Category |
Albums |
Files |
|
10 |
2,234 |
|
2,234 files in 10 albums and 1 categories with 902 comments viewed 434,165 times |
|
COCCULUS SP326 viewsZaamor
زامْر
چونایا زامْر ء درچکے لیکنت - بلے زامْر درچکے نہ انت بلکن یک ول ء - زامْر چو ول ء وڑا دومی درچکے سرا روت - اگاں درچکے بوتیں گڈا وتی کنٹے سرا چو درچکے وڑا مک بوتیں - بلے چوش کہ ول ء پمیشکہ دگہ درچکانی کمک و مدت ء وتا پتاہاں کنت و سر کپیت - اے گیشتر کھور، چگرد، چش، و پیرانی سرا سر کپیت۔
جُست۔۔۔ من زامُری درچکے باں تلاری دیم ء رُداں
پسُو۔۔۔ من کُوہی گرانڑے باں تئی سرشاہان چراں
|
|
Plover128 views
Tello
ٹلّو
ٹلو یک کسانیں مُرگے کہ گیشتر ماں جوہ سراں، لچ او مین، آپ ء پُرّیں ڈگار او بنداں دست کپیت - بزاں کہ ہما جاہا کہ آپ است ٹلوہمودا بیت - اے گیشتر لچ او مینان کرم ، مور سلور، پاتو بالو او دگہ بازیں گیپت او وارت - ٹلوے باز کسم است بلے ما درستاں ٹلو گُشاں باید ہمیش انت کہ ایشاں یک یکّا نام دیگ بہ بیت
|
|
A Face of Balochistan540 viewsBalochistan e chahrag
بلوچستان ء چہرگ
اے اکس ء اگاں تو شرّی سرا بچارے ترا تانسریں بلوچستان ء چہرگ گندگ کئیت - سرے دزمال ء پیلڑاھگ، بے رد و بندیں ریش و بروت، پیشانیے کرچک، درتگیں مانپوشتگیں شال، نااُمیدیں چمّانی روک، ہُشکیں لُنٹ او وانگ ہیرانیں دیم، اے دراہ بلوچستان ء سپت انت
اکس ء منّت
واجہ جان البلوشی
|
|
Bottle gourd152 views
کدّو
Kaddo
کدّو مرچاں بلوچستان ءِ ہم کش انت۔ اے اگاں شرریں جاہ ءِ کشگ بہ بیت گڈا دو تا پیچ کیلو بوت کنت ۔ اے نارُشت ءَ کارمرز بیت
|
|
Anchor 130 viewsننگر
Nangar
ننگر یک ازباب کہ اشیا چہ لانچ بوجیگ میل اشاں وھدے کہ ہوشتارین انت گڈا اشان بند انت بزاں ننگر ءَ آپ ء دور دینت آ ئیا کش انت گڈا آ ننگر ریکانی تہا مین بیت ۔ چریشیا چہ گوات لانچ ، بوجیگ یا میل ءَ دگہ جاگہ بُرت نہ کنت ۔
|
|
Paracaryum128 viewsParacaryum
کسانیں بوٹگ بلے اشیے نام زانگ نہ بیت ۔ اگاں شما اشیے نام ء زانت کنے شیئر بکن ات منواربیں
|
|
262 viewsKalam
کلم
کلم ماسولک ء چہ مستر ہ چہ بمبوُا چہ بارگ تر انت - گیشتر ماں لچ اُو مین رودیت - ڈیل بالاد ء بارگ اُو بوُگ بوُگ انت - دار ء تہ پچ انت - چمے دار چہ نل یا کلم جوڑ کن انت - چمیشکا اشیا کلم گشینت
|
|
Bill Bean181 viewsBankalaink
باکلینک
بانکلینک بلوچانی کوھنیں کشارے، باز نازرکیں پسل ء 5 فٹ ء برز بیت - اشیا نومبرا کش انت او مارچ ء گڈسرا موش کن انت - بانکلینک نازرکیں کوسرکاں نارُشت کن انت وھدے ھشک بنت گڈا اشیا ڈلوک ء سرا ڈل انت او نارُشت کن انت - او آمین ء درگتا کوّل کن انت ناہے گونا ورنتے اے ھمک ّوھدا کار دنت -۔
ادا باکلینک نوکی پُل انت ۔
|
|
|
Rufous Tailed. Scrub Robin3 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach35 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|