| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,820 times |
|
|
Arabian Jasmine160 viewsمُکڑا
Mokda
اے کسانیں درچک ءِ کہ کسانیں کرومگ پر کنت ۔ اشیے پُل انچو ڈولدار نہ انت بلے اشیے بوہ سرد و وش انت ۔ اگان تئی لوگ دیم ءَ دو دانگ درچک بہ بیت تئی لوگے وشبوہی در نییت ۔
|
|
Solanum surattense128 viewsجنّی بٹاگ
Jenni Battag
جنّی بٹاگ ادا پُل انت
جنی بٹّاگ ھُشکاوگیں ، ڈگارواں رودیت ۔ اشیے تاکاں ءُ شاہاں درستان تُسکیں کنٹگ پربیت ۔ اشیے جموں رنگیں پُل باز ڈولدار انت ۔ اے چو بٹاگ گونگ انت ۔ بر ہم چو بٹاگ ءِ وڑیں پر کنت بلے آئیے بر زھر انت ورگ ءِ لائق نہ انت ۔ بلے زمانگاں اشیے بر تہلگ ءِِ وڑا کار گپتگ ۔
|
|
Zizyphus nummularia, Berry173 viewsپنسیں کُنر
Pens Konar
پنس کنر ءِ یک زات ءِ کہ گیشتر کوہ ءُ ڈرّان رود ایت۔ اے باز کنتگی بیت ءُ سرا سِر کپگ نہ بیت ۔ اے مدام بُنژءَ بُنژ انت ۔ اے گیشتر اکتوبر تاں جنوری بر کنت اشیے دانگ کسان انت بلے وشیں بوہ کن انت ءُ شیرکن انت ، ءُ گڈگ ہم مزن انت ۔ وھدے زمانگ ءُ مردمان پنسیں کنر چُپتگ ءُ دوگیں شیر مان کتگ انت کہ ایشانی تام باز وش بوتگ انت ، بلوچستان ءَ مرچی ہم باز مردم کنرے چنگ ءَ ڈل ءَ روانت ۔
|
|
A Type of Balochi Bread339 viewsseiserk
سیسرک
سیسرک یک نہونگ ءِ نان ۔ بلے اے گیشتر وشیں روچاں جوڑ کنگ بیت ۔ بزاں عید ،مُردگانی ۔ سیسرک اڈ کنگ ءَ آرتاں شُرد کن انت ۔ پدا گرمیں تین ءِ سرا پچ کن انت ۔ کمءِ کہ پچگ یا بُو ات ، تین ءَ چہ ایر کن انت سربرءَ شکر پر کن انت او ورانت ءِ کہ باز تام دار انت ۔
|
|
Rhazya stricta 182 viewsایشرک
Eshirk
اے کسانین بوُٹگے کہ گیشتر ماں کوہ او کوراں رودیت - کسانیں اسپیتیں پُل ء پر کنت - کوسرک بیت - اے مدام پہ دوا کارمرز کتگ - اگاں مچّ کرما وارتگ گُڈا ایشرکے شاہ
پروشتگ او مچّے گرکا داتگ - اگاں ماشیں دان پہ توم ایر کنگی بوتگ گڈا ایشرکے ھُشکیں تاک توکا ایر کتگ انت تنکہ وروکے ما وارتے - ۔
|
|
Baloch Children364 viewsBaloch Gowando
بلوچ گوانڈو
گلّہ وھدے زرد ترّان بیت گُڈا چُک و چوریگ ہم پہ ترّ و ھُشکیں گلّہے ھُوشاں سند انت مُش انت ورانت - اے اکسے توکا یک گونڈوگلّہے ھُش ء دستے سرا مُشگاانت او دومی ھُش سستگ و دستا انت -۔
|
|
Shaggi Mushroom422 viewsکوٹینگ
Kotaing
کیچ ءِ ھندءُ دمگاں اے کوٹینگ ءَ '' اُشتری کوٹینگ '' گوش انت۔ رخشان ءِ ھند ءُ دمگ ءِ نندوک اشیارا '' آرتو '' گوش انت دشتیاری ءِ مردم اشیارا '' کوٹومبو '' گوش انت۔ بلوچستان ءِ لہتیں ھنداں '' کومبی '' گوش انت ۔ گمشاد زئی کٹم اشیارا '' شیلانچُک گوش انت ۔ اے یک کٹینگ ءِ زات ءِ بلے وشتام نہ انت بلوچ چریشیا انچو ھدوناک نہ انت۔
|
|
Sedah Kor Jahow142 viewsSedah Kor Jahow
سیدہ کور جھاہو
بلوچستان ءِ کور، کوہ کور، شیپ ہورے وھداں دراہ رتکگیں ہورانی آپاں وتی دلبنداں جاگہ دیاں ءُ سوریں دریاءَ سر کن انت ۔ اگاں ما بچاریں ہمے کور انت چہ ھورا رند سبزسبز بنت ءُ چارگ کرز انت۔ ہمے کور مئے پس ءُ دلوتاں وراگ دیئنت ۔ بلوچانی زند گوں کوراں بندوک انت ۔ اگاں ماوتی کورانی کش ءُ گوراں بچاریں تو ما ہمے گندیں کہ مئے لوگ ءُ میتگ کورانی اے کپ آ کپ انت ۔ چونایا ایوکا بلوچ نہ انت بگندے تانسریں دگنیا ہم ہمے وڑا آباد ا نت ۔ کیچ کور کیل کور نہنگ بولان ایشانی چپ ءُ چاگرد ءَ میتگ آباد انت ۔ انساں چہ آپ ءَ بہانی بہ دور بوت نہ کنت
۔ چمیشکا تانسریں دگنیا ہمے وڑا وشیں آپانی دریا کشءُ گورا نیشتگ انت ۔ دریائے سندھ دریائے نیل دجلہ و فراط ہم ہمے وڈا آباد بوتگ انت ۔ بلوچستان ءَ وشیں دریا نیست بلے بلوچ وتی کورانی چپ ءُ چاگرد ءَ نشتگ انت ۔
اے سیدہ کور جھاہو
اکس ءِ منت واجہ جمیل احمد
|
|
|
|
Purslane52 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
