| Category |
Albums |
Files |
|
10 |
2,318 |
|
| 2,318 files in 10 albums and 1 categories with 973 comments viewed 553,447 times |
|
|
Hawk moth219 viewsPettik e Pato
پیٹک ءِ پاتو
پیٹک ءِ پاتو یک انچیں پاتوے کہ بالی مُرگ ءُ پاتوے دو گونگ است انت ۔ اگاں تو شر بچارے اے پاتوے نہ انت مُرگے زانگ بیت بلے تو پدا بچارے انچو سما بیت کہ مرُگ نہ انت بگندے پاتو ءِ۔ اے آسیائے بالائی ءُ یورٌپ ءِ زرباری ھنداں دست کپیت ۔ انچو گوش انت کہ اے اولی ءُ آخری چیز انت کہ اشیا مُرگ ءُ پاتوے دروشم مان انت ۔ اے چو پیٹک ءَِ وڑا پُل ءِ سرا بال انت ءُ چہ وت نازرکیں زرانک ءَ چہ پُلاں شیرگ نوش جان کنت ۔
|
|
Long Mulberry, Morus 180 views
تود ءُ شہتود
Tood o shahtood
اے ہم تود ءِ بلے باز جاہ ءَ اشیا شہتوت گوش انت ، اے دراجیں بر پر کنت کہ شیرگدار انت ءُ شیر کن انت اے ہم باز جوانیں نیبگ ءِ ءُ بلوچستان ءِ درائیں ھنداں دست کپیت ۔
|
|
House Crow228 views
کانگی
Kangi
کانگی گراگ ءِ زاتیں بالی مُرگ ءِ بلے اے گراگ ءَ ہما دیم انت ، کانگی بلوچستان ءِ مُرگ نہ انت بلے اے ھندے مُرگ انت ، او گوشنت کہ اے مہاجرانی نشانی انت ، ہرجا مہاجر روانت اے مُرگ ءِ گون انت ۔ اے یک سللیں مُرگ ءِ کہ دگہ مُرگاں وتی ھند ءَ نیلیت ، آہانی ھیکاں وارت آہاں مجبور کنت کہ جاہ ءَیل بدی انت ، وھدے گودارے زمین مہاجراں بہا زُرت انت انچو گوادرا ءَ اے مُرگانی آھگ بندات بوت مرچی گودر ءَ ترا دگہ ھچ مُرگ دست نہ کپیت۔ درست تاچینتگ انت ۔ انچو کہ کراچی ءَ سندھی ءُ بلوچ، ممکن انت کہ گوادر ہم ھنچوش بہ بیت ۔ بلے ھُدا مکنت۔
|
|
A pair of Pigeon 156 viewsجُتک ءِ کپودر
Jotk e Kapodar
کپودرءَ وھدے زمانگ ءَ جنگانی تہا قاسدی کتگ، ءُ مہرو دوستی ہم بازیں داستان است کہ کپودرءَ کاسدے کردار کتگ انت۔ بلے بلوچانی شعرانی تہا ہم کپودر ءَ ربالو یا کاسد کن انت۔ یا کتگ انت، بلے مئے لہتیں شاعراں کپودرءَ باز ھرابیں دروشم پیش داشتگ۔
چوشکہ'' کپودرا بال کتگ بُرزا منی دل بارگ ءَ برتگ'' منی ھیال ءَ شاعر وت نزانت کہ من کپودر پہ چے کارمرز کتگ ۔
|
|
Mung bean. Vigna radiata132 viewsMash
ماش بلوچستان ءِ کوھنیں دھلاں چہ یکے ۔ بلے بلوچستان ءِ تاریخ ءَ ماش ءِ باروا ھاسیں مالومات نیست ۔ چونایا ماش چہ منگولیا چہ ھند ءِ ھند ءُ دمگاں سر بوتگ ۔ ھڈپّہ دور ءِ درگت ءَ پنجاب ءُ ھریانہ ءَ چار ہراز پنچ سد سال ساری ماش کشار کنگ بوتگ ۔
ماش ءَ بلوچستان ءَ نارُشت کن انت ، بلے برنج ءَ اُور گرادنت ءِ بزاں بٹ ءُ ماش بلوچستان ءِ نامداریں وراکاں چہ یکے ، بلے مرچاں چہ ماش ءَ ھلوا جوڑ کن انت ۔
|
|
Hoopoe158 viewsشاپی کروس
Shapi Kros
شاپی کروس یک بلوچستان ءئ مُرگ نہ انت بلے وتی مہاجری وھداں بلوچستان ءِ زمین ءَ سپر کنت، شاپی کروس ءَ مُرگ ءِ سلیمان ہم گوش انت۔ بلوچ ءِ مرُ گ ءَ را نیکیں مُرگ ءِ زان انت۔ اے مرُ گ سیاہ ءُ اسپیت انت بزاں کمبر انت، بلے مُرگ ءِ گردن سُہر رنگ انت۔ اشیا ڈولداریں تاج ءِ پر انت کہ اے مُرگ ءِ براہ انت۔
|
|
Albizia Lebbek295 viewsچنال
چنال ٹُوہیں درچکے - بلوچستان ء باز کم انت - اشیا گیشتر لوگانی دیما یا پیژگاہ ء کشینت - پرچا کہ یکّے بزیں ساحگ دنت دہمی پُلّے درگتا وشّین بوہ دنت - " کیچ ء چنال " باز نامداریں چنال ء بوتگ کہ بلوچ راجدپتر ء است انت - بلے اے چنال ء اکس ہم جُلگہیں آسمان ء دلبند اُو سُرمگیں جُمپانی میان ء زپت کُتگ
