Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,156 times |
|
Wooden bat259 viewsلوتار
Lotaar
لوتار یک ساپیں جوڑ کتگیں دارے کہ یک نیمگ ءِ بارگ ءُ دومی نیمگ زنڈ تر انت ۔ بارگیں نیمگ ءَ دست ءِ گرگ ءِ جاگہ انت ۔ اے بلوچستان ءَ ایوک ءَ تیاب ءِ ھنداں کار مرز بیت۔ جانشو وھدے کہ شکار ءَ روانت آھان دو چیز وتی ہمراہی ءَ زیرانت گوں یک ءِ ماھور انت دومی لوتار انت ۔ ماھور ءَ چے ماھیگ گرانت ءُ ٹوہیں ماھیگ چہ ماھور ءَ درکنگ نہ بنت تو لوتار ءَ زورنت ءُ ماھیگانی سر ءَ جن انت ءُ ماھیگ چہ سٹ ءُ دور ءَ کپ انت ءنوں چہ ماھور ءَ گیشین انت ءِ بزان درکن انت ۔ بلوچستان ءَ لوتار ماھیگانی کوشگ ءَ کارمرز بیت ۔
|
|
Pallas's Gull177 viewsزری ملیڑ
Zeri Malleed
ملیڑ یا زری ملّیڑ یک درہائی مُرگ ءِ کہ گیشر ماں دریابار ءَ گندگ بیت ۔ اے گیشتر چہ ماہیگاں وتی لاپ ءَ کش انت ۔ وھدیکہ امّل ءَ پرنگ دزگیر کن انت ، گڈا امّل ہمے مرُگاں وتی کاسد کنت ءُ وتی اھوالاں دیم دنت ۔ امل ءِ جییند گوشیت۔ جی زِری ملّیڑاں منی اھوالاں بر ات ۔ ۔ ۔ پر منی ماتیگ ءَ سر کن ات
|
|
Mashroom141 viewsKotaing
کُٹینگ
بشی کٹینگ
پشتلینک
اے گیشتر گرماگی ہوراں پیداک بیت ۔ اے گیشتر کوراں بستاں پسانی واڑاں یا ہشترانی آلیٹ جاہاں رودیت ۔ بلوچ اشیا پچنت ءُ ناروشت کن انت ءُ نوش جان کن انت ۔ اے باز وش انت اشیے تام ہم باز وش انت ۔ بلے گیشتر بشی ہوراں بزاں گرماگی ہوراں رودیت۔
|
|
Pir koh Balochistan204 viewsپیرکوہ ڈیرہ بگٹی
Pirkoh Dira Bugti
پیرکوہ ءَ من ہمے سرپد باں کہ زمین سرے جنتاں چہ یکے ۔ پرچا کہ زیر زمیں ہم ءِ ھند ءَ گیس شان اِت ءُ زمین ءِ سر بر چو سرسبز ءُ شاداب انت کہ جنت ءِ گمان بیت ۔ اللہ پیرکوہ ءَ چہ دژمن ءُ چم ءِ بد ءَ چہ بہ پہریز ات ۔
|
|
126 viewsبُون
Bon
اے یک کاہے کہ گیشتر ماں کُوہاں او ڈلدیماں رودیت بارگیں تاک پر کنت بلے زبر انت او تُسک انت چو کُنٹگے پیم ء لگُ انت اے کاہا گیشتر ھر او گوک چر انت - بون کہ زرد ترّیت او ھُشک بیت ایشیا رون انت گوکانی زمستان ء تُوشک ء کن انت
|
|
Blooming Acacia231 viewsچگرد پُل انت
Chegird Poll ant
چگرد گیشتر بلوچستان ءِ ڈلپادیں ءُ کوہ ءُ اگاراں رودیت ۔ چگرد ے دار ءَ لوگانی کولندر کن انت ءُ پہ سوچگ ءَ ہم کارمرز کن انت ۔ چگرد بلاھیں درچکے نہ انت بلے اینچو کسان ہم نہ انت ۔ چگرد بہار ءِ درگت ءَ زردیں پُل پر کنت چگردے پُل باز ڈولدار انت بلے دو ہمنچُگ چگردے پُل وش بوہ انت ،
|
|
Mangrove128 viewsتمر
Temir
تمر یک تیاب دپی درچکے ، کہ گیشتر ماں سوریں دریا ئے رودیت کہ اُودا آپ تلگ بہ بیت ڈل وُ ڈوُک مہ بیت بلکن لچ وُمین بہ بیت - تمر جنگل گیشتر آپ ء انت چمیشکا ماھیگ گیشتر تمر ے روُتگ، ہُنڈالانی کش وُگواراں ھیک دیینت - بُرزا دریاہی مُرگ چُک وُبر کن انت، دُگنیا ئے توکا درچک بازیں بلے تمر چاگرد بزاں ماحولیات باروا شرتریں درچک زانگ بیت - سُومیانی ء تمرانی ٹوہیں جنگلے آباد ے - مکرانے تیابدپاں باز جاہاں تمرے جنگل آباد انت - مارچ وُ اپریل ء تمر بُر بیت - بُرّے درگتا وشّیں بوہ کنت
|
|
Garden lizard 176 viewsگرّی باگاڑ
Garri Bagaad
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔
|
|
|
Astola Beach32 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|