| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,811 times |
|
|
Red wattled lapwing205 viewsٹی ٹی
Titi
ٹی ٹی بلوچستان ءِ کور و زیدانی زیمُر بگوشیت رد نہ انت چیا کہ ٹی ٹی وھدے الہان کنت تانسریں جاہاں سرا زوریت ءُ ہر کسی دلگوش ءَ وتی نیمگ ءَ گور کنائین ات ، ٹی ٹی بلوچستان جہمنندیں بالی مُرگاں چہ یک ءِ اے ترا مدام بلوچستان ءِ جنگلاں تیاب دپاں ہم دست کپیت ۔
|
|
Baloch classical tool246 viewsمیتین یا مُبنگ
Maitin ya Mobang
میتین چہ آسن ءَ جوڑ کتگیں یک بلوچی اوزار ءِ ۔ پنجگ ءِ پُرّیں دراجیں آسن ءِ کد ءِ پنج تا شش فٹ ءُ دراج انت ۔ اشیے یک نیمگ ءِ سرا پتن کن انت ءُ دومی نیمگ ءَ تُسک کن انت بلے باز جاہ ءَ دویں سرا پتن ءُ تیز کن انت ۔ اشیے گیشتر مچ ءِ درکنگ ءُ یک جاہ چہ دومی جاہ کشگ کار مرز کن انت ۔ اے مچ ءِ کنٹ ءَ تل کنگ ءَ ہم کارمرز کن انت ۔ چاہ ءُ ترون ءِ جنگ ء کارمرز کن انت ۔
|
|
Guava184 viewsزیتون
Ziton
زیتون بُن اسل ءَ میکسیکو ءُ میانی امریکی میوہ ءِ درچک ءِ کہ مرچی دگنیائے درائیں گرمیں ھنداں کشار کن انت ۔ عربستان ءُ ھند ءَ اے انگریز ءُ پُرتگیزی ءُ اسپانیشاں کشتگ انت ۔ اے کسانیں درچک ءِ سال ءِ دو رند ءَ بر دنت اشیے دانگ چار تا دوازدہ سنٹی بنت ۔ اشیے دانگ سبز ءُ زرد ءُ ناسی رنگ انت بلے بلوچستان ءَ ناسی رنگ نیست انت ۔ دانگ ءِ سربری نیمگ گرّناک انت توک ءَ کسانیں دانگ مان انت کہ اسپیت ءُ زرد ءُ سُہر بنت۔ زیتون یک تامداریں نیبگ ءِ۔
|
|
Nose ring188 viewsپُلو
Poloh
پُلو بلوچی سہت ءِ کہ چہ سُہر بزاں تلاہ ءَ جوڑ بیت ۔ گیشتر پلواں پیروزہ ءِ سبز مان کن انت ۔ بلے دگہ دگہ سبز ہم مان کن انت ۔ بلوچ جنینانی پونز سے جا ہ سُپتگ انت ۔ یک پونز ءِ تہی نیمگ ءِ لٹ ءُ دویں نیمگانی گرانزیگ ہم سپتگ انت ۔ گرانزیگان پُلک مان کن انت ءُ پونز ءِ تہی لٹ ءَ پلو ءَ مان کن انت ۔ پلو مرچاں نوکیں دور ءِ جنیں کارمرز نہ کن انت ءُ بلوچستان ءَ نود پنچ درسد جنین پلو کارمرز نہ کنت ءُ پنج درسد انگت ءَ پلو پونزا مان کنت ۔
|
|
210 viewsChekko
چیکو
چیکو گیشتر مرچاں کاپراں بند انت ۔ گونڈواں چیکوے سرا نادیں انت ءُ دگہ یکے چیک دنت ۔ بلے وھدے زمانگ ءَ چیکو گیشتر مچانی توک ء بستگ انت کنر ءُ کہورانی سرا چیکو بستگ انت ۔ چیک وارتگ ۔ اے چیکو یک کہورے سرا بستگ ءُ گونڈو چیک ورگا انت ۔
|
|
Solanum villosum141 viewsلیلّاں بلوک
Lillan Balok
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سُہر دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
|
|
Balochi Bread 270 viewsنان
Naan
اے بلوچی نان ات ، بلوچ اے نان ءَ ڈرمب ءِ توک ءَ آس روک کنت ءُ ڈرمب ءِ پُشت ءَ وتی تین جوڑ کنت نان ءِ پچیت پہ۔ اے نان چہ یک میٹرے قدّا چہ گیش بیت بلے کم نہ بیت ۔ حاجی گرکی کومنٹ داتگ کہ باید انت کہ اے نان گنیز بُک ءَ رکارڈ بوتیں ۔ اے ھبر راست انت بلے بلوچ ءِ واستہ ھنوز دلی دور است
|
|
Cyperus conglomeratus183 viewsتوزگ
Tozg
تُزگ گیشتر لچ اُو مین ء رودیت - بزاں آپ ء کش اُو گواراں - تُزگ دریا ء سوریں آپ ء کش او گواران ہم رودیت - تُزگ اُنڈال چہ بارگیں دارے نمودار بیت بُرزا کلّچک ء وڈیں تاک اُو پُل پر کنت - تُزگ ء چرگ پس لچانی تُوک مین بنت اگاں شپانک دلگوش مداریت گڈا پساں شگال شکار کن انت - چونایا تُزگ ء مرچاں پُل ء وڈا لوگانی دپ اُو ترّوتابانی جاگہاں کشنت - باز ڈولدار انت
|
|
|
|
Purslane49 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko63 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
