Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,159 times |
|
Village of Deyaat235 viewsDeyaat e Metag
دیات ءِ میتگ
دیات میران ءِ ڈیم ءَ چہ پیش کیچ کور ءِ کش ءَ آباد بوتگ ۔ بلے مرچی باندا دیات دو بازار ءَ بہر بوتگ ۔ لہتیں مردم مند دگ ءِ کش ءَ آباد انت ءُ لہتیں مردم میران ڈیم ءِ راہ ءِ کش ءَ کوہانی دامُن ءَ آباد انت - اے ہم ءِ دیات بوتگ شہید حمید ءِ وڈیں مزن دل ءِ پیداک کتگ ۔ بلے انچو سما بیت کہ بلوچانی نا تپاکی انت کہ یکّ ءِ چہ دومیا دور ءُ گستا بوّان انت ۔ منی ھیال ءَ دیات ہم ہمے نا تپاکی ءَ چہ دو میتگ ءَ بہر انت ۔
|
|
Sonchus oleraceus194 viewsKalamo
کلمُو
کلمُو نومبر تاں اپریل ء درگت ء رودیت - دو چہ سے فٹ ء کساس ء برز بیت - ذردیں ڈولداریں پُل پر کنت - تاک دراج و کمء پتن و زبر انت - تاکے برّگ پروشگ ء وھدا اسپیتیں شیرگ درکنت - اشیا ھندی ء دودھنی گوشنت - وھد ء کسان و نازرک بیت کاہکانی توک ء کن انت و گرادنت - اشیے کُنٹ بارگ و تہ ء چو کلم ء وڈا پچ انت چمیشکا کلمو ء گوشنت ۔ادا کلمو پُل انت ۔
|
|
Dill. Anethum graveolens116 viewsگواتگ
Gowatag
گواتگ یک بزارے بزاں مسالہ کارمرز بیت - کسانیں بوٹگے کہ بہارَ درگتا رویت - اشیے ڈیل و ڈول چو رز او زیرّگے وڈا انت - زردیں پُل جنت - کسانیں دانگ پر کنت - کہ دانگاں چوپنت و دوگیں شیراں مان کن انت - کہ وشیں او سارتیں بوہ کنت او شیراں تامدار کنت -۔ ادا گواتگ دان انت ۔
|
|
Black Francolin 226 views
Seyah Gowarr
سیاہ گور
سیاہ گور باز ڈولداریں مُرگے کہ گیشتر بلوچستان ء کوری ھند و دمگانی گواشاں موجود بیت - سیاہ گور کپینجرے زاتیں نرین مُرگے - اشیے نیکینک ء شزّ گوشنت کہ ائے رند ایوکا ناسی انت - سیاہ گورے ڈولداری سے رنگانی بزاں سیاہ ، اسپیت او ناسی ء ہم دپی انت - سیاہ گور چو اے دگہ مُرگانی وڈا ناپید بوّان انت - س
|
|
Flamingo 177 views روسی او لانکڑی
Rosi or Lankadi
فلیمنگو ءَ بلوچی ءَ روسی اُو لانکڑی گوش انت ۔ بزاں چہ روس کیت ۔ بلے فلیمنگو چہ روس ءَ نہ ایت ۔ تانسریں دگنیا ءَ شش زات ءِ فلیمنگو است ۔ چار امریکہ ءُ لاطینی امریکہ ءِ افریکہ جہمنند انت ءُ دو یوروپ ءُ ایشیا نندوک انت ۔ اے یک آپی مُرگ ءِ اشیے ٹانگ باز دراج انت ۔ اے زمستان ءِ درگت ءَ بلوچستان ءِ تیاباں کیت انت ۔ گرماگ بندات بوّگ ءَ پدا واتر کنت ۔
|
|
Corchorus olitorius136 viewsآشکاہ
Aash kah
بلوچستان ء کشاریں ڈگاراں رودیت - اے کلپرے زاتیں بلے سالے دوازدہیں ماہاں سبزاچک انت - اشیے تاکاں سر چن انت نارُشت جوڑ کن انت - او باز ے سر چتگیں تاکاں تاپ کن انت ، وھدیکہ ھُشک بنت ساھنت او ھورت او آرت ء کن انت او گرادنت ء ۔ اشیے نارُشت بز بز انت او تام دار انت -۔
بنگال ءَ اشیا آپ ءَ کن انت ءُ سُتلی جوڑ کن انت ۔ کہ چہ سُتلی ءَ چہ گونی جوڑ کن انت ۔
|
|
Sorgham169 viewsSohro
سُہرُو
سُہروے کڈب انت - وھدے زمانگاں سُہروے دان دُرشتگ و سُہروے نان جوڑ کتگ - سُہروے نان گوں کولگریں ماہیگ و دوگیں شیرا باز وش و تامدار انت - بلے مرچاں کم انت - سُہروے کڈاب ء رون انت ھُشک کن انت و کھدان ء ہیر کن انت -زمستان ء ہر و گوکانی توشگ انت
|
|
Prosopis juliflora180 viewsBabbor borr o Benag magisk
ببّرے بُر ءُ بینگ مگسک
ببّر ءِ درچک ماھول دوسیں درچک ءِ ۔ اشیا یک درچکے بہ بیت پدا باز درچک کش ءُ گوراں رودیت ۔ بلوچستان ءَ جنگل نہ بوّگے برابر انت ۔ بلے اگاں بلوچتان ءِ وڈ ءُ ریکپادیں ھند و دمگاں ببّر کشگ بہ بیت بلوچستان ءِ بیگواہیں موسم پدا زاہری کن انت ، بلے اے تک ءَ تنیگاھچ ھکومتاں ھیال گور نہ کُتگ
|
|
|
Astola Beach34 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|