|
|
Bracket fungus138 viewsدرچک ءِ شیرگ
Drachk e sherag
درچک ءِ شیرگ ءُ باز جاہ ءَ درچک ءِ رینگ ہم گوش انت ءِ ۔ اے گیشتر درچکانی کُنٹاں رودیت ءُ درچک ِ کنٹ ءِ ہم رنگ بیت بلے باز جاہ ءَ سیاہ ءُ باز جاہ ءَ زرد ہم بیت ۔ اے چونایا چہ کوٹینگ ءِ یک زات ءِ ۔ باز جاہ ءَ اشیارا درمان کارمرز کن انت ءُ بلوچستان ءَ وھدے ھور باز بہ بیت تاں مزن کُنٹیں درچکان پاز پر بیت ۔ Jul 14, 2014
|
|
Parkinsonia aculeata194 viewsولائتی کیکر
Walayati Kikar
اے درچک چونایا بلوچستان ءِ درچک نہ انت بلے مرچاں بلوچستان ءَ ہم دانگ دانگ ءِ دست کپیت ، اشیارا ولائتی کیکر ءِ نام گرانت ، اے درچک تاک بارگ بارگ انت ءُ مدامی تاک ریچ انت ، اے زردیں پُل پر کنت کہ باز ڈولدار انت ۔ ءِ چو کہور ءِ وڑا شنگر پر کنت ۔ اے درچک بُن اسل ءَ اسٹرالیا انت۔ اے درچک ءِ جاگہ وش بہ بیت تاں دہ میٹر بُرز بوت کنت ۔
Jul 14, 2014
|
|
A look of Balochistan 129 viewsکہچر
Kahchar
بلوچستان ءَ موسمی ھورانی نہ گوارگ ءَ چہ کہچر ناپید انت ۔ بلے گوستگیں سال ءُ امبرے سال ِ ھورانی بوّگ چہ کہچر پدا آباد بوتگ انت ۔ اے یک کہچرے ۔Jul 14, 2014
|
|
ID?185 viewsاے کاہ ءِ نام چے انت؟
Nam che ant?Jul 14, 2014
|
|
Wagtail136 viewsنمبُل
Nambol
نمبُل کسانیں مرُگ ء دراجیں دُمبی انت - بلوچستان ء نمبُل گلّہ ء نمب ء او ایرھت بزاں کڈبے رون ء بازبیت - نمبُل کٹگ بالو پاتو چریت او کرم چنت وارت - نمبُل ہروھدا وتی دُمبیا سُرین ات - نمبُل گیشتر ڈگاراں کہ آپ بیت ہمودا موجود بیت - پرچا کہ آپ کشارے کٹگاں بال دنت او کرماں ڈنّا کارایت او نمبُل ہمیشاں چنت او وارت ۔ بلوچستان ء ھند و دمگاں اشیے باز نام انت - نمبُل، نمبی، بازارُک او تیلیسک ہم گوشنت۔
Jul 11, 2014
|
|
Abutilon Pannosum191 viewsجنّی کاکینک
Jenni Kakaink
جنّی کاکینک کسانیں درچکے کہ ماں ٹوہیں درچکانی بگل ء رودیت - اے سال دوازدہیں ماہاں سبز انت - اے گردیں تاک پر کنت او زردیں پُل ، باز ڈولدار انت
Jul 11, 2014
|
|
Baloch daily wages worker211 viewsبلوچ پوریاگر
Baloch poryager
بلوچ پوریاگر یا مزدور کہ آپ پُجّارینگ ءَ چہ چات ءَ آپ کش انت ءُ ھاجت ءِ جاہ سر کنت ادا دو ٹین ءِ بدل ءَ پلاسٹک ءِ ڈبّہ گون کہ آپ ءِ رند ءَ روگان انت ۔Jul 11, 2014
|
|
Baloch classical tool247 viewsمیتین یا مُبنگ
Maitin ya Mobang
