| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,903 times |
|
|
Senna italica184 viewsکسپنڈ
Kaspind
کسپنڈ یک کسانیں بوٹگ ء گرماگی روچاں سر سبز شاداب بیت - ادا کسپنڈ پُل انت - کسپنڈے پُل زرد انت او ڈولدار انت - چونایا کسپنڈ ء پہ درمان کار مرز کن انت - انچو کسپنڈ درمان ات ہمے وڈا ڈولداریں پُل ات - کسپنڈ گیشتر ھُشکاوگیں ڈگاران یا ڈگارواں کوہاں رودیت -۔
|
|
Indigofera oblongifolia175 viewsشمِل
Shemil
شمیل یک نازرکیں کسانیں درچک ءِ اے بلوچستان ءِ میدان ءُ کوچگاں رودیت۔ اے بلوچستان ءِ زرباری ھنداں باز انت، او زمستان ءَ چو اسپُست ءِ وڈا بندوک سرا بہا بیت۔ ایشیا گیشتر دلوتاں چارین انت۔ اے کسانیں سُہریں پُل ءِ پر کنت، ءُ گونڈیں کوسرک پر کنت۔
|
|
Almond176 viewsبادام
Badaam
بلوچستان ءِ آب ءُ ھوا بزاں موسم پہ دگنیائے ہمک درچک ءُ دارانی واستہ بے مٹ ءُ بےدرور انت ۔ بادام بلوچستان ءِ بالائی ھند و دمگاں شرریں وڑیا پاگ یا بر دنت۔ بادام دگنیائے گران کیمتیں ھُشکاوگیں میوہاں چہ یک ات٫ ایشے لوٹ مدامی است انت ۔ چہ بادام ءَ چہ ٹیل ہم کش انت۔ دگہ بازیں کاراں کارمرز کن انت۔
|
|
Bill been179 viewsبانکلینک
Bakalink
بانکلینک بلوچانی کوھنیں کشارے، باز نازرکیں پسل ء 5 فٹ ء برز بیت - اشیا نومبرا کش انت او مارچ ء گڈسرا موش کن انت - بانکلینک نازرکیں کوسرکاں نارُشت کن انت وھدے ھشک بنت گڈا اشیا ڈلوک ء سرا ڈل انت او نارُشت کن انت - او آمین ء درگتا کوّل کن انت ناہے گونا ورنتے اے ھمک ّوھدا کار دنت -۔
ادا باکلینک ءِ کوسرک سر چتگ ءُ پہ نارُشت ءِ جوڑ کنگ ءَ جاڑی انت ۔
|
|
Boiled Black Eye Beans161 viewsMaak
ماک
ماک بلوچستان ء ڈگار او کُچّگاں مرچی ہم زینت انت ، ماک دراجیں کوسرک پر کنت کہ اسپیت گونگ انت - ماک ہم بلوچستان ء یک دھل ء زانگ بیت - ماک ء کُوّل باز تام دار انت - ماک ء کشار ہم سبز او ڈولدار انت -۔
ادا ماک کوول کتگ ۔ ماکے کوول باز تام دار انت ۔
|
|
Carrot's flowers142 viewsگزّرک پُل انت
Gazzirk Pol ant
ادا گزّرک پُل انت۔
گزّرک یک سبزی ات کہ وتی روتگ ءَ بر جوڑ کنت۔ بزاں روتگ آئیے بر انت ، اے زمستان بزاں بہار ءِ درگت ءَ کشگ بیت ۔ اے بُن اسل ءَ ایران ءُ افغانستان ءُ سبزی زانگ بیت، ایشیا بلوچستان ءَ وھدے زمانگ ءَ کم کشتگ پہ وتی ورگ ءِ واستہ بلے مرچاں اے پہ بے ءُ شر ءَ باز کشگ بیت ۔ چونایا اشیے بر گلابی رنگ انت بلے زرد ءُ سُہر ءُ اسپیت رنگ دست کپیت ۔
|
|
Shadow shelter 165 viewsچاپڑا ۔ کاپر
Chapda - Kapar
چونایا ایشیا دودپیں کاپر گوش انت بلے دودپیں کاپر ءَ دو منگ بنت بلے چاپڑا ءَ منگ ءِ جاگہ ءَ ھشتانی سرا پادگ پر کن انت ۔ ایشیا کمب پر کن انت ۔ اے بلوچ پہ ساھگ ءِ واستہ جوڑ کن انت ۔ گیشتر پہ گرماگ ءِ واستہ ۔
|
|
Aapotag127 views
آپوتگ
Aapotag
آپوتگ یک بے تاکیں بوٹگ ءِ کہ مدام پہ رودگ ءَ دگہ درچکانی کمک ءَ چہ رودیت ۔ اے زنڈ زنڈوکیں کنٹ ءِ چہ آپ ءَ پُریں ۔ اشیا بلوچ وارت ءُ اشیا یک سلاد ءِ زانت بلے من آپوتگ ءِ سبزی بزاں نارُشت جوڑ کتگ کہ باز تامدار بوتگ انت ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
