| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,815 times |
|
|
Paterk132 views
پترک
Paterk
پترک بلوچستان ءِ بالائی کوہانی ڈولداری انت ، پترک کسانیں بوٹگ ءِ کہ بہار ءِ درگت ءَ رودیت ، بلے وھدے کہ پُل ءِ واستہ ٹوہیں کُل ءِ کش انت کہ زردیں اُرتیں پُل پر کنت ۔ بلوچستان ءَ پترک ءَ پہ تہلگ کار مرز کن انت ۔ چوش کہ اشیے براں پترک ءِ ہنگ گوش انت کہ اشیے بوہ ہم سارت انت ۔اشیے کول ء لہڑ دینت ءُ دل ءِ نادراہ ءُ وارین انت کہ دل ء بندیں شریاں بزاں رگاں پچ کنت ۔ بلوچ پترک ء باز کار ءَ کارمرز کن انت ۔
|
|
Crab166 viewsتگس ٹِکی
Tagas Tekki
اے تگس اسپیت انت بلے ٹک پر چمیشکا اشیا ٹکی گوش انت
اے تگس اَنت ، گیشتر تیابی ریامانی تہ ءَ زندگی کن اَنت ، ریام ھما سنگ ءَ گْوش اَنت کہ تیاب ءِ دپ ءَ یا تلگ آپ بزاں کمیں آپ ءَ ھست اَنت ءُ وھدے کہ آپ بیل بزاں پُر ءَ کئیت آ آپ ءِ چیر ءَ بنت،وھدے آلاڑ ءَ روت بزاں آپ پشت ءَ روت ھمے سنگ کہ ریام گْوشگ بنت ڈن ءَ گندگ بنت ۔ھمے سنگانی سر ءَ رُستگیں شنزکیں کاہ ءُ دگہ ساھدار تگسانی وراک ءُ وردن اَنت ۔ تگس ءَ چوش زیم ءَ دو پکڑ گْونگیں دست پر اِنت کہ گوں ایشاں ورگاں سند اِیت ءُ وارت تگس ءِ ھمے دستانی بند سک مھکم ءُ مُھر اِنت اگاں انسان ءِ گْوشت ءَ بہ بند اِیت گوں آسانی ءَ پچ کنگ نہ بیت ۔تگس ءِ دپ ءَ گْرادنت ءُ ور اَنت تگس باز وڑیں ھست ، گْوش اَنت کہ تگس ءِ دپ پہ کُلگ ءُ کْران ٹی ٹی ءَ مرسان انت ۔
منت ۔۔ قاضی ریحان
Pic by Akhtar Omar
|
|
Washingtonia184 viewsشیتان مچ بَر انت
Shetan Mach
شیتان مچ چونایا بلوچستان ءِ مچ نہ انت بلے مرچاں بلوچستان ءَ دانگ دانگ است ۔ ادا اے اکس ءِ توک ءَ شیتان مچ پپُک انت ۔
|
|
Baloch classical tool246 viewsمیتین یا مُبنگ
Maitin ya Mobang
میتین چہ آسن ءَ جوڑ کتگیں یک بلوچی اوزار ءِ ۔ پنجگ ءِ پُرّیں دراجیں آسن ءِ کد ءِ پنج تا شش فٹ ءُ دراج انت ۔ اشیے یک نیمگ ءِ سرا پتن کن انت ءُ دومی نیمگ ءَ تُسک کن انت بلے باز جاہ ءَ دویں سرا پتن ءُ تیز کن انت ۔ اشیے گیشتر مچ ءِ درکنگ ءُ یک جاہ چہ دومی جاہ کشگ کار مرز کن انت ۔ اے مچ ءِ کنٹ ءَ تل کنگ ءَ ہم کارمرز کن انت ۔ چاہ ءُ ترون ءِ جنگ ء کارمرز کن انت ۔
|
|
Baloch girls281 viewsدو جنک
Do jenik
اے دو کسانیں جنک انت کہ بلوچی ہوشاک گوں بلوچی دوچان زیبدار انت ۔
|
|
Woodpecker280 viewsDaran Tokkok
داراں ٹُکّوک
داراں ٹکّوک کسانیں مُرگے کہ مدام بلوچستان جنگل ء یا مچکدگ ء درچکانی کُنٹاں چہ پُچل بزاں کُچلاں چہ وتی وراکاں درگیجی - دارانی توکے کرماں پہ شوق وارت - تانسریں جہان ء دو سد داراں ٹکّوکی ذات است بلے بلوچستان دو سے زات ء گیشتر نیست - باز جاہ ایشیا واڑہ ہم گوشنت -۔
|
|
Papaya230 viewsPapya
پپیا
پپیا بلوچستان ء درچک یا نیبگ نہ انت - اے چونایا ہور گواریں ملکانی نیبگ انت بلے مرچاں بلوچستان ء اشیے کش انت - پپیا چونیا باز نادراہی ء شفا انت - پپیا چو مچّے وڈا کُوپگا بر پر کنت - بلے پپیا سالے دوازدۃیں ماہاں بر انت ۰ پپیا دانگ وش و شیرکن انت
|
|
Mung bean. Vigna radiata90 views
ماش
Mash
ماش بلوچستان ءِ کوھنیں دھلاں چہ یکے ۔ بلے بلوچستان ءِ تاریخ ءَ ماش ءِ باروا ھاسیں مالومات نیست ۔ چونایا ماش چہ منگولیا چہ ھند ءِ ھند ءُ دمگاں سر بوتگ ۔ ھڈپّہ دور ءِ درگت ءَ پنجاب ءُ ھریانہ ءَ چار ہراز پنچ سد سال ساری ماش کشار کنگ بوتگ ۔
ماش ءَ بلوچستان ءَ نارُشت کن انت ، بلے برنج ءَ اُور گرادنت ءِ بزاں بٹ ءُ ماش بلوچستان ءِ نامداریں وراکاں چہ یکے ، بلے مرچاں چہ ماش ءَ ھلوا جوڑ کن انت ۔
|
|
|
|
Purslane50 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
