|
|
Dove171 viewsکپوت
Kapot
کپُوت بلوچستان ء جہمنندیں مُرگے نہ انت - بلے سالے شش ماہاں کپوُت بلوچستان ءَ گوازینت - وھدے یُوروپ ءَ شرتگ ءُ گوریچ کشّگا بُنگیج کنت ڈنّ و ڈگار برپین بنت گڈا ایدگہ مُرگانی وڈا کپوت سپر کنت او بلوچستان 1 مارچ ءَ زائری کنت - اے درگت بلوچستانء گلّہے روُن بیت - کپوت وتی دو و سے ماہے سپرے ژندیا بلوچستانے مچکدگ،جنگل و پٹ و میداناں چہ کشّیت - بلوچستان گرماگے موسم کپوتے ہیک رینیے واستا باز دلجم انت - کپوت اگست ء واتر بیت
اجب گیر کاینت ندارگ گُلانی
کپوتانی کوُ کوُ کرام شانتلانی
میجر مجید
|
|
Green Bee eater166 viewsکرکی ءُ نیلاں گواھرامُک
Karki. Nillan gwahramok
کرکی ءَ باز ھنداں نیلاں گوھرامُک گوش انت۔ کرکی بلوچستان ءِ وتی مُرک انت ۔ کشارانی ہمرنگیں بلے بُرزی نیمگا کمّ ءِ سُہری است۔ اے بالو پاتو کٹگ کرم شکار کنت۔ اے کسانیں بالی مُرگ ءِ بلے اشیے مستریں زات ءِ استیں کہ موسم ءِ سرا کئیت پدا واتر بیت۔
|
|
Owl166 viewsگُگگو
Goggo
گگگو یک بالی مُرگ ءِ ۔ گگگو روچ ءَ درچکانی کواکاں یا کوہانی گارانی تہا واب بیت، بلے تانسریں شپ ءَ آگہ انت۔ گگگو مُشک میزوک کڑوک گپت وارت۔ اشیے کسانیں سُنٹ ءِ بلے چم ءِ باز ڈلگ انت۔
|
|
Greater Hoopoe-Lark166 viewsجَنِک ریپ
jenik rip
جَنِک ریپ جَڈول ءِ نسلاں چہ یک نسل انت کہ دگہ جڈولاں چہ مستر ءُ سُنٹ (چُمب) دراج انت۔ اے اکس من نوشکی ءَ کشتگ ابید چہ نوشکی ءَ خاران ءَ ھم من اے مُرگ کشگ اے مُرگ ھندی جہمنندیں مُرگے اے بلوچستان شمال ءِ بگر داں خیرپُور ءِ ریک ءَ کشگ بیتگ الم ھمے مُرگ راجستان یا گجرات ءَ ھم بیت، اے بلوچ دمگاں کُل سال گندگ بیت ءُ ھمے ھنداں رین کنت۔
من وہدے نوشکی ءَ مَردم جُست کُرتاں کہ جَنِک ریپ پَرچا گڑا یک کسہ ءِ اتک کہ کسانیں گونڈو ایں جِنِک اشی دمگ ءَ کپتگ ءُ گسر بیتگ ریک پاد ءَ تُنیگ بیتگ بیران بیتگ۔ اشی اگاں نزیک ءَ کسے روت گڑا اے کسانیں بال کنت ءُ دیمتر نندیت ھمے وڑا کم کمے دیر بیان بیت پمشکہ جَنِک ریپ نام کَپتگ
منت سلمان بلوچ
|
|
Peafowl 'Peacock'166 views
مور اوُ تائوز
Mor or Tahoz
مُور بلوچستان ءِ مُرگ نہ انت بلےدان دانگے داشتگ انت ۔ اے بالی مُرگ ءِ اشیے باز زات انت بلے سبز ءُ شونز وڑیں ھندے مُرگ زانگ بیت ۔ نریں مور ءَ بلوچی ءَ کروس گوش انت ۔ اشیے دُمبی باز دراج بنت ، ءُ دمبی ءِ پُوٹاں تائوز گوش انت ، کہ باز ڈولدار انت ۔
