| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,815 times |
|
|
Leptadenia Pyrotechnica183 viewsHoob
ھُوب
اے یک کسانیں درچکے کہ چو کلیرے پیما تاک پر نیست ، چو بارگ بارگیں
دار ے وڈیں جمل جناں بیت - اے گیشتر کوچگیں جاگہاں رودیت ہُشتر ء وراک انت او گوازءَ کارمرز کن انت
|
|
Sweet - clover149 viewsشمش
Shimsh
بہار ے درگتا کشت و کشارانی توک ءَ رودیت - ورگ ءِ باز وش انت اشیے وتی تام ءِ استیں - مرچاں تربت ءَ سبری ءِ نیادی ءَ بہا ہم دست کپیت ۔ وھدے زمانگاں جنیناں ٹولی کتگ ءُ شمش ءِ چنگ ءَ شہر ءَ شتگ انت ۔
|
|
Sheep Dried Meat289 viewsگرانڈ ءِ تباھیگ
Gorand e Tebahig
تیباھگ بلوچستان ء عید ے براک ء سراتکگیں گوشت انت کہ ایشاں انار دانگ و واد پر کتگ بُرزیں جاہا درانج انت کہ ھشک بہ بنت - مرچاں تیباھگ باز کم جوڑ کن انت چیا کہ مرچاں سردانہ است ء بلے اے اکس بلوچستان ء مال چارینوکانی کہ مزنیں عیدے درگت ء قربان کوتگیں براکانی گیشیں گوشت انت کہ تیباھگ جوڈ کتگ انت - اے اکس گرانڈ بزاں اسپیت پس ءِ تباھیگ انت ۔
|
|
Steppe Grey Shrike201 viewsNaryanch Kambaren
نریانچ کمبریں
اے مستریں نریانچ انت کہ کمبر کمبر انت توباز مردم اشیا کمبریں نریانچ گوشیت - باز جاہ ء اشیا نگرانچ او نرگہانچ ہم گوشنت - اے سیاہ او اسپیت بزاں ٹک او ٹگار یا کمبر انت - اے کسانیں لولوک بزاں کیپک گرّی باگاڑ روگن ریس او مُشک اردک ہم گپت او وارت - ۔
|
|
Proso Millet149 views
ارزُن
Arzon
ارزُن یک دھل ءِ کہ بلوچستان ءَ اشیے کشاورزی بیت ۔ اے کسانیں کاہے کہ ھوش پر کنت ءُ ھوش چہ دان ءَ پُر بنت ۔ چونایا دنیائے توک ءَ نوہ زات ءِ ارزُن است کہ آھانی دان ءِ رنت چہ اسپیت ءَ بندات بیت چہ پُہتہیں سیاہ ءَ روت ۔ بلے بلوچستان ءَ زرد ءُ سہُریں ارزُن کش انت ۔ وھدے زمانگءَ ارزن ءَ دان درُشتگ انت ءُ نان جوڑ کتگ انت۔ بلے مرچاں ارذُن نان جوڑ نہ کن انت ۔ ارزن تمکار ءَ چہ رند کش انت، بزاں اگاں ھور چہ موسُم ءَ پدی بہ بنت گڈا بلوچ وتی ڈگاراں ارزن کش انت۔ چیا کہ ارذن زوت دان بیت۔ ارزُن ءَ گرماگ ءِ ھلاسی ءَ ہم کش انت ، بزاں سال ءِ دو رندا ءَ پاگ دنت۔
|
|
A mount area of Balochistan138 viewsسُتکگیں ڈور
Sotkagen Dour
اشکنگ ءَ ڈور گوادر یک جاگہ ءِ نام انت بلے سُتکگیں ڈور کجا انت مالوم نہ انت اگاں اے جاگہ ءَ شما جاہ آئورت کن انت کومنٹاں چہ سرپد کن انت منت وار بیں ۔
|
|
Argyrosomus japonicus119 viewsKer
کِر
کِر یک ماھیگ آئیے وزن 30 تا 40 کیلو ءُ دراجی 1 میٹر ءُ نیم بیت ۔ اے بلوچستان ءِ تیاب دپاں پہ ہیک رینے وھد ءَ گیشتر شکار کن انت ۔ اشیے توک بلیڈر است انت کہ اشیا چہ ریشم جوڑ بیت ءُ ریشم انسانی دلانی آپریشن وھدا ٹانکا کن انت ۔ ءُ چین وڑیں ملک کرے بلیڈر پہ پاد ءُ دستانی جوڑانی درد ءَ ہم ورانتے ءُ جسمانی کمزوریاں ہم کار مرز کن انت ۔
ادا کرے ماھیگ ءِ بلیڈر اکس پُشت ءُ دیم ءُ ماھیگے جندے اکس انت ۔
اکس منت ۔ اختر عمر
|
|
Hume's Wheatear128 viewsہراں سیاھلوک
Haran seyahalok
ہران سیاھلوک کسانیں بالی مُرگ کہ سر بر سیاہ ء چیر ء اسپیت انت ۔ اے مدامی کٹگ کرم بالو ء چنت وارت یا شکار کنت ۔ ھران سیاھلوک لوگ کش ءُ گواراں گندگ بہ بیت ۔ بلوچ ہمے زان انت کہ مہمان ء لازم لوگ ء کیت ۔ ۔
اے مُرگ 1872 الن ھیوم ء بلوچستان ء درگیتکگ ۔ الن ھیوم اے درگت ء بریٹش انڈیا ء مُرگانی عالم ء بوتگ ۔
|
|
|
|
Purslane50 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
