Category |
Albums |
Files |
|
10 |
2,223 |
|
2,223 files in 10 albums and 1 categories with 895 comments viewed 430,969 times |
|
White frangipani153 viewsFrangipani
پرنگی پانی
اے میان قد ء درچکے کہ اسپیتیں او سُہریں پُل پر کنت - مرچی باندا بلوچستان ء کم کمے گندگ بیت کہ باز مردمان وتی لوگانی دپا کشتگ انت - تنی وھدی اشیا بلوچی نام نیست ۔
|
|
Capparis Decidua238 viewsKalair e Poll
کلیر ے پُل
کلیر ہما درچک انت کہ تاک پر نیست - کلیرے پُل باز ڈولدار انت - کلیر گیشتر ھُشکاوگیں سرکگ ڈنّاں رودیت - کلیر جنگلی نیبگے اشیے دانگ ء ورانت -۔
|
|
Rays157 viewsپٹٹن
Pittin
پٹٹن ءَ اگاں ما دریا ئے بالی مُرگ بُگوشیں ، ما رد نہ بیں ۔ چیا کہ پٹٹن آپ ءِ تہا چو مُرگ ءِ وڈا بال انت ، پٹٹن گوشاں چہ پٹٹن ءِ جتا کن انت ۔ ایشاں تل کن انت واد پر کن انت ءُ ھُشک کن انت پدا بُنسوچ کن انت تیاریں نارُشت کن انت ۔ پٹٹن ءِ ناروشت اگاں شر بہگرادے گڈا باز تام دار بیت ۔
|
|
Capparis Decidua275 viewsKalair
کلیر یک ٹوہیں درچکے - گیشتر ماں وڑ و گریشگاں رودیت - کلیر ڈولداریں پُل پر کنت - کلیر بر پرکنت برے ورانت و تامدارنت - منی ہیال ء اگاں ما کلیر ا میوہ بگوشاں رد نہ انت - پرچا کہ بلوچستانے جنگلی میوہ بزاں کوُنر، کنر، جگّر،کلیر و دگہ بازیں - کلیر دار ا لوگے منگ جوڑ کن انت کلیرے دارا زمین نہ وارت - کلیرے واستہ دو بتل نامدار انت
۱ لج نہ کنت کلیرا کہ بے تاکا بر کنت
۲ دار کلیر انت کہ منگہاں سے جاگہ پُروشیت
اُوے زیرّک بات کہ لیڑو ڈاچیگاں کوشیت
|
|
Dove 167 viewsکپوت
Kapot
کپوتانی نالگ یا کپوتانی کو کو بلوچی شاعریانی جان انت ، کپوت ءَ مدام گوں وتی مہگونگ ءَ تشبیہ دیئنت ۔ ادا کپوت پہ کہیب ءِ نندگ ءَ انت ۔
|
|
Banana185 viewsMooz
مُوز
موز یک نیبگ یا میوہ ات - موزے درچکا کُنٹ مان نیست - موز چونایا بلوچستان ء میوہ نہ انت - پرچاکہ موز باز آپ لوٹ ات او بلوچستان ء آپے کمّی انت - بلے مرچی باندا نصیرآباد او حب ء موزے کشار بازیں وڑیا بیت - بلے ایدگہ ھند و دمگاں پہ ورگ ء واستہ لہتیں بُن وتی باگاں کش انت -۔
|
|
Onion127 viewsپیماز
pimaz
پیماز ءِ تاریخ ساپ ءُ سلّہ نہ انت چیزے تاریخدان گوشنت کہ پیماز پنچ ہزار سال چہ پیش مسیح کشگ بوتگ بلے لہتیں گوشنت کہ دو ہزار سال پیش چہ مسیح مصر ءَ کشگ بوتگ ۔ پیماز دھل زانگ بیت کہ اشیا تاں تانسریں سال کار مرز کن انت ۔ پیماز ءَ بلوچستان باز کشت ءُ کشار کن انت ، بلوچ پیماز ءَ وتی نارُشتانی ،سلاد، ءُ دوا داروا ہم کارمرز کن انت ، پیماز ءِ تل کنگ ءَ انچیں بوہ ءِ درکیت کہ چمّان چہ ارس جہلاد بنت ، پیماز باز نازورک انت ۔سرد ءُ گرم ءَ چہ رکّینگی انت گیشین گرم گہین ات ءُ گیشیں سرد رودین ات۔چمیشا پیماز ہر جاوراں چہ موسُم ءِ رکّینگی انت
|
|
150 viewsسُرمگدان
Sormadan
سُرمدان یا سُرمگدان ہم ءَ درپ انت کہ اشیا سُرمگ مان کن انت ۔ سُرمدان ءِ بُن پراہ انت بلے دپ ہمنچک بارگ انت کہ ایوکا شیپگ شت کنت۔
|
|
|
Caterpillar Insect18 viewsGanji Ganjolan
