| Category |
Albums |
Files |
|
10 |
2,233 |
|
| 2,233 files in 10 albums and 1 categories with 901 comments viewed 434,156 times |
|
|
Pomegranate241 viewsانار
Anaar
انار یک میوہ ات کہ گیشتر گرماگے ھلاسی او زمستان ء اول سرا پا ورگ ء جاڈی بیت - انار پُل او انارے گروہگ گیشتر بلوچ شاہراں پہ جنک ء شرّنگی ء تشبیح داتگ انت - بلوچستان انارے واستہ وش تبیں موسُم دنت - مکران ے برزی ھنداں بگر تاں سراوان تاں توران اے انارے ردوما باز جوانیں ھند و دمگ انت - انار سُہریں گروھگے توکا سُہریں شیرکنین او تُروپشیں دانگ مان - انار کہ گیش بنت گڈا ایشان تاپ کن انت او اناردانگ جوڈ کن انت - آیے پُوستا چہ بندگ او پژم رجنت - انار دلے نادراہ اے علاج انت -۔
|
|
Flamingo 177 views روسی او لانکڑی
Rosi or Lankadi
فلیمنگو ءَ بلوچی ءَ روسی اُو لانکڑی گوش انت ۔ بزاں چہ روس کیت ۔ بلے فلیمنگو چہ روس ءَ نہ ایت ۔ تانسریں دگنیا ءَ شش زات ءِ فلیمنگو است ۔ چار امریکہ ءُ لاطینی امریکہ ءِ افریکہ جہمنند انت ءُ دو یوروپ ءُ ایشیا نندوک انت ۔ اے یک آپی مُرگ ءِ اشیے ٹانگ باز دراج انت ۔ اے زمستان ءِ درگت ءَ بلوچستان ءِ تیاباں کیت انت ۔ گرماگ بندات بوّگ ءَ پدا واتر کنت ۔
|
|
243 viewsٰEspentaan
اسپنتان
اسپنتان بلوچستان ء پہ درمان کارمرز کن انت - اشیے دو ذات انت یکّے سُہر و دومی سیاہیں دانگ پر کن انت - اسپنتانے نرم نازرکیں تاکاں مرچاں چو سلاد ء وڈا ورنت - اشیا گیشتر باکلینکے ڈگارانی تہا چنڈنت - وھدے کہ دان کنت گڈا رْن انت و دانان ء انبار ء جم کن انت - وھدے ھاجتا کارمرز ء کن انت - بلے تنیگا اشیا چو نیادی ء وڈا نہ کش انت - اشیا ہمک مردْم وتی ھاجتے ردا کش ات
|
|
Salt bush. Atriplex lentiformis182 viewsسُوریچک
Sorichk
سوُریچک یک کسانیں درچکے کہ گیشتر ما سورگیں جاگہاں رودیت - سوریچک بہارے موسُم ء مرّ کش ات - پُرکّویں رنگے درچک کسانیں تاک پر کنت - اشیے نرم نازرکیں تاکاں سر چن انت او لۃڑ دینت - سورچکے کاہُک باز وش انت بلے کمّے سورچک انت
|
|
Greater Hoopoe-Lark139 viewsجَنِک ریپ
jenik rip
جَنِک ریپ جَڈول ءِ نسلاں چہ یک نسل انت کہ دگہ جڈولاں چہ مستر ءُ سُنٹ (چُمب) دراج انت۔ اے اکس من نوشکی ءَ کشتگ ابید چہ نوشکی ءَ خاران ءَ ھم من اے مُرگ کشگ اے مُرگ ھندی جہمنندیں مُرگے اے بلوچستان شمال ءِ بگر داں خیرپُور ءِ ریک ءَ کشگ بیتگ الم ھمے مُرگ راجستان یا گجرات ءَ ھم بیت، اے بلوچ دمگاں کُل سال گندگ بیت ءُ ھمے ھنداں رین کنت۔
من وہدے نوشکی ءَ مَردم جُست کُرتاں کہ جَنِک ریپ پَرچا گڑا یک کسہ ءِ اتک کہ کسانیں گونڈو ایں جِنِک اشی دمگ ءَ کپتگ ءُ گسر بیتگ ریک پاد ءَ تُنیگ بیتگ بیران بیتگ۔ اشی اگاں نزیک ءَ کسے روت گڑا اے کسانیں بال کنت ءُ دیمتر نندیت ھمے وڑا کم کمے دیر بیان بیت پمشکہ جَنِک ریپ نام کَپتگ
منت سلمان بلوچ
|
|
Balochistan Portobello Mushroom422 viewsُPashtalaink
پشتلینک
اے کُٹینگ ء یک ذاتے کہ اشیا پشتلینک گوشنت - اے گیشتعر ہما جاہں رودیت یا پیداک بیت کہ اودا گورم یا گوک یلہ بوتگ انت - اشارا نارُشت کن انت - او اشکرے سرا پچ انتے باز تامدار انت او وشّیں بوہے کنت - زمانگا بہارے درگتا کُٹینگے چنگا جنگل او ہنکیناں شتگ انت کہ اودا کُٹینگ باز بوتگ -۔
|
|
Needle 133 viewsگوندوچ
Gondoch
گوندوچ ہما مستریں سُچچن انت کہ چرایا گون دوتکگ انت ۔ چمیشیا نام ء گون دوچ نام کپتگ ۔ گون ، اُرجین، نپاد ء رٰلی ء جامگداں ءُ دگہ ڈالیں چیز دوتکگ انت ۔ اے چہ سُوچن ء باز مزن تر انت ۔ مرچی ہم گوندوچ ء الکاپی سرا کار بند انت ۔
|
|
Glossonema varians278 viewsShagoshag ya Allado
شگوشگ یا الّڈو
شگوشگ ء بُٹگ ہمیش انت - او دانگ ہم لونجان انت - اے بہرے درگتا ڈلپادیں او ڈگارواں رودیت ایشیے دانگ باز تامدار انت او اشیے وتی تام ء استیں -۔
|
|
|
|
Astola Beach32 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|
