| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,892 times |
|
|
Zaatar175 viewsازبوتک
Ezbotk
ازبوتک کسانیں بوٹگ ءِ کہ اشیا گیشتر پہ تہلگ ءَ کارمرز کن انت ۔ بزاں کلّگ ءِ علاج ءِ واستہ ازگند گرادنت ءُ نوش کن انت ۔ بلے عربستان ءَ ازبوتک ءَ کُنجچت یکجاہ دروش انت ءُ نان ءِ سر ءَ پر کن انت ءُ نان تام دار بیت۔ کہ زعتر ءِ گوش انت۔
|
|
Common Sesban144 viewsڈال
Daal
مرچاں بلوچستان ءَ اے درچک ءَ باز کش انت ، بلے تنیگا بلوچ چریشیے سمر ءَ چہ بہرمند نہ انت بلکہ اے دانگ بیت ہمے دانگاں گوں درچک ءَ بُرّ انت ءُ وتہ دلوتاں کدیم کن انت۔ چونایا اے ڈال ءِ یک نمونگ ءِ اشیا تو الکاپی ءِ سرا نارُشت جوڑ کُت کنے، بلے تنیگا بلوچ چرے درچکانی سمراں چہ کار گرگا نہ انت
|
|
Manila tamarind195 viewsآمڑی ۔ جنگلی جلیبی
Aamadi، Jagali julaibi
جنگلی جلیبی اے بنا چے پلیپیں درچک انت ۔ بلے مرچی باندا بلوچستان ء ہم است انت ۔ اے بر پر کنت وھدے پُہتہ بنت باز وش بنت ۔ اشیے بر چو جلیبی ءِ وڑا چنگ بنت چمیشکا اشیے جنگلی جلیبی گُش انت ۔
|
|
Classic bread213 viewsپُرانی
Porani
پُرانی نان ءِ آئیا پُران ءِ تہا پچ انت ۔ بزاں پرانی ءِ پچگ ءَ پرانی ءَ زمین ءَ گرمیں ریکانی یا پُلکانی تہا کل کن انت ءُ سر برا اشکراں ایر کن انت ۔ ہمے اشکرانی گرمی ءَ چہ پُرانی زمیں ءِ چیرگ ءَ پش ات ۔ اگاں پُرانی شر پچگ بہ بیت نان چو بسکوٹ ءِ وڑا وش بیت
|
|
Balochi classic muffler 276 viewsدزمال
Dazmal
دزمال بلوچ ءِ دود ءُ ربیدگے چیدگ ءِ جوڑ بوتگ ۔ دزمال گدا چہ جوڑ کنگ بیت۔ بلے اشیے جوڑ کنگ ءَ بلوچ تب ءِ باز ھیال گور کنگ بوتگ ۔ اشیے جوڑ کنگ ءَ وھدا ایشان رنگ ہم پہ وڑے رد ءُ بند داتگ انت ۔ ءُ بلوچ بے دزمال ءَ بلوچ زانگ نہ بنت مرچی باندا بلوچ دزمال ءَ وتی راجی میراث ءِ زانت، ءُ دزمال بلوچ ءِ پجّار انت۔
|
|
Grapes165 views
Angoor
انگور
انگور یک میوہ ات - کہ آیے درچک چو ولّے وڈا رودیت - انگورے یک ھُوشیا پنچ ء بگر تاں پنچ سد دانگ بر پر بیت - انگورے میوہ باز شیرکن او تامدار انت - انگورا چہ شراب او شربت جوڈ کن انت - گیشیں انگورانی دانگاں تاپ کن انت او ھُشک کن انت او کشمش جوڈ بنت - کشمش ء چہ بریانی او کیک جوڈ کن انت - بلوچستانے بالائی ھند او دمگ بزاں سوراب قلات منگوچر مستونگ سرباز پنجگور ء انگورے بے ھسابیں باگ است -۔
|
|
Potronk110 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Salvadora Persica122 viewsتوج
Tooj
توج یک درچک ء کبّر ء ہم رنگ انت بلے کبّڑ بُرز بیت او توج بُج بیت تاک کمّے کستر بنت ۔ توج ء اُنڈال او بارگیں شاہاں زورنت او مزواک ء لٹّوک جوڈ کن انت۔ بلے مرچاں ڈنّنی ملک توچ ء دنتانی کریم جوڈ کنگان انت۔ بلوچستان ء توج درچک باز ھنداں سک باز انت ۔
|
|
|
|
Purslane74 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot143 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko65 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
