| Category |
Albums |
Files |
|
10 |
2,318 |
|
| 2,318 files in 10 albums and 1 categories with 973 comments viewed 553,447 times |
|
|
Crab241 views
تگس بِلو
Tagas Bello
تگس بِلو بزاں انگریزی بلو بزاں سبز
اے تگس اَنت ، گیشتر تیابی ریامانی تہ ءَ زندگی کن اَنت ، ریام ھما سنگ ءَ گْوش اَنت کہ تیاب ءِ دپ ءَ یا تلگ آپ بزاں کمیں آپ ءَ ھست اَنت ءُ وھدے کہ آپ بیل بزاں پُر ءَ کئیت آ آپ ءِ چیر ءَ بنت،وھدے آلاڑ ءَ روت بزاں آپ پشت ءَ روت ھمے سنگ کہ ریام گْوشگ بنت ڈن ءَ گندگ بنت ۔ھمے سنگانی سر ءَ رُستگیں شنزکیں کاہ ءُ دگہ ساھدار تگسانی وراک ءُ وردن اَنت ۔ تگس ءَ چوش زیم ءَ دو پکڑ گْونگیں دست پر اِنت کہ گوں ایشاں ورگاں سند اِیت ءُ وارت تگس ءِ ھمے دستانی بند سک مھکم ءُ مُھر اِنت اگاں انسان ءِ گْوشت ءَ بہ بند اِیت گوں آسانی ءَ پچ کنگ نہ بیت ۔تگس ءِ دپ ءَ گْرادنت ءُ ور اَنت تگس باز وڑیں ھست ، گْوش اَنت کہ تگس ءِ دپ پہ کُلگ ءُ کْران ٹی ٹی ءَ مرسان انت ۔
منت ۔۔ قاضی ریحان
Pic by Akhtar Omar
|
|
Desert Lark474 viewsChadol
چڈول
چڈول کسانین مُرگے گیشتر ڈلپادیں ھند و دمگاں او کوھاں گردیت - روچے سہب ء بگر تاں بیگاہا گیشتر کوہے چمگانی سرا آپ کنگا دست کپ انت - اے گیشتر درچک او داراںی او کاہ او بوٹگانی ہُشکین او رتکگیں دانگاں چن انت ورانت، باز ڈولداریں مرگے چوش کہ ڈلی مرگے آیے رنگ ہم چو ڈلے وڑا انت - او باز جاہ ء اشیا بڑول ہم گوشنت ۔
چڈول ء گوشتگ۔۔
من چڈولان چاہی ڈولاں
زیرگوں پلپلوں وادوں پرکن
درستیں مرگاں وشتر باں
|
|
Night Jar267 viewsپرّامُک
Parramok
پرّاموک یک بالی مُرگ ءِ کہ گیشتر ماں شپاں گردیت ، اے چریت، میزوک ، کڑوک، ملاھوک پرّگ گپیت ءُ وارت۔ اے مُرگ ءِ بانزل دراج انت، بلے پادگ ءِ باز کسان انت، اے ھروھدا ءَ ڈن ءِ سرا ھیک دنت۔ چو پیشی ءِ وڑا وتی چوکاں چہ یک جاہ ءِ چہ دومی جاہ بارت کہ کسے آئیے چکاں تاوان مہ دانت ۔
|
|
Dipcadi erythraeum Webb & Berthel108 viewsلیمپوک ۔ سکوک
Limpok . Sakook
لیمپوک کسانیں بہارکاہ ءِ کوہانی دامناں رودیت۔ اے ڈلپادیں جاہاں ہم رودیت ۔ اے چو پیماز ءِ وڑیں پُون ءِ پر کنت ۔ اے کسانیں دراجیں تاک پر کنت گونڈین سُہریں کول ءِ پر کنت کسانیں پُل پر کنت کہ دان بیت۔ اشہے بُن ءَ درکن انت ءُ اشیا لہڑ دیینت ۔ واد ءِ مان کن انت ۔ ایشاں پرنجنت ءُ چو موش ءِ وڑا جوڑ کن انت ۔ نوش ءُ جان ءِ کن انت ۔
|
|
Id pls172 viewsاے نام لوٹ ات
Nama zant kany?
