Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,156 times |
|
Proso Millet219 viewsارزُن
Arzon
ارزُن یک دھل ءِ کہ بلوچستان ءَ اشیے کشاورزی بیت ۔ اے کسانیں کاہے کہ ھوش پر کنت ءُ ھوش چہ دان ءَ پُر بنت ۔ چونایا دنیائے توک ءَ نوہ زات ءِ ارزُن است کہ آھانی دان ءِ رنت چہ اسپیت ءَ بندات بیت چہ پُہتہیں سیاہ ءَ روت ۔ بلے بلوچستان ءَ زرد ءُ سہُریں ارزُن کش انت ۔ وھدے زمانگءَ ارزن ءَ دان درُشتگ انت ءُ نان جوڑ کتگ انت۔ بلے مرچاں ارذُن نان جوڑ نہ کن انت ۔ ارزن تمکار ءَ چہ رند کش انت، بزاں اگاں ھور چہ موسُم ءَ پدی بہ بنت گڈا بلوچ وتی ڈگاراں ارزن کش انت۔ چیا کہ ارذن زوت دان بیت۔ ارزُن ءَ گرماگ ءِ ھلاسی ءَ ہم کش انت ، بزاں سال ءِ دو رندا ءَ پاگ دنت۔
|
|
Papaver paeoniflorum128 views
اشاش
Ashaash
اشاش ءَ چہ اپین بزاں تریاک دگہ توتار کنوکیں چیز جوڑ کنگ بیت ۔ تریاک ہم ءَ درمان ءَ گوش انت کہ درد ءِ اگاں انسان ءَ بہ گپت، گڑا تو تریاک ءِ دیگ ءَ آئیے درد ایرموش بیت ءُ دردے ہچ سما ئے نہ بیت، بلے مرچاں چریشیا سل کاریاں بزاں نشہ ءِ باز درمان جوڑ کن انت ۔ کہ انسان ءِ واستہ باز تاوان انت۔
|
|
Baloch classic Blanket 182 viewsٹپّور
Tappor
ٹپپور بلوچستان ءِ کوہن تریں گندلاں چہ یک ءِ ۔ ٹپپور چہ اسپیت پس ءِ پژم ءَ جوڑ کنگ بیت ۔ اے گیشتر زمستانی شپاں پر داتگ کہ باز گرم انت ۔ چہ مرچیگیں کمبل ءَ چہ گیشتر گرم بوتگ ۔ مرچاں شہری ہند دمگاں ٹپپور بیگواہ انت بلے کوہ ءُ کللگاں انگتہ ٹپپور کارمرز کن انت ۔
|
|
Cochin Chickin123 viewsپُٹیں نکینک
Potian Nekaink
اے زات ءِ کککڑ بلوچستان ءَ تو بگوش نیست بلے اے یک دانگ ءِ من ءَ وندر بلوچستان ءَ دست کپتگ ۔ اے کککڑ چہ بُن ءَ چین کککڑ انت ، اشیے وزن چار کیلو تا پنچ کیلو بیت ، اے کککڑ چہ آ دگہ کککڑاں جتا انت پرچا کہ اشیے پادان ہم پُٹ پر بیت ۔ چمیشکا بلوچستان ءَ اشیا پُٹییں کککڑ گوش انت ۔
|
|
Sole253 viewsجنگلی سواسو
Jangli Sawaso
جنگلی سواسو یک کسانیں بلے پتیں ماھیگ ءِ گیشتر زمین ءِ سرا وپس ات ۔ دریا ئے توک ءَ کاہ ءُ بوچ یا درچک ءُ دارانی کش ءُ گواراں دست کپیت چمیشکا اشیا جنگلی سواسو گوش انت۔
|
|
Green foxtail (Setaria viridis)254 viewsLichchok
لچّوک
رودیت - اے گیشتر ماں جنگلاں درچکانی چیراں رودیت - بلے ہُوش مارچ اُو اپریل ء درگتا پر کنت - اے ھترناکیں کاہے - چیا کہ اے گُد پژم، میداں لچّ ات گوں اگاں بے ھنانی ء کچک او رستر اشیے سرا بہ وپس انت گڈا آیے ہوش میدان گوں ھڈانت - باز رستر مرانت بلے اشیے ہڈتگین ہُوش دُور نیاہنت
|
|
Mariage ceremony269 viewsکورگ
Korag
کورگ بلوچی سورانی یک رسم ات ۔ کہ ادا سالونک ءَ پُل ھڑاکہیں ھُشترا سوار کن انت دیم پی شون یا کور ءَ یا کہ چات ءِ سرا کہ اودا سالونک ءِ جان ءَ شود انت ءُ نوکیں پُچ پر کن انت۔ پدا ھُشترا سوار کن انت دیم پہ دیواں ءَ پر انت ءِ بلے اے درگت جنین نازینک جن انت ءُ سالونک ءَ نازین انت ۔
|
|
Petunia141 viewsBatonia
بتونیا
بتونیا بُن اسلا چہ زرباری امریکہ ء پُل ء بلے مرچی باندا پورئیں دگنیا بتونیا کش انت - باز رنگے پُل پر کنت - چونایا چہ سیادی گوں تمباک ء کنت - او فرنسی زبان پیٹون تمباک ء گوش انت - باز ڈولداریں پُل ء کمّک وھدے درگتا پُل آرگ بندات کنت -۔
|
|
|
Astola Beach32 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|