Category |
Albums |
Files |
|
10 |
2,234 |
|
2,234 files in 10 albums and 1 categories with 902 comments viewed 434,163 times |
|
Kolgar87 viewskolgar
کولگر
تیاب دپے مردم اے ماہیگ ء کولگر گوش انت بلے کیچ ء مردم اشیارا لوجر گوش انت ۔ کولگر بہ بیت کہ لوچر بلے اے گوں ترونی نان سک وش ءُ تام دار انت ۔
|
|
Balochi Bread 270 viewsنان
Naan
اے بلوچی نان ات ، بلوچ اے نان ءَ ڈرمب ءِ توک ءَ آس روک کنت ءُ ڈرمب ءِ پُشت ءَ وتی تین جوڑ کنت نان ءِ پچیت پہ۔ اے نان چہ یک میٹرے قدّا چہ گیش بیت بلے کم نہ بیت ۔ حاجی گرکی کومنٹ داتگ کہ باید انت کہ اے نان گنیز بُک ءَ رکارڈ بوتیں ۔ اے ھبر راست انت بلے بلوچ ءِ واستہ ھنوز دلی دور است
|
|
Ostrich166 viewsاُشتر مُرگ
Hoshter morg
ھُشتر مُرگ افریکہ مُرگ انت - منی ھیال ء بلوچستان نیست انت- بوت کنت کہ یک زرداریا وتی باگ داشتگ ۔ ھُشتر مُرگ ٹوہیں مُرگے کہ مرچاں دگنیائے چاریں کُنڈاں شنگ انت ۔ یک سلامتیں ھُشتر مُرگے وزن 63 بگر تاں 130 کیلوگرام بیت او 70 کیلومیٹر پہ یک سہت ء سپر کنت - 6 تاں 9 فُٹ اشیے بُرزی انت ۔
|
|
Greater Hoopoe-Lark139 viewsجَنِک ریپ
jenik rip
جَنِک ریپ جَڈول ءِ نسلاں چہ یک نسل انت کہ دگہ جڈولاں چہ مستر ءُ سُنٹ (چُمب) دراج انت۔ اے اکس من نوشکی ءَ کشتگ ابید چہ نوشکی ءَ خاران ءَ ھم من اے مُرگ کشگ اے مُرگ ھندی جہمنندیں مُرگے اے بلوچستان شمال ءِ بگر داں خیرپُور ءِ ریک ءَ کشگ بیتگ الم ھمے مُرگ راجستان یا گجرات ءَ ھم بیت، اے بلوچ دمگاں کُل سال گندگ بیت ءُ ھمے ھنداں رین کنت۔
من وہدے نوشکی ءَ مَردم جُست کُرتاں کہ جَنِک ریپ پَرچا گڑا یک کسہ ءِ اتک کہ کسانیں گونڈو ایں جِنِک اشی دمگ ءَ کپتگ ءُ گسر بیتگ ریک پاد ءَ تُنیگ بیتگ بیران بیتگ۔ اشی اگاں نزیک ءَ کسے روت گڑا اے کسانیں بال کنت ءُ دیمتر نندیت ھمے وڑا کم کمے دیر بیان بیت پمشکہ جَنِک ریپ نام کَپتگ
منت سلمان بلوچ
|
|
Sicklefish213 viewsشکّ
Shakk
شک آمڈوسک ءِ زاتین کسانیں پتنیں ماھیگ ءِ ۔
بلوچستان ء تیاب ہمنچو پراہ و شاہگان انت ، ہمے وڈا قدرتے بخشاتگیں گنج ماہیگ ء دروشُما موجود انت - اسپیتیں تگلم ڈولداریں او تامداریں ماہیگاں چہ یکّے -
اے ماہیگے ھڈ و کُنٹگ ھمنچُک نازورک انت آرا گوں ھڈّاں جاہنت - اگاں تئی سر کدی بلوچستانے بندناں کپیت گُڈا تگلم ء تامے گراگے جُہد ء بکن ات
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت
|
|
Garden lizard168 viewsگرّی کوڈیل
Garri Kodail
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔
|
|
Techomella undulata149 viewsپرپُک
Parpok
پرپُک بلوچستان ءِ ڈولدار تریں پُلاں چہ یک ءِ ہمے وڑا اے یک ڈولداریں پُل ءِ ۔ ہمے وڑا اے یک مہکیں ءُ ساھگ داریں درچک ءِ۔ اے زردیں پُل پر کنت کہ عجب بے مٹ ءُ بے درور انت۔ اشیے دار ہم مُہکیں دارے کہ بلوچاں کار گپتگ انت۔
شاعراں پرپُکے پُل ءِ نازُرکی گوں وتی مہگونگے نرم نازرکیں گُلاں تشبیع داتگ انت۔
|
|
|
Rufous Tailed. Scrub Robin1 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach35 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|