اے بہارکاہ ءِ کہ بہارے درگت ءَ رود ات۔ بلے یک ڈولداریں گردیں پُل پر کنت۔ اے کاہ ءِ نام درکار انت۔
|
|
Chicken water pot174 viewsکلنڈ
Kaland
بلوچستان ء گیشتر مشکان آپ مان کن انت ۔ مشک ء آپ پٹ انت ءُ بن ء رچنت ءُ گار بنت ۔ بلوچاں کلنڈ جوڑ کتک کہ پٹوکیں آپاں جاگہ دنت ۔ ہمے آپاں کککڑ وتی تناں پروش انت ۔
|
|
Creeping wood sorrel257 views Shahri Tropshok
شہری تُروپشوک
اے یک ہنچیں وترودیں کاہے کہ کم کمّا تانسریں کشار کُتگیں ڈگار ء پُوچنت - اشیے دل ء نمونگیں تنکّیں تاک انت - زردیں پُل پر کنت - کسانیں کوسرک پر کنت - اے گیشتر کوہدامنیں ڈگاراں رودیت - کوہ ء مردم ایشیارا شہری ترپشُک گوشنت - اشیے تاک ترپش انت -۔
|
|
Village of Deyaat268 viewsDeyaat e Metag
دیات ءِ میتگ
دیات میران ءِ ڈیم ءَ چہ پیش کیچ کور ءِ کش ءَ آباد بوتگ ۔ بلے مرچی باندا دیات دو بازار ءَ بہر بوتگ ۔ لہتیں مردم مند دگ ءِ کش ءَ آباد انت ءُ لہتیں مردم میران ڈیم ءِ راہ ءِ کش ءَ کوہانی دامُن ءَ آباد انت - اے ہم ءِ دیات بوتگ شہید حمید ءِ وڈیں مزن دل ءِ پیداک کتگ ۔ بلے انچو سما بیت کہ بلوچانی نا تپاکی انت کہ یکّ ءِ چہ دومیا دور ءُ گستا بوّان انت ۔ منی ھیال ءَ دیات ہم ہمے نا تپاکی ءَ چہ دو میتگ ءَ بہر انت ۔
|
|
|
|
Stipa capensis2 views
Robah-Domb
روباہ - دْمب
روباہ دمب ادا ہُشک انت
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتJun 14, 2026
|
|
Viper Snake15 viewsGarr
گر یک سکیں تُرسناکیں مارے ۔ گرے بلوچستان نزے دہ چہ پانزدہ زات است انت بلے ہُمک ھنداں ایشانی نام دگر انت ۔ چوش کہ 1 جیل، 2 لُک، 3 کانٹی، بلے دگہ ہم باز انت ۔Jun 08, 2026
|
|
Balochistan pygmy jerboa44 viewsBalochistan e kangro
بلوچستان ءِ کسانکیں ءُ پٹکیں سے لنکگی جربو بزان کانگرو باز کسان ءُ پٹک انت ۔ آئیے سنٹ ء بگر تا جاں دراجی 4.3 سنٹی میٹر انت ۔ آئیے لٹیک 8 سنٹیمٹر انت اے نسل بلوچستان ءُ افغانستان است انت ۔ اے بلے اولی رند ءَ بلوچستان درگیجگ بوتگ چمیشکا اشیا بلوچستان نام داتگ ۔ گونڈیں بالاد ے اے وتارا وتی دویں پادانی سرا سٹوک کنت ءُ چہ دشمناں وتار رکین ات ۔ اے وتارا گرمیں ریگستان ءُ ہُشکاوگیں جاہاں زند گوازین انت اے گیشتر وت رودیں درچکانی بر ءُ تاکاں وارت ۔ ایشان گیشتر گریں مار، گوج ءُ پیشی شکار کن انت ۔ May 30, 2026
|
|
BLADDER DOCK28 views
Kohi Tropshok
کوہی ترُپشک
اے گیشتر ماں کوہاں اُو ڈل دیماں رُودیت - اے باز ترُپش انت اُو گندگ ء گوں دپ آپ دنت - بھار کاہ ء بلے گلابی، زردین اُو سُہریں پُل پر کنت - منی ھیال ء بلوچستانے ڈولدارتریں پُلاں چہ یکے - ترُپشُک ء تاکاں بلوچ پہ شُوق ورانت
May 26, 2026
|
|
Alfalfa, Medicago sativaa26 viewsEspost Pol
اِسپوست کسانیں کاہے کہ کد ءِ 3 فٹ بوت کنت ۔ اسپوست رُدگ ءَ باز دیر کنت، بلے اولی رند ءَ رُونگ ءَ رند پدا زوت رودیت ۔ چین ءَ 1500 سال پیشتر اسپوست پہ تہلگ کار مرز کتگ ۔ اسپوست چاز سال ءَ بگر تاں ہشت سال ءَ کاہ دنت ، بلے اگاں اسپوست ءَ جاگہ وش بہ بیت ءُ ءُ بیست سال ہم زندگ بوت کنت ۔ اسپوست ءَ باز زات انت بلوچستان ءَ جموں رنگ ءِ پُل ءِ اسپوست کارمرز کن انت بلے دریں ملکاں زرد پُل ءپ گلابی پُل ءُ دگہ بازیں زات ءِ اسپوست است ۔ اسپوست ہما کاہ انت کہ اشیا دُراہیں دلوت ورانت ءِ ۔ اسپوست ہما کاہ انت کے
May 21, 2026
|
|
unripe date42 viewsPapok e nah
پپُک ءِ ناہ
وھدیکہ کہ پپُک چہ وھد ءِ پیسر ناہ بیت بزاں پہ ورگ وش انت وھدیکہ کہ پپُک آرتونگ بیت پدا ناہ بیت آئیے تام باز وش بیت ۔ شما پپُک ءِ ناہ وارتگ؟ May 16, 2026
|
|
Ehretia obtusifolia49 views
Kasanin Liwar
کسانین لیوّار
کسانیں لیوّار بلوچستان ے درچک نہ انت - اے بلے مرچاں بلوچستان لوگانی دیم او باگانی توک ا دست کپیت - او اشیا کسانین زردیں دانگ لپچناک انت بلے گونڈو اشیا پہ شوق سرچن انت او ورانت - بلے اے ھاسیں نیبگے نہ انت -۔May 08, 2026
|
|
Plantago boissier [Isphagula]71 views
Danichk
دانیچک کسانیں کاہ ء ماں بہارگاہء رودیت - اے درمانیں کاہے کہ پہ درمان ء ھاچت ء کارمرز کن انت ء - وھدے زمانگ ء دانیچکے دانگ ہورت ہورتا ساتگ انت آپ ء گونا تر کتگ انت و جنیناں وتی رستگیں سرا جتگ انت کہ دو دو ہپتگا سرے موداں رندگ نا لوٹتگ - بلے مرچاں اسپاگول نام ء سرا لاپ ء ریچگ و بند کنگے واستا کارمرز کن انت - کولسٹرول ء بیمار اگاں ہمک روچ دانیچک کارمرز بکنت آہےApr 29, 2026
|
|
