| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
Dam Water Discharger283 viewsKasanin Sargard
کسانین سرگرد
میرانے ڈیم ء آپ کہ گیش بیت چمدا پہ کش انتے - وھدے آپ دراھگا بیت چو فوارہے جوڑ بیت -۔
|
|
Pteropyrum scoparium248 viewsTosso
تُسّو
تسّو کسانیں درچکے کہ کنٹگے پرنیست اشیے ۃورتیں تاکاں چوپنت او کسانیں چوکاں دئینت اگاں لاپ ء وش مہ بیت - سُہریں پُل پر کنت - اشیے دار سہچکے کارا کئیت - او تاکاں پس ورانت -۔
|
|
Creeping wood sorrel, Oxalis210 viewsShahri Tropshok
شہری تُروپشوک
اے یک ہنچیں وترودیں کاہے کہ کم کمّا تانسریں کشار کُتگیں ڈگار ء پُوچنت - اشیے دل ء نمونگیں تنکّیں تاک انت - زردیں پُل پر کنت - کسانیں کوسرک پر کنت - اے گیشتر کوہدامنیں ڈگاراں رودیت - کوہ ء مردم ایشیارا شہری ترپشُک گوشنت - اشیے تاک ترپش انت -
|
|
Periploca aphylla185 viewsگیشتر
Geshterr
ادا گیشتر پُل انت
گیشتر درچکے کہ گیشترماں کوہاں رودیت - گیشتر ھُوب ء زاتیں درچکے کہ اشیا تاک پر نیست بلکن بارگ بارگیں لٹّوکء وڈیں شاہ پر کنت - اشیے کوسرک ء وڈیں بر پرکنت وھدیکہ پہتہ بیت گڈا کوسرک پچ بیت او دانگاں نرم نازہرکیں پژم پر کہ گوں گوتے کشّگا بال کن انت او پہ وت روانت - زامران یک جاہے است انت کہ اودا گیشتر باز بوتگ گشتردان کتگ ، بلے مرچان گیشردان ء سرا نام کپتگ
|
|
Cow326 viewsGouk
گُوک
اے دو گوسک انت - مستریں ٹاب بزاں نرین او کستریں پُرّاپ بزاں مادگیں ات - گُوّال ء پا چارینگا کور ء آئورتگ انت
|
|
White Chick Bulbul182 viewsکُلی
Kolli
کُلی بزاں بُلبُل کسانیں بالی مُرگ ء کہ بلوچستان ء درچک دارانی، کشارانی، باگ و پُلّانی، اوبہارانی زینت انت - کُلی وتی ہمراہ ء جدائی یا باز دلسوزیں پریاد کنت - بلے بہار او پلانی توکا آشقی الہان کنت کہ کہ ھمک عاشق ء وتی نیمگا دلگوش گور کنائین ات - ۔
|
|
Sonchus oleraceus186 viewsکلمُو رون انت
Kalamo
کلمُو نومبر تاں اپریل ء درگت ء رودیت - دو چہ سے فٹ ء کساس ء برز بیت - ذردیں ڈولداریں پُل پر کنت - تاک دراج و کمء پتن و زبر انت - تاکے برّگ پروشگ ء وھدا اسپیتیں شیرگ درکنت - اشیا ھندی ء دودھنی گوشنت - وھد ء کسان و نازرک بیت کاہکانی توک ء کن انت و گرادنت - اشیے کُنٹ بارگ و تہ ء چو کلم ء وڈا پچ انت چمیشکا کلمو ء گوشنت ادا کلمو رون انت بزاں دانگ انت ۔ بلے ہنے دانگ یک یک ءَ بال کن انت اے وھدءَ کلوے پُل کہ زرد بوتگ نوں ہنے پُل ء وڈا انت بلے اسپیت انت۔ کسانیں بارگیں آبریشم وڑیں پژم ءِ پر کہ اشیے دانگ ءَ بال کنگ ءَکُمک کن انت۔
|
|
174 viewsکال
Kaal
کال ترات ءِ نمونگیں سورگیں ریمُک ءِ اے گیشتر ماں سورگیں ھند ءُ دمگاں رُدیت۔ اے رنگ ءُ دورشم چو ترات ءِ وڑا انت ءُ ترات ءِ وڑیں پُل پر کنت۔ بلے اے چہ ترات ءُ بُرزتر بیت، ءُ ترات چہ سبز تر بیت ، وھداں اشیے شاہ ءُ ما زرتگ انت ءُ میسک ءِ وڑا پُشک جوڑ کتگ انت ، رندا اے پُشک سوتکگ ءُ پُر جوڑ کتگ انت ،پُر مُشوکانی کلیا جوڑ بوتگ انت۔ بلے مرچاں چُن ءَ کارمرز کنگ ءَ انت ءُ کال ءَ کس دپی جست ءِ ہم نہ کنت
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
