Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,159 times |
|
Proso Millet149 views
ارزُن
Arzon
ارزُن یک دھل ءِ کہ بلوچستان ءَ اشیے کشاورزی بیت ۔ اے کسانیں کاہے کہ ھوش پر کنت ءُ ھوش چہ دان ءَ پُر بنت ۔ چونایا دنیائے توک ءَ نوہ زات ءِ ارزُن است کہ آھانی دان ءِ رنت چہ اسپیت ءَ بندات بیت چہ پُہتہیں سیاہ ءَ روت ۔ بلے بلوچستان ءَ زرد ءُ سہُریں ارزُن کش انت ۔ وھدے زمانگءَ ارزن ءَ دان درُشتگ انت ءُ نان جوڑ کتگ انت۔ بلے مرچاں ارذُن نان جوڑ نہ کن انت ۔ ارزن تمکار ءَ چہ رند کش انت، بزاں اگاں ھور چہ موسُم ءَ پدی بہ بنت گڈا بلوچ وتی ڈگاراں ارزن کش انت۔ چیا کہ ارذن زوت دان بیت۔ ارزُن ءَ گرماگ ءِ ھلاسی ءَ ہم کش انت ، بزاں سال ءِ دو رندا ءَ پاگ دنت۔
|
|
Drying Onion seeds234 viewsپیماز ے توم
Pimaz e tom
اے اکس ءِ توکا پیماز ءِ توم بزاں بر سرچتگ ءُ تاپ کُتگ انت ۔ تنکہ ھُشک بہ بنت۔ پدا دیمے سال ءِ واستگ دگہ تومک پر کن انت ۔
|
|
Rhazya stricta 182 viewsایشرک
Eshirk
اے کسانین بوُٹگے کہ گیشتر ماں کوہ او کوراں رودیت - کسانیں اسپیتیں پُل ء پر کنت - کوسرک بیت - اے مدام پہ دوا کارمرز کتگ - اگاں مچّ کرما وارتگ گُڈا ایشرکے شاہ
پروشتگ او مچّے گرکا داتگ - اگاں ماشیں دان پہ توم ایر کنگی بوتگ گڈا ایشرکے ھُشکیں تاک توکا ایر کتگ انت تنکہ وروکے ما وارتے - ۔
|
|
Greater Hoopoe-Lark139 viewsجَنِک ریپ
jenik rip
جَنِک ریپ جَڈول ءِ نسلاں چہ یک نسل انت کہ دگہ جڈولاں چہ مستر ءُ سُنٹ (چُمب) دراج انت۔ اے اکس من نوشکی ءَ کشتگ ابید چہ نوشکی ءَ خاران ءَ ھم من اے مُرگ کشگ اے مُرگ ھندی جہمنندیں مُرگے اے بلوچستان شمال ءِ بگر داں خیرپُور ءِ ریک ءَ کشگ بیتگ الم ھمے مُرگ راجستان یا گجرات ءَ ھم بیت، اے بلوچ دمگاں کُل سال گندگ بیت ءُ ھمے ھنداں رین کنت۔
من وہدے نوشکی ءَ مَردم جُست کُرتاں کہ جَنِک ریپ پَرچا گڑا یک کسہ ءِ اتک کہ کسانیں گونڈو ایں جِنِک اشی دمگ ءَ کپتگ ءُ گسر بیتگ ریک پاد ءَ تُنیگ بیتگ بیران بیتگ۔ اشی اگاں نزیک ءَ کسے روت گڑا اے کسانیں بال کنت ءُ دیمتر نندیت ھمے وڑا کم کمے دیر بیان بیت پمشکہ جَنِک ریپ نام کَپتگ
منت سلمان بلوچ
|
|
Blue rock thrush 221 viewsڈکّالوک
Dokkalok
ڈکالوک یک کسانیں مُرگ ءِ کہ چہ گولو شہباز ءَ کم ءِ کستر انت ۔ اے بلوچستان ءَ آمین ءِ ھلاسی بزاں ایرھت ءَ کیت انت ۔ چمیشکا اشیا ڈوکالوک گوش انت چیا کہ ایرھت ءِ درگت ءَ بلوچستان ءَ ہچ نیست۔ چونایا اے بلوچستان ءِ رھگوازی بالی مُرگ ءِ جہمنندیں مُرگ ءِ نہ انت ۔
|
|
Periploca aphylla236 viewsGeshterr
گیشتر
گیشتر درچکے کہ گیشترماں کوہاں رودیت - گیشتر ھُوب ء زاتیں درچکے کہ اشیا تاک پر نیست بلکن بارگ بارگیں لٹّوکء وڈیں شاہ پر کنت - اشیے کوسرک ء وڈیں بر پرکنت وھدیکہ پہتہ بیت گڈا کوسرک پچ بیت او دانگاں نرم نازہرکیں پژم پر کہ گوں گوتے کشّگا بال کن انت او پہ وت روانت - زامران یک جاہے است انت کہ اودا گیشتر باز بوتگ گشتردان کتگ ، بلے مرچان گیشردان ء سرا نام کپتگ
|
|
Cheese or Labneh ball126 viewsShillanch
شیلانچ
گردیں شیلانچ ءِ جوڑ کنگ بلوچ دودانی تہا است انت کہ دوگیں شیر چہ ورگ ءَ گیش بوتگ انت ۔ گڈا اشاں دوگ لہز داتگ انت ۔ گرد گرد گولکیں جوڑ کتگ انت تاپ داتگ ان ت۔ بلے لہڑ دیگ ءِ وھد ءَ کمک واد مان کتگ انت کہ کمے سور تام بنت ۔ اے وھدے کہ ھُشک بوتگ انت پدا ایر کتگ انت ءُ ہما وھدا نارُشت دوگیں لوگ ءَ نہ بوتگ گڈا اے شیلانچ چوپتگ انت ءُ آپ مان کتگ انت گوں نان ءَ نوش ءُ جان کتگ انت ۔ بلے مرچاں انچو ورانے ۔
|
|
Baloch Date tray242 viewsسپتوک
Saptok
سپتوک بزان کسانین سپت۔ اے چہ دازے پیش ءُ پات ءَ جوڈ بیت ۔ اشیا گیشتر مچ ءِ بن ءَ کار گر انت بزان مچ ءِ روپگ ءِ وھدا گورشان ءِ روپتگیں ناہ باز بنت ءُ گورشان گران بیت گڈا ناہان سپتوک ءَ مان کن انت ھوھند ءَ چہ جہل ءَ راہ دیگ بنت، ہمے ناہاں پدا سپت ءَ مان کن انت۔ سپتوک ءَ کیچ ءَ مزنیں کپات ہم گوشنت۔
|
|
|
Astola Beach34 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|