گنجی گنجُلان
اے کرم بہارے ھلاسیے وھدا ودی بیت - گنجی گنجُلان گیشتر پیملوے تاک ءُ دانگاں وارت بلے اے زات گیشتر درچکانی سرا بیت چوش کہ زیرکانی
نرم ءُ بزیں تاکان نوش جان کن - بلے یک ماہے درگتا گار و بیگواہ بیت، وہدے گار بیت بزان اے وتارا بدل کنت ءُ ایک مُلاھوکے جوڑ بیت ۔ Jun 01, 2024
|
|
Ceropegia mammillaris117 viewsCeropegia
سیروپیگیا
اے بوٹگ ہشکاوگیں ہند دمگاں رودیت گوش انت اے بلوچستان بوٹگ انت ۔ چونایا اے گیشتر افریکا میانی ءُ نمبیانی ھند ءُ دمگاں گیشتر رودیت بلے اے ھندوستان ہم است انت بوت کنت کہ بلوچستان ءَ ہم بہ بیت ۔ چونایا اے اشیے ایدگہ نزیک تریں سیاد ڈیڈار انت ۔ کہ بلوچستان باز انت ۔ اگاں شمارا اشیے باروا گیشتر زانت است گوں ما شیئر کت کنے منت وار May 25, 2024
|
|
ٰBLEPHARIS CILIARIS146 viewsSag e dantan
سگ دنتان
اے کسانین بُُوٹگ ء کہ گیشتر ماں ڈل پادیں ہند و دماگاں رودیت - اشیے دانگاں پا دوا و تہلگ کارمرز کن انت - بلوچستان گیشتر ہند و دماگاں سگ دنتان دست کپیتMay 16, 2024
|
|
BLADDER DOCK71 views
Kohi Tropshok
کوہی ترُپشک
اے گیشتر ماں کوہاں اُو ڈل دیماں رُودیت - اے باز ترُپش انت اُو گندگ ء گوں دپ آپ دنت - بھار کاہ ء بلے گلابی، زردین اُو سُہریں پُل پر کنت - منی ھیال ء بلوچستانے ڈولدارتریں پُلاں چہ یکے - ترُپشُک ء تاکاں بلوچ پہ شُوق ورانتMay 05, 2024
|
|
Mangrove84 viewsTemir
تمر یک تیاب دپی درچکے ، کہ گیشتر ماں سوریں دریا ئے رودیت کہ اُودا آپ تلگ بہ بیت ڈل وُ ڈوُک مہ بیت بلکن لچ وُمین بہ بیت - تمر جنگل گیشتر آپ ء انت چمیشکا ماھیگ گیشتر تمر ے روُتگ، ہُنڈالانی کش وُگواراں ھیک دیینت - بُرزا دریاہی مُرگ چُک وُبر کن انت، دُگنیا ئے توکا درچک بازیں بلے تمر چاگرد بزاں ماحولیات باروا شرتریں درچک زانگ بیت - سُومیانی ء تمرانی ٹوہیں جنگلے آباد ے - مکرانے تیابدپاں باز جاہاں تمرے جنگل آباد انت - مارچ وُ اپریل ء تمر بُر بیت - بُرّے درگتا وشّیں بوہ کنت
Apr 14, 2024
|
|
Balochistan Ex saw47 views
Das
داس بلوچانی کوھنیں ازباب ءِ کہ چریشیا کسانیں درچکی شاہ ءُ کاہ بُرّ انت ءُ رُن انت ۔ ایشیا آسن کار چہ آسن ءَ جوڑ کن انت یک نیمگ ءَ دنتان پر کن انت ءُ دستگ چہ دار ءَ جوڑ کنگ بیت، داس پہ لوٹ ءِ ردا جوڑ کنگ بیت، داسانی چپ ءُ راست است، اگاں تو چپ ءِ گڈا وتی واستا چپّیں داس جوڑ کنائیں ۔Apr 07, 2024
|
|
Balochani Zind31 viewsBalochani Zind
بلوچانی زند
دگنیا شتگ ءُ آزمان ءِ سر بوتگ بلوچ انگتہ وتی کوہنیں دگنیا ءَ گوں دز گٹ انت بزاں در بچن ۔ پس بچاریں ہُشتر و گوکاں بو ءُ دگہ بازیں اڑ ءُ جنجالاں گلائیش ان ت اے اکس ءَ چے زانگ بیت کہ بلوچاں چنچوک دیم ریئ کتگ ۔ Apr 03, 2024
|
|
Sand Hyasinth79 viewsApiro o Apirag
اپیرو ءُ اپیرگ
اپیرو چونیا بہارے وھدا ریکپادیں ہند و دماگاں و کُچّگاں رودیت - چونایا اپیرو یک کوُٹینگ ء ذات انت بلے دگنیا اشیارا بپاری پُلّ ء لیکت و زانت - اشیے باز رنگے پُل بنت بلے زرد پُل چہ درستاں ڈولدار تر انت -۔Apr 02, 2024
|
|