال ء دوازدہیں ماھاں سبز ء پل ء بر انت - بلوچستان ء گیشتر ہند و دمگاں کرگ رودیت - کرگ ء درمان جاہ ء کارمرز کن انت
|
|
Dry date171 views
آرگ
Aarag
آرگ گیشتر الینی ءِ رنگاں کوّل کن انت، پدا تاپ ءِ کن انت کہ ہُشک بنت، ھُشکیا چہ رند درپان کن انت ، او لوٹ ءِ پدا کارمرز کن انت۔ آرگ باز تام دار انت۔ بلے دگہ مچّانی براں کم آرگ جوڑ کن انت۔
|
|
Field Bind Weed171 views
Patahok, Aahichk, Lekirk
لیکرک، آہیچک، پتاھوک
آہیچک کسانیں کاہے گیشتر ڈگارانی جُوہ او بنداں رودیت - اے مدام زمین ء سرا پراہ روت - بلے اگاں درچکے کش و گواراں برودیت گُڈا درچک ء سر کپیت - اسپیتیں او گُلابییں ڈولداریں پُلء جنت کہ ڈولدار بیت
بلے اے اسپیت گُلابی گونگیں رنگے پُل انت
|
|
Mirani Dam171 viewsمیران ءِ ڈیم ء ندارگ
Miran e Dam e nadarag.
|
|
Onionweed (Asphodelus fistulosus)171 views
پیملوُ
Pimalo
پیملوُ پیمازے وڑیں بلے بارگ تریں تاک پر کنت - بہارگاہ ء دریچا کشارانی تہا، میدان او جنگل ء رودیت - وھدے کسان بیت اشیا دلوت چرنت او مردُم کاہُک جوُڈ کن انت - مزن بیت گدا ہمُک بُن دہ تاں بیست کیرینگ پرکنت کسانیں اسپیتین او سُہریں لکیریں پُل ء پر کنت کہ باز ڈولدار بیت - اپریل ء زرد ترّاں بیت گُڈا دانگے ھُشک بیت تُوم ء رچنت تو اے درگتا درُچک، شاتُل اوُ کپوت دانانی چناگ او ورگ ء پیملوانی توک ء رم رما نندانت او بلوچ شکار کن انت- انچو مالوم بیت کہ پیملو شکارجاہ جوڑ بیت
|
|
Techomella undulata171 views
پرپُک
Parpok
پرپُک بلوچستان ءِ ڈولدار تریں پُلاں چہ یک ءِ ہمے وڑا اے یک ڈولداریں پُل ءِ ۔ ہمے وڑا اے یک مہکیں ءُ ساھگ داریں درچک ءِ۔ اے زردیں پُل پر کنت کہ عجب بے مٹ ءُ بے درور انت۔ اشیے دار ہم مُہکیں دارے کہ بلوچاں کار گپتگ انت۔
شاعراں پرپُکے پُل ءِ نازُرکی گوں وتی مہگونگے نرم نازرکیں گُلاں تشبیع داتگ انت۔
|
|
unknown Flower171 viewsاے یک ڈولدارین پُل ء بلے نام زانگ نہ بیت ۔ اگاں شما نام ء زان انت شیئر بکن ات منتوار بیں ۔
|
|
| 2250 files on 188 page(s) |
 |
|
|
|
|
135 | |
|
|
|
|
