| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,815 times |
|
|
Mango182 viewsامب
Amb
امب بلوچستان ءِ شرتریں نیبگاں چہ یک ات ۔ بلوچستان امب سک باز پیداک بیت ۔ چونایا امب ءِ باز زات انت ، بلے بلوچستان ءِ تنیگا ہمک مردم اے امبانی زاتاں جاہ آئورت نہ کنت ۔ بلے نصیر آباد ءُ بیلہ ءِ مردم کہ کاروباری مردم انت آ اے امبانی زات ءِ سرا وتی باغاں امب کِش انت ۔ امب ءِ زات چو مچ ءِ وڈا باز انت بلے گوش انت کہ سندھڑی ، چونسہ ءُ الفونسو درستاں چہ تام دار تر انت۔
|
|
Butterfly Rays212 viewsPittin pappo
پٹّین پپّو
پٹین پپّو یک کسانیں دمب ءِ واھُند انت۔ اشیے کد چہ دوازدہ انچ ءَ چہ چار میٹر ءِ میان ءَ کساس ءَ بیت ۔ اے وتی چار و گدار کنگ ءَ دمب ءِ سرا ڈنگ جنت کہ باز ٹپّی کنت ۔ اے گیشر ماں گرمیں دریا ہاں بیت ۔ او تلگیں جاہاں دست کپیت ۔
|
|
Sedah Kor Jahow142 viewsSedah Kor Jahow
سیدہ کور جھاہو
بلوچستان ءِ کور، کوہ کور، شیپ ہورے وھداں دراہ رتکگیں ہورانی آپاں وتی دلبنداں جاگہ دیاں ءُ سوریں دریاءَ سر کن انت ۔ اگاں ما بچاریں ہمے کور انت چہ ھورا رند سبزسبز بنت ءُ چارگ کرز انت۔ ہمے کور مئے پس ءُ دلوتاں وراگ دیئنت ۔ بلوچانی زند گوں کوراں بندوک انت ۔ اگاں ماوتی کورانی کش ءُ گوراں بچاریں تو ما ہمے گندیں کہ مئے لوگ ءُ میتگ کورانی اے کپ آ کپ انت ۔ چونایا ایوکا بلوچ نہ انت بگندے تانسریں دگنیا ہم ہمے وڑا آباد ا نت ۔ کیچ کور کیل کور نہنگ بولان ایشانی چپ ءُ چاگرد ءَ میتگ آباد انت ۔ انساں چہ آپ ءَ بہانی بہ دور بوت نہ کنت
۔ چمیشکا تانسریں دگنیا ہمے وڑا وشیں آپانی دریا کشءُ گورا نیشتگ انت ۔ دریائے سندھ دریائے نیل دجلہ و فراط ہم ہمے وڈا آباد بوتگ انت ۔ بلوچستان ءَ وشیں دریا نیست بلے بلوچ وتی کورانی چپ ءُ چاگرد ءَ نشتگ انت ۔
اے سیدہ کور جھاہو
اکس ءِ منت واجہ جمیل احمد
|
|
Purua-Grass254 viewsTozg
تُزگ
تُزگ گیشتر لچ اُو مین ء رودیت - بزاں آپ ء کش اُو گواراں - تُزگ دریا ء سوریں آپ ء کش او گواران ہم رودیت - تُزگ اُنڈال چہ بارگیں دارے نمودار بیت بُرزا کلّچک ء وڈیں تاک اُو پُل پر کنت - تُزگ ء چرگ پس لچانی تُوک مین بنت اگاں شپانک دلگوش مداریت گڈا پساں شگال شکار کن انت - چونایا تُزگ ء مرچاں پُل ء وڈا لوگانی دپ اُو ترّوتابانی جاگہاں کشنت - باز ڈولدار انت
|
|
Spotted Dove161 viewsBarri Shatol
برًی شاتُل بلوچستان ءِ جہ منندیں بالی مُرگ نہ انت اے یک مساپریں مُرگ ات ۔ کہ گیشتر مارچ ءِ ماہ ءَ کیت ءُ پدا اپریل گڈ سرا روت ۔ اے چونایا شاتل ءِ زات انت بلے ٹک ٹک انت مئے ھند ءُ دمگ ءَ اشیا بری شاتُل گوش انت ۔
|
|
Indian Rollar185 viewsKangaashk
کانگاشک
کانگاشک یک ڈولداریں بالی مُرگ ءِ ۔ اے مُرگ شہر ءُ بازار جنگل ءُ میداناں گندگ بیت ۔ بلوچستان اے مرُگ گیشتر دریابار ءُ مچکدگ ءَ گندگ بیت ، بلے وھدے کہ آمین بیت گُڈا کانگاشک مچکگدگ ءَ پہ دواہی ہم نہ گواہیت ۔ پرچا کہ چُک ءُ برے وھدا مچکدگ ءُ شہراں یل کنت ءُ کوہاں روت ۔ کوہ پہ چُک ءُ برا ایمن تر انت ۔ آمین ءَ رند گوں وتی چُک ءُ چلانگاں پدا مچکدگ ءُ شہراں کئیت ۔
|
|
Date Palm Tree122 viewsMachch
مچ
مچ انچو کشتگ کہ زانگ بیت کہ اے یک کلمیر ءِ سرا کشت بوتگ ۔ اے مچ ءِ باروا چے زانے؟
|
|
unknown Grass93 viewsبلوچستان کوہ ءُ گر پہ وڑ وڑیں درچک ءُ دار، کاہ ءُ بوٹگ ءُ پُل ء َ چہ سر ریچ ان ت۔ بلے ایشانی نام زانگ نوکیں نسل ء واستہ باز گران انت چیا کہ نوکیں نسل گوں ایشاں ہچ وڑیں سیادی یا رتک ءُ ریچ نہ کنت ۔ اے کسانیں بوٹگے نام درکار انت ۔
|
|
|
|
Purslane50 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
