| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,819 times |
|
|
Indian silverbill268 viewsچنچرت
Chenchert
چنچرت یا پُمپُرت 13 سنٹی دراچ بیت اے کسانیں مُرگ ءِ کہ کسانیں بُنڈکیں سُنت پر ، اشیے سربری نیمگ ناسی انت ، چیری نیمگ اسپیت بلے دُمبلی ءُ بانزولانی سر سیاہ رنگ جن انت ۔ اے بلوچستان ءَ باز انت ۔ اے گیشتر بہار کاہانی براں او گلّہ او جواں ہم پلگی کنت ۔ اےکسان بلے ڈولداریں مُرگءِ ۔ اے اکس ءِ تہا دویں چینچرت وت ما وت ءَ دوستی کنگا انت ۔
|
|
Green bee eater134 views
کرکی ءُ نیلاں گواھرامُک
Karki. Nillan gwahramok
کرکی ءَ باز ھنداں نیلاں گوھرامُک گوش انت۔ کرکی بلوچستان ءِ وتی مُرک انت ۔ کشارانی ہمرنگیں بلے بُرزی نیمگا کمّ ءِ سُہری است۔ اے بالو پاتو کٹگ کرم شکار کنت۔ اے کسانیں بالی مُرگ ءِ بلے اشیے مستریں زات ءِ استیں کہ موسم ءِ سرا کئیت پدا واتر بیت۔
|
|
DRIED MEAT467 viewsTebahig
تیباھگ
تیباھگ بلوچستان ء عید ے براک ء سراتکگیں گوشت انت کہ ایشاں انار دانگ و واد پر کتگ بُرزیں جاہا درانج انت کہ ھشک بہ بنت - مرچاں تیباھگ باز کم جوڑ کن انت چیا کہ مرچاں سردانہ است ء بلے اے اکس بلوچستان ء مال چارینوکانی کہ مزنیں عیدے درگت ء قربان کوتگیں براکانی گیشیں گوشت انت کہ تیباھگ جوڈ کتگ انت - اے اکس گوڈیدر ناصرآبا د ذبت کنگ بوتگ
|
|
A Desert valley in Balochistan128 viewsکشاورزی ماں ریک ءَ
بلوچ ہما جاہ کہ آباد بوتگاں آہان وتی وس و واک ء وڑا کشاورزی کتگ ادا چپ ءُ چاگرد ءَ ماں ریک ء تہا ہم ترا کشارے نشان گندگ بنت ۔
|
|
Lycium Shawii162 views
Zerrok
زرّوک
زرّوک بلوچستان ئ میوۃ گشت کنے - پرچاکہ زرّک کسانیں سُہرین دانگ پرکنت کہ باز شرکن انت - وھداں زرّکے تاک چنڈاتگ چُپتگ اُو دہگیں شیر ماں کتگ او وارتگ انت - کسانیں سُہریں دانگ پر کنت کہ پہ ورگ شیرکن انت ۔
ادا زروک پُل انت ۔
|
|
Cherry tomato142 viewsGoti chamatok
گُتی چماٹُک
گتی چماٹک گیشتر ماں جنگل ءَ وت رودیں چماٹک بوتگ انت ۔ بلے دگہ دگنیا اشیا سلاد کنت ءُ نوش جان کنت ۔ بگندے پہ وہ ایشیا کشت ءُ کشار کن انت ءُ مارکیٹ بہا کارنت ۔ اے پہ سلاد یا انچو ورگ باز تام دار انت۔
چونایا اے یک یک جنگلی وت رودیں لیلاں بلک ء زات انت اے اولی رند ء 1623 ساوتھ افریکہ درگیچگ بوتگ ۔ 1919 اولی برا امریکہ کشگ بوتگ ۔ بلے یورپ ء چد و ساری کشگ بوتگ ۔
|
|
Cotton 164 viewsکرپاس
Karpas
کرپاس 7000 سال پیسر دریائے سندھ ءِ کش ءُ گواراں کشار کنگ بوتگ ، تنی وھدی بلوچسان ءِ ھند '' مہر گڑہ '' اشیے کوہن تریں نشانی دست کپتگ انت ۔ کرپاس ء نرم نازرکیں ریشگ پیداک کنت چریشیا انساناں پہ وت ءَ پوشاک جوڑ کتگ ۔ مرچی دگنیا ءَ باز دیمرئی کتگ بلے تنیگا کرپاس ءِ بستار ھلاس کُت نہ کتگ بزاں کہ تانسریں دگنیا ءَ انگتہ ملیونانی ٹن کرپاس پیداک کن انت ۔
|
|
Dolphin167 views
گوکین
Gokeen
گوکین ماھیگ ء کہ اشیے چل زات انت ۔ اے چہ دراجی یک میٹر ء بگر نُہ میٹر نیم ء دراج بیت ۔ ہمے وڑا چل کیلو ء بگر تاں دہ ٹن وزن بیت ۔ اے پاگاس ء سیادین ماھیگ انت ۔ بلے اے انسان دوست ات ۔ بلوچسستان ء زرا ہم اے گوکین بازیں زات است ۔
|
|
|
|
Purslane52 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