میتین چہ آسن ءَ جوڑ کتگیں یک بلوچی اوزار ءِ ۔ پنجگ ءِ پُرّیں دراجیں آسن ءِ کد ءِ پنج تا شش فٹ ءُ دراج انت ۔ اشیے یک نیمگ ءِ سرا پتن کن انت ءُ دومی نیمگ ءَ تُسک کن انت بلے باز جاہ ءَ دویں سرا پتن ءُ تیز کن انت ۔ اشیے گیشتر مچ ءِ درکنگ ءُ یک جاہ چہ دومی جاہ کشگ کار مرز کن انت ۔ اے مچ ءِ کنٹ ءَ تل کنگ ءَ ہم کارمرز کن انت ۔ چاہ ءُ ترون ءِ جنگ ء کارمرز کن انت ۔ Jul 11, 2014
|
|
233 viewsآنجگ کنوک
Aanjag kanok
آنجگ کنوک یا آنجگ مان کشوک ہما ازباب انت کہ اشیا چے شلوار ءَ آنجگ مان کن انت ۔ بزاں شلوارے نیپگ ءَ آنجگ ءَ گوازین ات ۔ اے آنجگ کنوک چہ ریشُم ءَ جوڑ کتگ ۔ چونایا بلوچاں گوندوچ ءِ وڑا دار ءِ تراشتگ ءُ سمب کتگ ءُ بندک ءَ مان کتگ۔ Jul 03, 2014
|
|
Watermelon180 viewsکوٹگ
Kottag
کوٹگ چہ کوٹگ ول ءَ پیداک بیت۔ ول زردیں پُل ہم پر کنت کہ ڈولدار انت ۔ پُل دو نمونگ انت ۔ یک ءِ نر انت ءُ دومی مادہ انت ۔ مادہ پُل دانگ بیت ۔ کوٹگ جونایا یک جنگلی ول بوتگ آئیے بنکی جاگہ نمبیانی افریکہ انت بزاں نمیبیا انت ۔ بلے کوٹگ ءِ کشار گیشتر ماں دریائے نیل کش ءُ گور بوتگ انت ۔ دوازدھمی فرعون ءِ قبر ءَ کوٹگ ءِ توم در گیجگ بوتگ ۔ بائیبل کوٹگ زکر است انت کہ بنی ازرائیل کہ وھدے مصر چہ سپر کنت گڈا آ کوٹگ ہم ورنت ۔ دھمی سدی ءَ چین ءَ سربوتگ کہ مرچی دگنائے مستریں کوٹگ پیداک کنوک انت ۔
Jul 03, 2014
|
|
Jellyfish203 viewsآپو
Aapo
آپو یک دریائی ساہدار ءِ ۔ اے چہ گونڈیں دریاہاں بگر چہ مزنیں ءُ جُہلیں آپاں بیت۔ اشیے 30000 سی ہزار نسل است ۔ اے جاگہ جاگہے وشیں آپاں ہم است انت ۔ اے یک کوہیں آپی ساہ داراں زانگ بیت۔ چونایا اے گیشتر تیابدپاں موجود انت ۔ اے حیوانی اعضاء ہم است انت ءُ لہتیں نسل ءَ بیست ءُ چار چم ءِ پر ۔ بلے ایشاں ہُرتگندانی سرا گندگ بنت ۔ آپو زھریں ساہدارے اگاں تئی جان ءَ بڈوکیت یا ٹچ بہ بیت تئی جان ھارشت دنت ہنچو سما بیت کہ تئی جان کنٹگ لگگگا انت۔ آسٹریلیائے آپو اگاں ترا ٹچ بہ کن انت ترا الم ءَ ڈاکٹرا روگ لوٹ ات۔ نا تئی زندگ بوّگ گارنٹی نہ بیت۔ بلوچستان ءِ تیاب دپاں ترا باز دست کپیت بلے گیشتر موسم ءِ ِ وھد ءُ پاساں کاہنت۔ مدامی دست نہ کپ انت ۔Jul 03, 2014
|
|
Potato142 viewsبٹاٹُک
Batatok
بٹاٹہ یا بٹاٹوک چونایا لاتینی امریکہ ءِ سبزی ءِ ۔ مرچاں اشیا بلوچستان ءِ روچدراتکی ھند ءُ دمگاں کشاورز کن انت ۔ اے کسانیں کاہ ءِ روتگاں چہ گردیں دانگ پر کنت ۔ اشیے دانگ زمین ءَ کل انت ۔ مرچاں بلوچانی نارُشت بے بٹاٹک ءَ بے جلوہ انت ، بزاں بلوچستان ءَ بٹاٹُوک باز کارمرز کن انت ۔Jul 03, 2014
|
|
| 2239 files on 187 page(s) |
 |
|
|
|
|
66 | |
|
|
|
|
