| Category |
Albums |
Files |
|
10 |
2,243 |
|
| 2,243 files in 10 albums and 1 categories with 909 comments viewed 437,022 times |
|
|
Dill. Anethum graveolens186 viewsگواتگ
Gowatag
گواتگ یک بزارے بزاں مسالہ کارمرز بیت - کسانیں بوٹگے کہ بہارَ درگتا رویت - اشیے ڈیل و ڈول چو رز او زیرّگے وڈا انت - زردیں پُل جنت - کسانیں دانگ پر کنت - کہ دانگاں چوپنت و دوگیں شیراں مان کن انت - کہ وشیں او سارتیں بوہ کنت او شیراں تامدار کنت -۔ ادا گواتگ نوک پُل انت۔
|
|
Water pond 246 viewsکُمب
Komb
کمب ءَ بلوچی ءَ جہلگ ہم گوش انت ۔ کومب چہ ملکیں ھاک ءَ جوڑ کن انت بلے اڑ کنگ ءَ رند اشیارا آس ءِ گوما پچ انت ءُ سُہر تر اِت ۔ کمب آپ وھدے کاپرے چیر ءَ بہ بنت گرماگ ءَ ہم سرد بنت ۔ کومب مرچاں مشک ءِ جاہ ءَ کارکنگ ءَ انت ۔
|
|
Squid160 viewsمَس ماھیگ
Mas Mahig
مس چونایا دریائی لولوک ءِ اے کسانیں ماھیگاں وتی پانچُلانی سرا گیپت ءُ پدا نک جنت۔ اے گیشتر گرماگ ءَ آپ ءِ تہا دور روت بلے زمستان ءَ تلگی ءَ کیت ۔ اگاں ماھیگ ءِ اشیا گرگ ءِ جہد ءَ بکنت ، گڈا اے چہ دپ ءَ مس بزاں سیاھی گل گل کنت ، چریشیا چے آ جاہ تہار ءُ لورد بیت۔ شکار کنوکیں ماھیگ نہ گند ات ءُ آ لوردی ءَ چہ تچیت ۔
|
|
Mullit173 viewsمُربہ
Morba
مُربہ، مُربُک یا مُربو یک کسانیں ماھیگ کہ قد چہ 15 بگر تاں 16 سنٹی بیت۔ اے ماھیگ گیشر تیاب دپاں رم ءِ شکل ءَ گردیت ۔مُربہ آپ ءِ سر بری نیمگا بیت ۔
|
|
Solanum nigrum124 views
لیلاں بلُک
Lillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
|
|
Boat on way279 viewsیکدار رہادگ انت
Yaddar rahadag ant
یکدار یا یدّار اے کسانیں لانچ ءِ کہ دریائے نزیک گوراں شکار کن انت ، اے درو شُت نہ کن انت ، اے گیشتر لانچاں وت گون انت گون ، کہ وھدے زلورت ءَ ماھوراں گیش ءُ گیوار کن انت ۔ یکدار گیشتر کم توجیلیں مردم زور انت ءُ وتی کار ءُ بار کن انت ،زردار گیشتر لانچ گرانت کہ کار ءُ بار گیشتر بیت
|
|
Barbary Sheep 256 views Koh Gorand
کوہ گُرانڈ
یک وھدے بوتگ کہ ببری کوہ گرانڈاں بلوچستان ء کوہاں جُپت جتگ - بلے مرچی باندا ناپید انت - او انگتہ ایشانی شکار کنگ ء بلوچ وتی شان زان انت ، بلے زنگیں راجان اے ساہ دارانی شکار کنگ جرم ء زانگ بیت -۔
|
|
House Sparrow240 viewsJengol
جنگُل
جنگل کسانیں بالی مُرگ ء گیشتر انسانانی کش و گواراں وتارا آباد کنت - جنگل بلوچستان ء بانانی جنگلیانی تہا کدو جوڈ کنت و چُک و بر کنت - جندے کسان انت بلے آواز باز بُرز انت اگاں تئِ لوگے کش و گواراں آباد بہ بیت گڈا ترا واب ء نیلیت
|
|
|
|
Centipede0 views
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔Dec 25, 2024
|
|
Cordia subcordata63 viewsCordia
کورڑیا
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ Dec 16, 2024
|
|
Tadpole shrimp58 viewsTokko o Zarak
اشیا تُکو ءُ زراک گوش انت اے وھدے کہ ہور بیت کنڈ آپ ءَ پُر بنت اے ہمے کنڈے آپانی تہا پیداک بنت بلے اے دگہ ملکاں برنجانی آپانی تہا پیداک بنت ۔ او ڈنی ملکاں اشاں دکاناں بہا زور انت ءُ وی پیشی ءُ مُرگاں وارین ان ت۔ اشیا آپی مدگ ہم گوش ان ت۔ بلے اے سوریں آپ ءَ پیداک نہ بیت اے وشیں ہورانی آپان پیداک بیت ۔
Dec 06, 2024
|
|
Unknown bush67 viewsNam che ant
اشیے نام چے انت
باز ڈولداریں بوٹگے بلے اشیے نام اگاں کسے زانت آ کومنٹ بکنت منت وار بیں ۔Nov 26, 2024
|
|
Tecoma 49 viewsٹکوما
اے یک زردیں ڈولداریں پُل ات Nov 14, 2024
|
|
Purslane93 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama127 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis66 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