|
|
Cordia subcordata161 viewsکورڑیا
Cordia
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ دانگ باز ڈولدار انت ۔
|
|
|
|
Stipa capensis2 views
Robah-Domb
روباہ - دْمب
روباہ دمب ادا ہُشک انت
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتJun 14, 2026
|
|
Viper Snake15 viewsGarr
گر یک سکیں تُرسناکیں مارے ۔ گرے بلوچستان نزے دہ چہ پانزدہ زات است انت بلے ہُمک ھنداں ایشانی نام دگر انت ۔ چوش کہ 1 جیل، 2 لُک، 3 کانٹی، بلے دگہ ہم باز انت ۔Jun 08, 2026
|
|
Balochistan pygmy jerboa44 viewsBalochistan e kangro
بلوچستان ءِ کسانکیں ءُ پٹکیں سے لنکگی جربو بزان کانگرو باز کسان ءُ پٹک انت ۔ آئیے سنٹ ء بگر تا جاں دراجی 4.3 سنٹی میٹر انت ۔ آئیے لٹیک 8 سنٹیمٹر انت اے نسل بلوچستان ءُ افغانستان است انت ۔ اے بلے اولی رند ءَ بلوچستان درگیجگ بوتگ چمیشکا اشیا بلوچستان نام داتگ ۔ گونڈیں بالاد ے اے وتارا وتی دویں پادانی سرا سٹوک کنت ءُ چہ دشمناں وتار رکین ات ۔ اے وتارا گرمیں ریگستان ءُ ہُشکاوگیں جاہاں زند گوازین انت اے گیشتر وت رودیں درچکانی بر ءُ تاکاں وارت ۔ ایشان گیشتر گریں مار، گوج ءُ پیشی شکار کن انت ۔ May 30, 2026
|
|
BLADDER DOCK28 views
Kohi Tropshok
کوہی ترُپشک
اے گیشتر ماں کوہاں اُو ڈل دیماں رُودیت - اے باز ترُپش انت اُو گندگ ء گوں دپ آپ دنت - بھار کاہ ء بلے گلابی، زردین اُو سُہریں پُل پر کنت - منی ھیال ء بلوچستانے ڈولدارتریں پُلاں چہ یکے - ترُپشُک ء تاکاں بلوچ پہ شُوق ورانت
May 26, 2026
|
|
Alfalfa, Medicago sativaa26 viewsEspost Pol
اِسپوست کسانیں کاہے کہ کد ءِ 3 فٹ بوت کنت ۔ اسپوست رُدگ ءَ باز دیر کنت، بلے اولی رند ءَ رُونگ ءَ رند پدا زوت رودیت ۔ چین ءَ 1500 سال پیشتر اسپوست پہ تہلگ کار مرز کتگ ۔ اسپوست چاز سال ءَ بگر تاں ہشت سال ءَ کاہ دنت ، بلے اگاں اسپوست ءَ جاگہ وش بہ بیت ءُ ءُ بیست سال ہم زندگ بوت کنت ۔ اسپوست ءَ باز زات انت بلوچستان ءَ جموں رنگ ءِ پُل ءِ اسپوست کارمرز کن انت بلے دریں ملکاں زرد پُل ءپ گلابی پُل ءُ دگہ بازیں زات ءِ اسپوست است ۔ اسپوست ہما کاہ انت کہ اشیا دُراہیں دلوت ورانت ءِ ۔ اسپوست ہما کاہ انت کے
May 21, 2026
|
|
unripe date42 viewsPapok e nah
پپُک ءِ ناہ
وھدیکہ کہ پپُک چہ وھد ءِ پیسر ناہ بیت بزاں پہ ورگ وش انت وھدیکہ کہ پپُک آرتونگ بیت پدا ناہ بیت آئیے تام باز وش بیت ۔ شما پپُک ءِ ناہ وارتگ؟ May 16, 2026
|
|
Ehretia obtusifolia49 views
Kasanin Liwar
کسانین لیوّار
کسانیں لیوّار بلوچستان ے درچک نہ انت - اے بلے مرچاں بلوچستان لوگانی دیم او باگانی توک ا دست کپیت - او اشیا کسانین زردیں دانگ لپچناک انت بلے گونڈو اشیا پہ شوق سرچن انت او ورانت - بلے اے ھاسیں نیبگے نہ انت -۔May 08, 2026
|
|
Plantago boissier [Isphagula]71 views
Danichk
دانیچک کسانیں کاہ ء ماں بہارگاہء رودیت - اے درمانیں کاہے کہ پہ درمان ء ھاچت ء کارمرز کن انت ء - وھدے زمانگ ء دانیچکے دانگ ہورت ہورتا ساتگ انت آپ ء گونا تر کتگ انت و جنیناں وتی رستگیں سرا جتگ انت کہ دو دو ہپتگا سرے موداں رندگ نا لوٹتگ - بلے مرچاں اسپاگول نام ء سرا لاپ ء ریچگ و بند کنگے واستا کارمرز کن انت - کولسٹرول ء بیمار اگاں ہمک روچ دانیچک کارمرز بکنت آہےApr 29, 2026
|
|
