| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,816 times |
|
|
Typha angustifolia157 viewsKoll
کُل
کُل چونایا کاہ ءِ ۔ اے گیشتر کوراں ہما جاگہ رودیت کہ اودا لچ ءُ مین باز بہ بیت ۔ نہنگ ءَ وھدے زمانگ ءَ کل باز بوتگ او کُلانی توک ءَ لدی ءُ دگر رستراں جاگہ کُتگ ، بلے مرچی باندا کم انت نوں میرانی ڈیم ءَ چہ باز جاگہ کُل رستگ ۔ بلوچاں کُل روتگ او سر ءُ بُن کتگ انت او وتی لوگانی سرا داتگ انت کہ ھور مریچ انت ۔ بلے درمُلک ء مردم کُل ءپُل ءِ دار کہ ترند انت زرتگ او سپت او ٹوکری جوڈ کتگ کُرشی ءُ ٹیبل جوڈ کوتگ بلے بلوچ تنیگا انچو نزان انت ۔
|
|
Centipede128 viewsسواسو
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔
|
|
227 viewsگوردر
Gordirr
گوردر یک تہلگ ءِ زانگ بیت۔ کسانیں درچک گوں اسپیتیں پُلاں باز ڈولدار انت۔ گوردر ءِ تاکاں ، براں ، کنٹگان ءُ داراں یک جاہ کن انت۔ آپاں مین انت ءُ پالا انت ءُ آپاں تنگ انت۔ گوردر ءِ آپ باز تہل انت، بلے پہ جوڑانی درداں ، شکر ءِ بیماری ءُ کبزے واستہ کار مرز کن انت ۔
|
|
Anchor 130 viewsننگر
Nangar
ننگر یک ازباب کہ اشیا چہ لانچ بوجیگ میل اشاں وھدے کہ ہوشتارین انت گڈا اشان بند انت بزاں ننگر ءَ آپ ء دور دینت آ ئیا کش انت گڈا آ ننگر ریکانی تہا مین بیت ۔ چریشیا چہ گوات لانچ ، بوجیگ یا میل ءَ دگہ جاگہ بُرت نہ کنت ۔
|
|
Pomegranate241 viewsانار
Anaar
انار یک میوہ ات کہ گیشتر گرماگے ھلاسی او زمستان ء اول سرا پا ورگ ء جاڈی بیت - انار پُل او انارے گروہگ گیشتر بلوچ شاہراں پہ جنک ء شرّنگی ء تشبیح داتگ انت - بلوچستان انارے واستہ وش تبیں موسُم دنت - مکران ے برزی ھنداں بگر تاں سراوان تاں توران اے انارے ردوما باز جوانیں ھند و دمگ انت - انار سُہریں گروھگے توکا سُہریں شیرکنین او تُروپشیں دانگ مان - انار کہ گیش بنت گڈا ایشان تاپ کن انت او اناردانگ جوڈ کن انت - آیے پُوستا چہ بندگ او پژم رجنت - انار دلے نادراہ اے علاج انت -۔
|
|
Hyoscyamus falezlez81 viewsکوہ بنگ
Koh Bang
اے پُل کہ جموں ءُ اسپیت رنگے ھوار ءَ انچو ڈولدار ءُ زیبا انت کہ بے درور انت ۔ اے بلوچستان ءِ سُرمگیں کوھانی زیبناکی ءُ جلوہ ناکیاں براہ دار کن انت ۔ اے پُل بلوچستان ءَ کوہ بنگ ءِ نام ءِ سرا زانگ بیت ، کوہ بنگ یک تہلگ ات بلے مرچاں پہ تُتار ءُ بے سما بوّگ ءِ واستہ کارمرز کن انت ءِ ۔
Pic by sudeer
|
|
177 viewsکٹاٹوک
Katatok
کٹاٹوک چہ مچ ءِ ترّیں کانزگ ءَ جوڑ کنگ بیت ۔ اے گیشتر گونڈوانی واستہ جوڑ کنگ بیت ، وھیکہ کہ گونڈو مچکدگ ءَ آمین کاہنت ۔ ایشیا گونڈو اے دیم ءُ آ دیم ءَ سُرین انت اے آواز کنگ ۔ چریشیا گونڈو اُرسُند بنت ۔
|
|
Hedgehog 317 viewsDajok
داجوک
داجوک یک کسانیں شیری ساہ دار ے - بلوچستان ء پراہ و شاھگانیں ھند و دمگاں دست کپیت - دجوک چو سیکُن ء وڈین ساہدارے بلے جون او قدے کسان انت - داجوکے پُشتی نیمگ شپکیں کنٹگ انت - وھدے کہ رسترے اگاں آیے شکار کنگ بلوٹ ات گڈا وتی سر او پاداں یک جاہ ملونگ کنت وتارا ڈک کنت - انچو مالوم بیت کہ چپ چاگردا کنٹگ بیت او ہیر بیت گڈا رستر وارت نا کناں - اے شپکیں کُنٹگ آیے امان انت - کسانیں چُک دجوک ء لوہیگے آپاں تہا ایر کن انت - داجوک پوستا درکیت او اوژناگ کنت -۔
|
|
|
|
Purslane50 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
