| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
Tobacco119 viewsتمباک
Tambak
اے تمباک انت بلے اے تمباک بلوچستان ءِ تمباک انت ، بلوچستان ءِ تمباک ءِ تاک باز پتن انت ، مرچی باندا اے تمباک ءَ بلوچستان ءَ کشاورزی کنگ ءَ انت چیا کہ بلوچستان ءِ تمباک ءِ تاک نازرک انت پروشنت۔ نقصان ءُ زیان گیش انت بلے اے تمباک ءِ زیان کم انت ، چمیشکا مردم اے تمباک ءَ بلوچستان ءَ کشاورزی کنگ ءَ انت۔ اے تمباک ءَ ڈنّن ملک گیشتر سگریٹ جوڈ کن انت۔
|
|
Black Hadded Bunting417 viewsDrochk
درُوچک
دُروچک چونایا روچدراتکی زرباری یوروپ ء مُرگ انت - بلے زمستان ء گوریچے کشّگے سوب ء یوروپ ء یل کنت او ھند ء رہادگ بیت - وتی سپرے درگتا بلوچستان مارچ ء پانزدہ ء کئیت او اپریل ء پانزدہ رند کم ترّات - بلوچستان دروچکے شکارا ہرکس کنت - پیسرا تلک ، گُلیر، پلیتگیں تپنگے شکار کتگ - بلے مرچاں چرّئی ٹکّوک ء سرا شکار کن انت - درچک باز ڈولداریں مُرگ ء - دروچک ء باز جاہا زردگور ہم گوشنت -۔
|
|
ID please?120 viewsنام؟
Naam?
اے درچک چو جُگر ءِ وڑیں درچک ءِ بلے چہ جُگر ءَ پٹک تر انت ۔ اشیے پُل ہم دانگ ہم جُگر ءِ وڑا انت ۔ بلے دانگ ورگی نہ انت ۔ اے اکس ہم ہپت تلار ءِ سرا کشگ بوتگ ۔
|
|
Ochradenus Baccatus222 viewsKalirou ya Krishtik
کلیرو کریشتک
اے یک پٹکیں درچک ء ھر وھدا سبزاچک انت و پل انت - گیشتر مچکدگ و جنگلاں رودیت - سال ء دوازدہیں ماھاں سبزاچک و پل انت - اے درچک سلیں بوہ ء کنت چمے سوب ء دلوت ایشیا نا چرنت - اے درچک ء مدام وڈ وڈیں مگسک پانگ انت - وھدے زمانگا اشیے شاہ زرتگ او گُد و پُچ ششُتگ انت او جنیناں وتی سر شُشتگ انت - اے گُج دنت - بزاں سابون ء جاہ ء کار مرز کتگ - ادا کلیرو بر و دانگ انت ۔
|
|
Solanum villosum141 viewsلیلّاں بلوک
Lillan Balok
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سُہر دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
|
|
Apotag133 viewsAapotag
آپوتگ یک بے تاکیں بوٹگ ءِ کہ مدام پہ رودگ ءَ دگہ درچکانی کمک ءَ چہ رودیت ۔ ہم جاہ رودیت کہ اودا آپ مہ بیت ایوکا آپ بگوزیت ءُ نمبگ بہ بیت اے زنڈ زنڈوکیں کنٹ ءِ چہ آپ ءَ پُریں ۔ اشیا بلوچ وارت ءُ اشیا یک سلاد ءِ زانت بلے من آپوتگ ءِ سبزی ءِ ناروشت جوڑ کتگ کہ باز تامدار بوتگ انت ۔ شما ہم آپوتگے ناروشت جوڑ بکن انت کہ باز وشیں ءُ جتائیں تام کنت ۔
|
|
Baloch Classic Water storage273 viewsMashk
مشک
مشک بلوچانی کواھنیں آپانی درپ انت ۔ مرچی باندا مشک کم کارمرز بوّاگان انت ۔ بلے پدا ہم بلوچستاں انچیں ہند او دمگ است کہ تنیگا مشک پہ آپ ء واستا کارمرز کن انت ۔ مشک چہ سیاہ پس ے پوست ء جوڑ کن انت ۔ مشک ء آپ باز سرد بنت ۔
|
|
Wild Tortoise166 views
کسیپ
Kaseep
کسیپ دو زات انت ۔ یک ءِ آپ ءَ زند گوازین ات ءُ دومی ماں جنگل ءُ کوہ ءَ زند گوازین ات ۔ اے جنگلی کسیپ انت اے گیشتر کوہ ءُ گٹاں دست کپیت ۔ اے گیشتر وھداں ھونڈاں انت ءُ باز کم وھداں ڈن ءَ درکیت ۔ چونایا اگاں ھور بہ بیت تو اے درگت ءَ تر و تیاب زیات کنت اے کم کم ءَ رودیت ءُ شست تاں ہشتاد سال زند گوازینت کنت ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
