Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,156 times |
|
Black chucked Bulbul163 viewsکولی
Koli
کُلی بزاں بُلبُل کسانیں بالی مُرگ ء کہ بلوچستان ء درچک دارانی، کشارانی، باگ و پُلّانی، اوبہارانی زینت انت - کُلی وتی ہمراہ ء جدائی یا باز دلسوزیں پریاد کنت - بلے بہار او پلانی توکا آشقی الہان کنت کہ کہ ھمک عاشق ء وتی نیمگا دلگوش گور کنائین ات - ۔
|
|
Periploca aphylla185 viewsگیشتر
Geshterr
ادا گیشتر پُل انت
گیشتر درچکے کہ گیشترماں کوہاں رودیت - گیشتر ھُوب ء زاتیں درچکے کہ اشیا تاک پر نیست بلکن بارگ بارگیں لٹّوکء وڈیں شاہ پر کنت - اشیے کوسرک ء وڈیں بر پرکنت وھدیکہ پہتہ بیت گڈا کوسرک پچ بیت او دانگاں نرم نازہرکیں پژم پر کہ گوں گوتے کشّگا بال کن انت او پہ وت روانت - زامران یک جاہے است انت کہ اودا گیشتر باز بوتگ گشتردان کتگ ، بلے مرچان گیشردان ء سرا نام کپتگ
|
|
Camal162 viewsھُشتر ماں آلیٹ جاہ ءَ
Hoshter Ma aalit jah a
یک زمانے بوتگ کہ بلوچاں ھُشترے سرا وتی لاپ درگیتکگ ، بلے مرچاں موٹلانی آہگا ھُشترانی کدر کم بوتگ - چمیشکا بلوچستانا ھُشترانی نسل کم بوّان انت - پرچاکہ ھپشترانی والینگ گران انت ھرکس پیلو کُت نہ کنت - اگان بلوچستان ھکومت ہمے وڈا برجاہ بہ بیت ھۃشترانی ہمراہیا پس و گوک ہم نسل بیگواہ بیت -۔
اے اکس ءِ تہا ھُشتر وتی آلیٹ جاہ ءَ جُک اتگ ۔
|
|
Onionweed (Asphodelus fistulosus)182 viewsپیملوُ
Pimalo
پیملوُ پیمازے وڑیں بلے بارگ تریں تاک پر کنت - بہارگاہ ء دریچا کشارانی تہا، میدان او جنگل ء رودیت - وھدے کسان بیت اشیا دلوت چرنت او مردُم کاہُک جوُڈ کن انت - مزن بیت گدا ہمُک بُن دہ تاں بیست کیرینگ پرکنت کسانیں اسپیتین او سُہریں لکیریں پُل ء پر کنت کہ باز ڈولدار بیت - اپریل ء زرد ترّاں بیت گُڈا دانگے ھُشک بیت تُوم ء رچنت تو اے درگتا درُچک، شاتُل اوُ کپوت دانانی چناگ او ورگ ء پیملوانی توک ء رم رما نندانت او بلوچ شکار کن انت- انچو مالوم بیت کہ پیملو شکارجاہ جوڑ بیت
|
|
Lobester377 viewsMat Madag ya Kikata
مات مدگ یا کیکٹا
اے گران بہائیں مات مدگ بلوچستان ء زر ء بے مٹّیں اُو لذّت داریں ماہیگاں چہ یکّے - ڈنّی ملکاں مات مدگ ء ٹُوہیں لوٹ ء است - بلے بلوچستان ء زر چو لُنڈانی شگنزے وڈا دپ ء پچ انت ہر کس وتی بہر ا بارت - باریں کدی بلوچانی زر بلوچانی کارا کیت
|
|
prosopis cineraria146 viewsKahoor lamb ant
کہیر لمب انت
وھدے کہور منج بیت- گُڈا چارگ کرزیت - باز ڈولدار اوبیت گیشتر شاہ و لمب ء لُوجان بنت - کہور ء گیشتر اُشتر چریت بلے سیاہ پس ہم کہورے ٹال و شنگراں وارت ۰ زمانگے مردوماں کہورے ھُشکیں شنگر وارتگ انت- بلے مرچاں کم ورانت ء - کہورے داراں لوگے سوُچگے زلورتاں پُورہ کن انت - لُوگے و کاپرے واستہ مناگ، تیر، لاپدار، چُکّو جوڑ کن انت - ڈنگراں چہ پل بندنت - بزاں کہورے ہچ چیز چگل نہ دینت
|
|
Owl148 viewsگُگگو
Goggo
گگگو یک بالی مُرگ ءِ ۔ گگگو روچ ءَ درچکانی کواکاں یا کوہانی گارانی تہا واب بیت، بلے تانسریں شپ ءَ آگہ انت۔ گگگو مُشک میزوک کڑوک گپت وارت۔ اشیے کسانیں سُنٹ ءِ بلے چم ءِ باز ڈلگ انت۔
|
|
Gazelle158 viewsآسک
Aask
آسک یا آسکُل جنگلی ساہداراں چہ شرّنگ او ڈولدار تر انت - یک وھدے بوتگ کہ مئے سُرمگیں کوہانی زینت بوتگ انت - بلے مئے وتی ناشریاں اے ڈولدارِیں ساہ دار ھلاس کتگ انت - اگاں مارا یک آسک ء ھاجت بوتگ بلے ما تانسریں رمگ ھلاس کتگ او پدا وتی سپت کتگ کہ من مرچی دہ یا بیست آسک شکار کتگ -۔
|
|
|
Astola Beach32 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|