Category |
Albums |
Files |
|
10 |
2,234 |
|
2,234 files in 10 albums and 1 categories with 902 comments viewed 434,166 times |
|
Fisher boys175 viewsماہیگی
Mahigi
اے کسانیں زھگ کہ وھد ہمیش انت کہ اسکول ءَ بتین انت بلے اے پسنی نہادی ءَ ماھیگ بہا کن انت ۔
|
|
Pumpkin185 viewsکوسیچ
Kosich
اے کوسیچ ءِ دانگ انت ، اے پہ توم ءِ واستہ ایر کتگ انت ،نوکیں سال ءِ پسل ءِ واستہ اشیے توماں پر کن انت ۔ چونایا کوسیچ ءِ نارُشت جوڑ کن انت بلے مرچاں حلوہ ہم جوڑ کن انت ۔
|
|
A Oasis of Zamoran444 viewsZamoran e Machkadag
زامُران ءِ مچکدگ
مکران مچکدگانی جاہ انت ،بلے زامُران مذاتیانی جاہ انت ۔ مزّاتی ہما مچ انت کہ گوں وتی گران بریں سُہر گونگیں زنڈ دانگیں براں براہ دار انت ۔ اے اکس ءِ تہا مزاتی مچ کوہ ءِ دامن ءَ کتّار انت ۔
|
|
COCCULUS SP326 viewsZaamor
زامْر
چونایا زامْر ء درچکے لیکنت - بلے زامْر درچکے نہ انت بلکن یک ول ء - زامْر چو ول ء وڑا دومی درچکے سرا روت - اگاں درچکے بوتیں گڈا وتی کنٹے سرا چو درچکے وڑا مک بوتیں - بلے چوش کہ ول ء پمیشکہ دگہ درچکانی کمک و مدت ء وتا پتاہاں کنت و سر کپیت - اے گیشتر کھور، چگرد، چش، و پیرانی سرا سر کپیت۔
جُست۔۔۔ من زامُری درچکے باں تلاری دیم ء رُداں
پسُو۔۔۔ من کُوہی گرانڑے باں تئی سرشاہان چراں
|
|
ZYGOPHYLLUM QATARENCE197 viewsNok rodin Shordo
نوکرودیں شوردو
شردو سورگے یک ذات ء، بلے شُردو سورگیں جاہاں رودیت - شردو کسانیں بوٹگے - ھُشتر شردوا چریت بلے دگہ دلوت اشیارا ہُبناک نہ انت -۔
|
|
Baloch boat factory without roof 174 viewsیکدارانی کارجاہ
Yakdarani karjah
بلوچاں تاں ھزارانی سالاں وتی وس واکاں کسان کسانیں یکدار، لانچ ءُ دگہ ازباب جوڑ کتگ۔ چہ بلوچ زر ءَ وتی روزگار ءُ لاپ درگیتکگ ۔ اے باور کنائینتگ انت کہ اے جلگہیں ءُ ژیمبیں زرے ھُدابُنداں ۔ بلے مرچی انچیں وھدے ودی بوتگ کہ بلوچ ءَ گوں اے زر ءَ ہچ وڑیں سیادی نیست ۔
|
|
Tamarix Athel177 viewsShinger Nalk ent
شنگر نالک انت
شنگر گزّ یک زات ے سُہریں پُل پر کنت کہ باز ڈولدار انت - اے گیشتر ماں کور او کیلگاں رودیت یا ہما جاہ کہ اودا آپ گیش بہ بیت - شنگرے داراں بُرّانت او شنک جوڈ کن انت - کرگینیں لوگ شگزّ او پلّا جوڈ کن انت
|
|
White red Butterfly176 viewsسُہر ءُ اسپیتیں مُلاھوک
Sohr o espetin mollahok
سہر ءُ اسپیتین مُلاّھوک ءِ اے ذات ایوک ءَ بلوچستان ءِ جزیرہ ہپت تلار ءَ است انت ۔ اے یک نایابیں مُلّاھوک ءِ من بازیں پٹ ءُ پول کتگ بلے اے زات من ءَ دگہ جاہ ءَ دست نہ کپتگ ۔
|
|
|
Rufous Tailed. Scrub Robin4 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach35 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|