| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,811 times |
|
|
Ochradenus Baccatus222 viewsKalirou ya Krishtik
کلیرو کریشتک
اے یک پٹکیں درچک ء ھر وھدا سبزاچک انت و پل انت - گیشتر مچکدگ و جنگلاں رودیت - سال ء دوازدہیں ماھاں سبزاچک و پل انت - اے درچک سلیں بوہ ء کنت چمے سوب ء دلوت ایشیا نا چرنت - اے درچک ء مدام وڈ وڈیں مگسک پانگ انت - وھدے زمانگا اشیے شاہ زرتگ او گُد و پُچ ششُتگ انت او جنیناں وتی سر شُشتگ انت - اے گُج دنت - بزاں سابون ء جاہ ء کار مرز کتگ - ادا کلیرو بر و دانگ انت ۔
|
|
150 viewsSebilo
سیبیلو
سیبیلو باجری ء زاتیں دھل ءِ ، بلے بلوچستان ءَ اشیا پہ دھل کارمرز نہ کن انت ، بلکن اشیارا پہ کاہ کارمرز کن انت ۔ اشیا کش انت او رون انت او وتی دلوتاں چارین انت ۔
|
|
Date Fertile season127 viewsمچے گونش کتکیں ہوش پیک انت
Mach gonsh
مچ گونش کتگ بلے گونش کتگیں ہوش کاگدے سرا بستگ ۔ ہوش ء روچ نہ جنت ءُ گونش ہوش ء شاپیت ۔ بزاں پپُکانی کم کنت ۔ بلوچستان ء پپکانی شاپگ گیشتر گونش ہوشا مان ریچنت ۔ بلےاے یک نوکیں ہُنر ات ۔ مچ ء شاپائینگ مچ دانگ زنڈ ءُ مزن بنت ۔
|
|
Eagle140 viewsشاھین
Shaheen
شاھین یک زمانگ ءِ بلوچستان ءَ باز بوتگ ، پرچا کہ شاھیناں گسی مرگانی چُرو شکار کُرتگ انت ۔ بلوچ مجبور بوتگ انت کہ وتی نکینکاں گوں چُرواں واڈاں یا پہنیامیں جاہاں بند بکن انت کہ شاھین چُرواں شکار کُت مہ کنت۔ بلے مرچی شاھین باز تچ ءُ تاگ ءَ نوں گندگ بہ بیت ۔ شاھیناں شکار کن انت ءُ عربانی کرّا بہا کن انت ۔ چمیشکا شاھین کم کمّا گار بوّان انت ۔
|
|
Coriander 225 viewsGehnich
گہنیچ
گہنیچ کسانیں بوٹگے - بلے اشیا مسالہ ء جاہ ء کار بندانت - گینیچ بلوچستان ء اسلی بوٹگ نہ انت بلے اے چہ انڈیا درآمد کنگ بوتگ - مرچی باندا بلوچانی نارُشت بے گہنیچ ء ھچ تامدار نہ بنت - چمیشکا گہنیچ ء نیادی انت - گہنیچ ہما تہلگ یا مسالہ انت کہ اشیے تاکاں بگرتاں دانگاں دروستاں کار گرانت - انڈیا ء اُنڈال ء چوپنت او کار گرانت
|
|
Balochi classic muffler 276 viewsدزمال
Dazmal
دزمال بلوچ ءِ دود ءُ ربیدگے چیدگ ءِ جوڑ بوتگ ۔ دزمال گدا چہ جوڑ کنگ بیت۔ بلے اشیے جوڑ کنگ ءَ بلوچ تب ءِ باز ھیال گور کنگ بوتگ ۔ اشیے جوڑ کنگ ءَ وھدا ایشان رنگ ہم پہ وڑے رد ءُ بند داتگ انت ۔ ءُ بلوچ بے دزمال ءَ بلوچ زانگ نہ بنت مرچی باندا بلوچ دزمال ءَ وتی راجی میراث ءِ زانت، ءُ دزمال بلوچ ءِ پجّار انت۔
|
|
Grapes78 viewsAngoor
انگور
بلوچستان ءَ انگورے درچک کش انت ءُ ایشانی ثمراں بہا کن انت ۔ بلے انگورے کش اگ تنیگا نزان انت ۔ اے انگورے درچک انت من کشتگ ءُ من اشیا زمین ءِ سرا نہ واپینتگ بگندے من اشیا مک کتگ بزاں ہوشتارینتگ ۔ انگورے درچکان اگاں تو چو ول ءِ وڑا واپین ءِ تاں اے شر بر پر نہ کن انت ۔ اشاں تو چو ایدگہ درچکانی وڑا مک بکن بزاں ہامودے وڑا تچک ءُ شش چہ دہ فُٹ بہ گڈ ات تنکہ ہما جاہ شاہ لمب بہ بیت ۔ دگہ آئی کنٹ بزاں ماتیں دار ءَ ہچ وڑیں جمل جنگ مئییل ات ۔ اے وھدے کہ برز بیت ءُ شاہ ءُ جمل یک ءُ دو فُٹ اندرا بہ بنت ۔ پنچ چہ دہ شاہ ءَ گیشتر مہ بنت ۔ وھدیکہ انگور شاہ ءُ لمب بیت ہمک سال فروری ءِ گڈسرا ااشیے شاہ بہ چن بزاں شاھاں گوڈ ۔ بلے نوکیں شاہ جنت نوکیں شاھانی ہمرائیا آ بور ءُ بر بزاں سمر پر کنت ۔
|
|
Pomegranate176 viewsانار
Anaar
انار یک میوہ ات کہ گیشتر گرماگے ھلاسی او زمستان ء اول سرا پا ورگ ء جاڈی بیت - انار پُل او انارے گروہگ گیشتر بلوچ شاہراں پہ جنک ء شرّنگی ء تشبیح داتگ انت - بلوچستان انارے واستہ وش تبیں موسُم دنت - مکران ے برزی ھنداں بگر تاں سراوان تاں توران اے انارے ردوما باز جوانیں ھند و دمگ انت - انار سُہریں گروھگے توکا سُہریں شیرکنین او تُروپشیں دانگ مان - انار کہ گیش بنت گڈا ایشان تاپ کن انت او اناردانگ جوڈ کن انت - آیے پُوستا چہ بندگ او پژم رجنت - انار دلے نادراہ اے علاج انت -۔
|
|
|
|
Purslane49 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko63 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