|
|
Breading Hen165 viewsنکینک کرُک انت
Nekaink krok ant
ادا نکینک ہیکانی سرا نہ نشتگ بلکن اے وتی چروانی سرا نشتگ کہ چہ شاھین ءُ پیشیاں وتی چروں بہ رکین ات ۔
|
|
Fighting Laughing dove164 viewsشاتُل جنگ ءَ انت
Shatol Jang a ant
قدرت ءِ کار انت کہ ہمگ ساہدار چہ وتی کُٹم ءِ توک ءَ یک چہ دومی ءَ وش نہ بیت ، انسان ءَ بگر چہ رستر ماھیگ دلوت یا کہ مُرگ وت ماں وت ءَ مڑ انت ءُ یک ءِ چہ دومی ءَ باج برگ ءِ جہد ءَ کنت ۔ اے اکس ءِ توک ءَ دو شاتُل وت ماں وت ءَ مڑگا انت ۔
|
|
White chuck Bulbul chicks 164 viewsچُنکی
Chonki
اے کُلی ءِ پڈ انت۔
|
|
Sparrow and shadow 164 viewsجنگُل
Jengol
جنگل کسانیں بالی مرُگ کہ دگنیائے چاریں کُنڈاں است انت ۔ بلکنگ ءَ اے یکّیں بالی مُرگ انت کہ ہمگ جاگہ است انت ۔ ایشیے مادہ اسپیت دپیں ناسی رنگ انت بلے نر ناسی رنگ ءُ سیاہ اسپیت انت ۔ اے شانزدہ سنٹی دراج بیت ءُ وزن ءِ 24 تاں 39 گرام بوت کنت ۔ اے بالی مُرگ ترا شہراں، بازاراں ، گریشگاں، ریگستاں ءُ کوہاں ہرجاہ بود باش کنت ۔ اے چونایا ہمک دھل ءِ دان ءَ کاہ ءُ بالو کرم ہم گپت ءُ وارت ۔ بلوچستان ءَ ہم اے جنگول است انت ۔
|
|
Pied Wheatear163 viewsسولاں سروک
Solan Sarokk
سولاں سروک کسانیں بالی مُرگ ءِ کہ گیشتر جنگل ءُ کوہ ءُ ڈرراں گردیت ۔ اے کٹگ ، بالو ءُ دگہ انچیں کسانیں کرم لولوک گپت وارت ۔ اے گیشتر بلوچستاں کسانیں سولانی
سرا بزاں بُرز تری جاگہا نندایت دور دور شکار شوہاز کنت۔ چمیشکا سولاں سروک نام کپتگ، اے بوت کنت کہ بلوچستان ءِ دگہ ھنداں اشیے نام دگہ بہ بیت ۔
|
|
Redvented Bulbul163 viewsکُلی سیاہ سر
koli seyah sar
اے ہم کُلی ءِ زات انت ، اشیے سر سیاہ انت بلوچ ءِ سیاہ سر گوش انت ۔ اے بلوچستان ءَ باز کم انت، چونایا اے ھندے کُلی انت ۔
|
|
Red Legged Partridge163 viewsKabg
کبگ
کبگ باز ڈولداریں بالی مُرگے - اے گیشتر ماں گریشگ او کوہ او ڈرّاں بیت- کبگ انچو ڈولدار انت تو ہمے وڈا آئیے رواج ہم باز ستا کرزانت - سبک سبک او میزان میزانا وتی پاداں ایر کنت - چریشیا بلوچ شاعران گوشتگ ' کہ تئ کبگی رواجاں منا شیدا کتگ' ۔
|
|
| 240 files on 20 page(s) |
 |
|
|
|
|
|
|
17 | |
|
|
