| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,871 times |
|
|
Sorted Pomegranate223 viewsاناری دانگ
Anaari danag
انار ءِ اسل چہ کوہ ءِ کاپ ءِ ہند ءُ دمگ انت، بلے مرچی باندا تانسریں دُگنیا انارءِ کشت ءُ کشار است انت ، پنچ چہ ہشت میٹر ءِ کساس ءِ درچک انت ۔ سُہرین ڈولداریں پُل پر کنت ، انار ء بر ءِ توکا دو سد تا چاردہ سد آپلوکیں سپید، جمو ءُ سُہر گونگیں دانگ مان بیت کہ شرکن انت ۔ بلوچستان ءَ ہم بالادی ہند ءُ دمگاں انار ءِ کشت ءُ کشار کن انت
|
|
192 viewsشمے ھند ءَ اے کاہ ءَ چہ گوش انت؟
|
|
Leptadenia Pyrotechnica122 viewsھوب
Hoob
ادا ھُوب پُل انت۔
اے یک کسانیں درچکے کہ چو کلیرے پیما تاک پر نیست ، چو بارگ بارگیں
دار ے وڈیں جمل جناں بیت - اے گیشتر کوچگیں جاگہاں رودیت ہُشتر ء وراک انت او گوازءَ کارمرز کن انت
|
|
Unripe date229 viewsپپُک
Papok
پپُک بزاں کہ مچ ءِ بر تنیگا نا تمام انت بزاں کٹک انت ، ءُ بزاں سبز انت۔ آیارا پپُک گوش انت ۔ وھدے کہ مستر بیت گڈا پپُک وتی دروشُم ءَِ بدل کنان کنت ۔ بزاں رنگ بیت ، دُرپانچ بیت ، پوگس بیت ءُ گڈ سرا ناہ بیت۔ وھدے کہ پپک انت، ادا زبگ بیت، آرتونگ بیت ءُ چل بیت ۔
|
|
Dill. Anethum graveolens192 viewsگواتگ
Gowatag
گواتگ یک بزارے بزاں مسالہ کارمرز بیت - کسانیں بوٹگے کہ بہارَ درگتا رویت - اشیے ڈیل و ڈول چو رز او زیرّگے وڈا انت - زردیں پُل جنت - کسانیں دانگ پر کنت - کہ دانگاں چوپنت و دوگیں شیراں مان کن انت - کہ وشیں او سارتیں بوہ کنت او شیراں تامدار کنت -۔ ادا گواتگ دان انت ۔
|
|
Date Bag234 viewsKapat
کپات
اے کپات ءِ یک نمونگ انت ۔ چونایا کپات نہ داز ءِ پیش ءَ جوڈ کنگ بیت ۔ کپات پہ ناہ ءِ واستہ جوڈ کنگ بیتگ کہ مچ ءِ روپگ ءِ وھدا گورشان ءَ ناہانی وزن گران بیت گڈا مچے سرے مرد ناہاں کپات ءَ کنت ءُ ھووند ءَِ چہ جہلا راہ دانت ۔ ہمے وڈا کپات ءِ ناہاں پدا سپت ءَ کن انت۔ سپت کہ پُر بیت گڈا ناہاں شگنز ءَ بر انت ۔
|
|
Melon126 viewsتیجگ
Tejag
دگنیائے توک ءَ تیجگ ءِ باز نسل انت بلے اے تیجگ کہ بلوچستان ءَ دست کپ انت گیشر چہ ہوروپ ءِ تیجگانی نسل ءَ گندگ بنت ۔ بلے مرچی باندا سردا ءَ تیجگ بلوچستان ءَ کشگ بوگان انت اے ہم چہ ایشیا ءُ یوروپ ءَ چہ سیادی کن انت ۔ بلے اے چہ انڈیا ءُ پپنجاب ءِ ءیمگا سر بوتگ انت ۔
|
|
Sheep Dried Meat289 viewsگرانڈ ءِ تباھیگ
Gorand e Tebahig
تیباھگ بلوچستان ء عید ے براک ء سراتکگیں گوشت انت کہ ایشاں انار دانگ و واد پر کتگ بُرزیں جاہا درانج انت کہ ھشک بہ بنت - مرچاں تیباھگ باز کم جوڑ کن انت چیا کہ مرچاں سردانہ است ء بلے اے اکس بلوچستان ء مال چارینوکانی کہ مزنیں عیدے درگت ء قربان کوتگیں براکانی گیشیں گوشت انت کہ تیباھگ جوڈ کتگ انت - اے اکس گرانڈ بزاں اسپیت پس ءِ تباھیگ انت ۔
|
|
|
|
Purslane68 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt58 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin69 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot143 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
