| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,815 times |
|
|
Rose147 viewsگلاب
Golab
گلاب کسانیں بوٹگ ءِ کہ اشیے صد زات انت ہمک ءِ وتی کردار ءِ است ، چونایا گلاب کسانیں کنٹگی درچک ءِ کہ نرم ءُ نازُرکیں پُل پر کنت ءُ وتی پُلانی وش بوہی ءَ باز نام دار انت ، گلاب ءِ توک ءَ انچیں زات است کہ ہپت میٹر ءَ دراج بنت بزاں چو ول ءِ وڑا سر کپ انت ۔ بلے گلاب ءِ اے وڑیں زات است چو پٹکیں سول ءِ وڑا بُج بیت ۔ ہمے وڑا ایشانی پُلانی تب وڑ ءُ پیماں ہم باز پرک است ، درستیں گلاب وشیں بوہ ہم نا کن انت، بلے گیشتر وشیں بوہ کن انت ۔ گلاب ءِ پُل ءِ ہمے وڑا بوہ وش انت ہمے وڑا آئیے رنگ دروشم ہم ڈولدار انت ۔
|
|
Sugar cane 182 viewsشکر کانڈیل
Shakar Kandil
شکر کانڈیل ءِ کڈب ءَ چہ پیداک بیت ۔ شکرکانڈیل ءَ چہ شکر ءُ گوڈ پیداک بیت ۔ بلوچستان ءَ شکرکانڈیل نصیرآباد ءِ ھندءُ دمگاں باز پیداک بیت ، بلےدگہ جاہاں کم کش انت کہ دپ ءِ تامین بکن انت۔ مغربی بلوچستان ءَ اشیا ''نل شکری '' گوش انت۔
|
|
Potato flower108 views
Batatok
بٹاٹہ یا بٹاٹوک چونایا لاتینی امریکہ ءِ سبزی ءِ ۔ مرچاں اشیا بلوچستان ءِ روچدراتکی ھند ءُ دمگاں کشاورز کن انت ۔ اے کسانیں کاہ ءِ روتگاں چہ گردیں دانگ پر کنت ۔ اشیے دانگ زمین ءَ کل انت ۔ مرچاں بلوچانی نارُشت بے بٹاٹک ءَ بے جلوہ انت ، بزاں بلوچستان ءَ بٹاٹُوک باز کارمرز کن انت ۔
|
|
Apple Tree with fruits 169 viewsSroop
سروپ
بلوچستان ءِ بالائی ھند ءُ دمگاں سرد بوگ ءِ سوب ءَ سروپ شرین وڑ ءُ پیم ءَ بیبگ دنت ۔ بلوچستان ءِ سروپ دگنیائے شرتریں ءُ تامدار تریں چے یکے ۔ اے گیشتر کوئٹہ ۔ مستونگ ءُ قلات ھند ءُ دمگاں گیشتر کشاورزی کن انت ۔
|
|
Ezbotk144 viewsازبوتک
Ezbotk
ازبوتک کسانیں بوٹگ ءِ کہ اشیا گیشتر پہ تہلگ ءَ کارمرز کن انت ۔ بزاں کلّگ ءِ علاج ءِ واستہ ازبوتک گرادنت ءُ نوش کن انت ۔ بلے عربستان ءَ ازبوتک ءَ کُنجچت یکجاہ دروش انت ءُ نان ءِ سر ءَ پر کن انت ءُ نان تام دار بیت۔ کہ زعتر ءِ گوش انت۔
|
|
A scene of Way to Gwadar225 viewsبلوچستان ءِ ندارگ
Balochistan e nadarag
اے بلوچستان ءِ یک ڈولداریں ندارگے کہ وھدے تو گوادر ءَ روے اے ندارگ تئی وش آھت ءَ کنت ۔ اے اکس باز ڈولدا ر انت،
اکس ءَ کشوک
جان البلوشی
|
|
Alfalfa, Medicago sativaa133 views
اِسپوست
Espost
اِسپوست کسانیں کاہے کہ کد ءِ 3 فٹ بوت کنت ۔ اسپوست رُدگ ءَ باز دیر کنت، بلے اولی رند ءَ رُونگ ءَ رند پدا زوت رودیت ۔ چین ءَ 1500 سال پیشتر اسپوست پہ تہلگ کار مرز کتگ ۔ اسپوست چاز سال ءَ بگر تاں ہشت سال ءَ کاہ دنت ، بلے اگاں اسپوست ءَ جاگہ وش بہ بیت ءُ ءُ بیست سال ہم زندگ بوت کنت ۔ اسپوست ءَ باز زات انت بلوچستان ءَ جموں رنگ ءِ پُل ءِ اسپوست کارمرز کن انت بلے دریں ملکاں زرد پُل ءپ گلابی پُل ءُ دگہ بازیں زات ءِ اسپوست است ۔ اسپوست ہما کاہ انت کہ اشیا دُراہیں دلوت ورانت ءِ ۔ اسپوست ہما کاہ انت کے دگنیائے چاریں کُنڈاں کِشگ بیت ۔
|
|
Indian silverbill314 viewsچنچرت
Chenchert
چنچرت یا پُمپُرت 13 سنٹی دراچ بیت اے کسانیں مُرگ ءِ کہ کسانیں بُنڈکیں سُنت پر ، اشیے سربری نیمگ ناسی انت ، چیری نیمگ اسپیت بلے دُمبلی ءُ بانزولانی سر سیاہ رنگ جن انت ۔ اے بلوچستان ءَ باز انت ۔ اے گیشتر بہار کاہانی براں او گلّہ او جواں ہم پلگی کنت ۔ اےکسان بلے ڈولداریں مُرگءِ ۔
|
|
|
|
Purslane50 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
