| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,903 times |
|
|
Potronk143 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
Potato142 viewsبٹاٹُک
Batatok
بٹاٹہ یا بٹاٹوک چونایا لاتینی امریکہ ءِ سبزی ءِ ۔ مرچاں اشیا بلوچستان ءِ روچدراتکی ھند ءُ دمگاں کشاورز کن انت ۔ اے کسانیں کاہ ءِ روتگاں چہ گردیں دانگ پر کنت ۔ اشیے دانگ زمین ءَ کل انت ۔ مرچاں بلوچانی نارُشت بے بٹاٹک ءَ بے جلوہ انت ، بزاں بلوچستان ءَ بٹاٹُوک باز کارمرز کن انت ۔
|
|
Spiny-Tailed Lizard214 viewsپٹ ماھیگ
Pat_Maheeg
پٹ ماھیگ ءَ باز جاگہ گوج ہم گوش انت بلے اے چہ گوج ءَ جتا انت ۔ گوج مُدامی آپ ءِ کش ءُ گوراں گردیت ءُ مُرگ ماھیگ دگہ ساہدار شکار کنت بلے پٹ ماھیگ ایوکا کاہ ُ درچکی تاک چنت وارت ، اشیے دنتاں کسانیں ارتین انت، ۔اشیا دمب ترندیں کنٹگ پر کہ وتی جند ءَ چہ دگر رستراں بہ رکین ات ۔ عرب ملکاں اشیا پہ شوک ورانت ۔ اشیے گوشت چو ایدگہ دلوتانی پیما تام دار انت ۔ اے بلوچستان روچدرتکی ءُ تیاب دپی ھندا کم کم ءَ است انت۔ ادے مردم گیشتر ایشیے پیگاں کش انت ءُ دوا کارمرز کن انت ۔ اے ھیک دنت ۔ ءُ زمستان ءَ گیشتر ھونڈان انت ڈن ءَ در نہیت ۔
|
|
144 viewsبید
Beed
بید یک ٹوھیں ، ساھگ دارین درچک ءِ کہ گیشتر شہ جوّان کش انت ءِ اشیا پہ ساھگ ءِ واستہ لوگ ءِ دیم ءَ ہم کش انت ، اے یک بے سمریں درچکے ، بارگیں درجیں تاک پر کنت کہ دار ءِ سُہر رنگ انت۔ اشیے دارے شاہ ءَ کش انت ۔
|
|
Crested Lark230 viewsBolli
بُلی
بُلّی کسانیں مُرگے کہ گیشتر ماں کشاورزیں ڈگارانی ھند و دمگاں گندگ بیت - بُلّی ء باز جاہ ء چڑ بُلّی ، بُلّی چڑول ہم گوشنت - بُلّی اگاں ایوک بی بیت گڈ بُرزگیے سرا نیندیت او الہان کنت - اشیے آواز باز دوستناک انت - سُہبانی سرا ڈگارانی سرے وپتگیں مردمان چہ واب ء گوں وتی الہان ء پاد کنت
|
|
Olive. Olea europaea subsp190 viewsHatt
ھت
ھت یک ٹوہیں درچکے کہ گیشتر ماں کوہاں رودیت - اے شرّیں او آبادیں جگہاں باز بُرز بیت - بلوچستان ء
اشیے داراں پہ لوگ ء اڈ کنگا کارمرز کن انت او شاہ او لمباں دلوتاں دیینت - ڈولداریں درچک ءَ عربی ءَ زیتون گوش انت ءُ ایشانی براں ورانت ءُ ٹیل جوڑ کن انت ۔ بلے بلوچ اشیے بابت ءَ سرپد نہ انت ۔ بلوچ اشیے زھر چکیں براں نہ ورانت ۔
|
|
Field Bind Weed159 views
Patahok, Aahichk, Lekirk
لیکرک، آہیچک، پتاھوک
آہیچک کسانیں کاہے گیشتر ڈگارانی جُوہ او بنداں رودیت - اے مدام زمین ء سرا پراہ روت - بلے اگاں درچکے کش و گواراں برودیت گُڈا درچک ء سر کپیت - اسپیتیں او گُلابییں ڈولداریں پُلء جنت کہ ڈولدار بیت
بلے اے اسپیت گُلابی گونگیں رنگے پُل انت
|
|
COCCULUS SP326 viewsZaamor
زامْر
چونایا زامْر ء درچکے لیکنت - بلے زامْر درچکے نہ انت بلکن یک ول ء - زامْر چو ول ء وڑا دومی درچکے سرا روت - اگاں درچکے بوتیں گڈا وتی کنٹے سرا چو درچکے وڑا مک بوتیں - بلے چوش کہ ول ء پمیشکہ دگہ درچکانی کمک و مدت ء وتا پتاہاں کنت و سر کپیت - اے گیشتر کھور، چگرد، چش، و پیرانی سرا سر کپیت۔
جُست۔۔۔ من زامُری درچکے باں تلاری دیم ء رُداں
پسُو۔۔۔ من کُوہی گرانڑے باں تئی سرشاہان چراں
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
