Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,158 times |
|
Alfalfa, Medicago sativaa160 viewsاِسپوست
Espost
اِسپوست کسانیں کاہے کہ کد ءِ 3 فٹ بوت کنت ۔ اسپوست رُدگ ءَ باز دیر کنت، بلے اولی رند ءَ رُونگ ءَ رند پدا زوت رودیت ۔ چین ءَ 1500 سال پیشتر اسپوست پہ تہلگ کار مرز کتگ ۔ اسپوست چاز سال ءَ بگر تاں ہشت سال ءَ کاہ دنت ، بلے اگاں اسپوست ءَ جاگہ وش بہ بیت ءُ ءُ بیست سال ہم زندگ بوت کنت ۔ اسپوست ءَ باز زات انت بلوچستان ءَ جموں رنگ ءِ پُل ءِ اسپوست کارمرز کن انت بلے دریں ملکاں زرد پُل ءپ گلابی پُل ءُ دگہ بازیں زات ءِ اسپوست است ۔ اسپوست ہما کاہ انت کہ اشیا دُراہیں دلوت ورانت ءِ ۔ اسپوست ہما کاہ انت کے دگنیائے چاریں کُنڈاں کِشگ بیت ۔
|
|
Acacia nilotica167 viewsچیش ءِ سمّڑ
Chish e sammad
چش بلوچستان بُرز تریں درچکاں چہ یکے ۔ چش ءِ باز شرّی ءُ سپت است انت ۔ مسال چش کاہ انت ، چش پُل ات۔ چش گواز انت ، چش سوجگی دار انت ، چش ساھیگ انت چش یکدار او دگہ باز۔ چش ءِ دار ءَ گڈانت یکدار ہم جوڈ کن اتن
|
|
Centipede128 viewsسواسو
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔
|
|
Unicoron filefish160 viewsھر
Harr
ھر ءِ کسانیں ءُ مزنیں ماھیگ است، اے ماھیگ ءِ دپ باز کسان انت ءُ چم سرے توک ءَ انت ، اے ماھیگ چہ آ دگہ ماھیگاں دگہ وڑ انت ۔
|
|
Cucumis Prophetarum172 viewsگل گونجُک
Gol Gonjok
گل گونجُک، جنّی چیبیٹ، جنّی پنیرپاد ہمے یکّ ءَ گوش انت۔ اے ول ءِ کہ ھُشکاوگیں ھندو دمگاں رودیت۔ اشیے بر ءَ کُنٹگ پر اے چو کُچلا زھر انت۔ باز ڈولداریں زردیں بر پر کنت ۔
|
|
125 viewsکلپر
Kalper
اے وشیں کلپر انت
بلوچستان ءَ کلپر ءِ باز زات است انت، یک زھریں کلپر کہ پہ کاہُک ءَ کار مرز کن انت، دومی وشیں کلپر کہ اشیا سلاد ءَ کارمرز کن انت کہ تام دار انت ، سہمی سندی کلپر کہ اے بلوچستان ءَ باز کم انت ترا کم دست کپیت، اشیا ہم چو وشیں کلپرے وڑا سلادے وڑا ورانت ءِ، اے ہم باز وش انت ءُ تامدا انت۔
|
|
House Crow 171 viewsکانگی
Kangi
کانگی گراگ ءِ زاتیں بالی مُرگ ءِ بلے اے گراگ ءَ ہما دیم انت ، کانگی بلوچستان ءِ مُرگ نہ انت بلے اے ھندے مُرگ انت ، او گوشنت کہ اے مہاجرانی نشانی انت ، ہرجا مہاجر روانت اے مُرگ ءِ گون انت ۔ اے یک سللیں مُرگ ءِ کہ دگہ مُرگاں وتی ھند ءَ نیلیت ، آہانی ھیکاں وارت آہاں مجبور کنت کہ جاہ ءَیل بدی انت ، وھدے گودارے زمین مہاجراں بہا زُرت انت انچو گوادرا ءَ اے مُرگانی آھگ بندات بوت مرچی گودر ءَ ترا دگہ ھچ مُرگ دست نہ کپیت۔ درست تاچینتگ انت ۔ انچو کہ کراچی ءَ سندھی ءُ بلوچ، ممکن انت کہ گوادر ہم ھنچوش بہ بیت ۔ بلے ھُدا مکنت۔
|
|
Salsola 134 viewsAnshag
انشگ کسانیں درچکے کہ گیشتر ماں سورگیں جاہاں رودیت - بہارے ھوراں رودیت بلے گرماگ ء ہم زندگ بیت - اشیے تاک گْگ بنت و آپ ء پُر بنت - اشیا بیدے اْشترا دگہ دلوت نہ چرانت
|
|
|
Astola Beach33 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|