| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,819 times |
|
|
Cyperus conglomeratus183 viewsتوزگ
Tozg
تُزگ گیشتر لچ اُو مین ء رودیت - بزاں آپ ء کش اُو گواراں - تُزگ دریا ء سوریں آپ ء کش او گواران ہم رودیت - تُزگ اُنڈال چہ بارگیں دارے نمودار بیت بُرزا کلّچک ء وڈیں تاک اُو پُل پر کنت - تُزگ ء چرگ پس لچانی تُوک مین بنت اگاں شپانک دلگوش مداریت گڈا پساں شگال شکار کن انت - چونایا تُزگ ء مرچاں پُل ء وڈا لوگانی دپ اُو ترّوتابانی جاگہاں کشنت - باز ڈولدار انت
|
|
Night Calculator for Baloch farmer145 viewsتاس
Tas
تاس یک کسانیں تلی ات کہ اشیے توک ءَ یک کسانیں سُچن ءِ سرا ٹنگ ء پرکن انت ، اے چہ کوپر جوڑ بیت باز وزن انت وھدے زمانگ ءَ گڑیال ہمک مردماں نہ بوتگ گڈا ایشاں شپانی آپ تاس ء سرا بہر کتگ انت ۔ اگاں ھنگام 16 تاس بہر کتگ ۔ تیم ہنگام آپ ءِ 8 تاس بنت تسوے 4 تاس بنت ءُ ابہے 2 تاس بنت ہمے وڑا آپ بہر کن انت ۔ تاس ءُ یک لوھیگ آپ ء پر کن انت ۔ تاس ء آپانی سرا ایر کن انت چوش کہ تاس ٹنگ انت کم کم آپ روت تاں پُر بیت وھدت تاس پر بیت گڑا تاس کپیت ءُ لوھیگ ء بن ءَ لگ ات ٹلنگگ جنت ۔ بزان یک تاس کپت۔ ہمے وڑا آپ ء بہر کن انت ۔ بلے تاس ء سرا باز مردم نند انت ءُ دیوان کن انت ۔
بلے مرچاں اے تاس گار انت ۔
Pic by Jassim Fareed
|
|
Talaar Mount224 viewsتلار ءِ بند
Talaar e band
بلوچستان چونایا گیشتر کوہانی مات بندانی نام انت۔ بزاں بلوچستان بہ بیت ءُ کوہ مہ بیت چوش بوت نہ کنت ۔ تلار ہم یک ٹوہیں مات بند ات۔ کہ مکران ءِِ تیاب دپی ھنداں گوں گوریچانی ھنداں چہ جتا کنت ۔ اے یک کسانیں مات بندے بلے اشیے سر کپگ باز گران انت۔
|
|
Dolphin 152 viewsگوکین
Gokeen
گوکین ماھیگ ء کہ اشیے چل زات انت ۔ اے چہ دراجی یک میٹر ء بگر نُہ میٹر نیم ء دراج بیت ۔ ہمے وڑا چل کیلو ء بگر تاں دہ ٹن وزن بیت ۔ اے پاگاس ء سیادین ماھیگ انت ۔ بلے اے انسان دوست ات ۔ بلوچسستان ء زرا ہم اے گوکین بازیں زات است ۔
|
|
Date palm tree117 viewsکونگو
Kongo
کونگو یک تامداریں ناہ دیوکیں مچ ءِ کہ بلوچستان ءَ است انت ۔ اے سُہریں رنگ ءُ سیاہ کونگیں ناہ پر کنت ۔ کونگو اولی مچ انت کہ پہ یک ٹال ءِ گنش ءَ ہم بندیت ۔ اشیے نام تام دار انت ۔ چہ شیرگ ءَ پُر انت ۔
|
|
Mashroom141 viewsKotaing
کُٹینگ
بشی کٹینگ
پشتلینک
اے گیشتر گرماگی ہوراں پیداک بیت ۔ اے گیشتر کوراں بستاں پسانی واڑاں یا ہشترانی آلیٹ جاہاں رودیت ۔ بلوچ اشیا پچنت ءُ ناروشت کن انت ءُ نوش جان کن انت ۔ اے باز وش انت اشیے تام ہم باز وش انت ۔ بلے گیشتر بشی ہوراں بزاں گرماگی ہوراں رودیت۔
|
|
Field Bind Weed115 viewsPatahok, Aahichk, Lekirk
لیکرک، آہیچک، پتاھوک
آہیچک کسانیں کاہے گیشتر ڈگارانی جُوہ او بنداں رودیت - اے مدام زمین ء سرا پراہ روت - بلے اگاں درچکے کش و گواراں برودیت گُڈا درچک ء سر کپیت - اسپیتیں او گُلابییں ڈولداریں پُلء جنت کہ ڈولدار بیت
بلے اے اسپیت گُلابی گونگیں رنگے پُل انت
|
|
Periploca aphylla185 viewsگیشتر
Geshterr
ادا گیشتر پُل انت
گیشتر درچکے کہ گیشترماں کوہاں رودیت - گیشتر ھُوب ء زاتیں درچکے کہ اشیا تاک پر نیست بلکن بارگ بارگیں لٹّوکء وڈیں شاہ پر کنت - اشیے کوسرک ء وڈیں بر پرکنت وھدیکہ پہتہ بیت گڈا کوسرک پچ بیت او دانگاں نرم نازہرکیں پژم پر کہ گوں گوتے کشّگا بال کن انت او پہ وت روانت - زامران یک جاہے است انت کہ اودا گیشتر باز بوتگ گشتردان کتگ ، بلے مرچان گیشردان ء سرا نام کپتگ
|
|
|
|
Purslane52 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
