| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,820 times |
|
|
Radish177 viewsTorop
ترُپ
ترُپ کسانیں ذات ء کاہے - چو گزرک ء وڈا بُن جنت - دگہ راج ترُپ ء بُن ء نارُشت کن انت بلے بلوج گیشتر اشیے تاکاں وارت - ترُپ ء نازُرکیں تاکانی جتاہیں تام او وتی ہجّارے - ترُپ بلوچستان ء کاہے نہ انت بلکن چہ ڈنّ ء آرگ بوتگ
|
|
Potronk131 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
179 viewsTalkar
تلکار
ھور وھدے کہ گواریت ، ھورانی گورتگیں آپ رہادگ بنت پہ وتا راہ جوڈ کن انت ۔ اول سرا کسانیں شیپاں بنت او بلاہیں شیپاں بنت پدا کوہ کوراں چہ کوراں او چہ کوراں دہم پہ دریا ہا ۔ دریا ھورے آپانی گُڈسری جاہ انت ۔ بلے اے درگتا آپ نیما کہ ملّیت اودا کوھنیں ھاکانی سرا نوکتریں ھاک دنت وھدے کہ آپ ھوشیت او جاگہ ھُشک بنت گڈا زمیں تلُک دنت بزان کہ جہل ء ھاک ء رندی ھاک گوں وت یک جاہ نہ کُتگ ہمے سوب انت کہ تلکار جوڑ بیت
|
|
Cumin181 viewsزیرگ
Zerrag
زیرگ یک بزار بزاں مسالہ ءِ کہ گواتگ ءِ وڈیں کاہ ءِ زردیں ڈولداریں پُل پر کنت ءُ کسانکیں دراج گونگیں دانگ پر کنت ۔ بلوچستان ءَ زیرگ کش انت ءُ پہ مسالہ کار مرز کن انت ۔ زیرگ ءَ ناہ ءَ مِن انت ءُ ناہ ءِ تام ہم بدل بیت ، زیرگ پہ دوا ہم کارمرز کن انت۔
|
|
Proso Millet149 views
ارزُن
Arzon
ارزُن یک دھل ءِ کہ بلوچستان ءَ اشیے کشاورزی بیت ۔ اے کسانیں کاہے کہ ھوش پر کنت ءُ ھوش چہ دان ءَ پُر بنت ۔ چونایا دنیائے توک ءَ نوہ زات ءِ ارزُن است کہ آھانی دان ءِ رنت چہ اسپیت ءَ بندات بیت چہ پُہتہیں سیاہ ءَ روت ۔ بلے بلوچستان ءَ زرد ءُ سہُریں ارزُن کش انت ۔ وھدے زمانگءَ ارزن ءَ دان درُشتگ انت ءُ نان جوڑ کتگ انت۔ بلے مرچاں ارذُن نان جوڑ نہ کن انت ۔ ارزن تمکار ءَ چہ رند کش انت، بزاں اگاں ھور چہ موسُم ءَ پدی بہ بنت گڈا بلوچ وتی ڈگاراں ارزن کش انت۔ چیا کہ ارذن زوت دان بیت۔ ارزُن ءَ گرماگ ءِ ھلاسی ءَ ہم کش انت ، بزاں سال ءِ دو رندا ءَ پاگ دنت۔
|
|
Star fish191 viewsاستار ماھیگ
Estar mahig
استار ماھیگ چونایا ماھیگ ءِ نہ انت ، بلکن دریائی لولوک ات ۔ اے باز ڈولدار انت دریائے چولاں گوں ڈن ءَ دار کیت۔ گونڈو زورانت ءُ لیب ءِ کن انت ۔ اے چو استارے دروشم ءَ انت چمیشکا بلوچ ہم اشیا استار گوش انت ۔
|
|
COLLIGONUM POLYGONOLDES206 viewsپُٹہ
Potta
پُٹہ یک نرمین بے کنٹگیں گُنبُدیں درچکے - کہ ماں ریکپادیں ھند و دماگاں رودیت - پُٹہ سْہریں ڈولداریں گردیں پُل پر کنت - بلے مرچاں میتگانی گیشتر آبادی سوب ء پُٹہے داراں سوچگے واستا کارمرز کن انت چمیشکا پُٹہ کم کم ء گار و بیگواہ بوّان انت
اکس ءِ منت واجہ مسری خان کیھتران
|
|
Houbara Bustard305 viewsCharz
چرز
چرز یک ٹوہیں بالی مُرگے - چرزے تنی وھدی 32 ذات درگیجگ بوتگ انت - چرز ایشیا او افریکہ ء مرُگ انت - وھدے کہ میانی ایشیا گوریچ کشّگا بنگیج کنت گُڈا اے ٹوھیں مُرگا ترڑگا نیلیت، مجبور بیت او وتی بالاں بندیت دیم پہ گرمیں ھنداں ۰ بلوچستان اکتوبرے ھلاسی او نومبرے بندات ء سر بیت - چرز گیشتر، مدگ، کٹگ، میزوک، کڈوک، چریت، کیپُک، بالواں چینت او وارت - بلوچستان پہ چرزا ایمنیں جاہے نہ انت - مئے درملکی مہمان مئے میاراں شکار کن انت او ما وا وا کنیں
|
|
|
|
Purslane52 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
