| Category |
Albums |
Files |
|
10 |
2,239 |
|
| 2,239 files in 10 albums and 1 categories with 906 comments viewed 435,905 times |
|
|
Long billed Vulture173 viewsجون کوٹ
Jonkott
جون کوُٹ یک ڈالیں بالی مُرگ ءِ کہ گردن ءِ ساپ انت بزاں پُٹ پر نیست ۔ اے مُرداریں دلوت ءُ رسترانی جوناں وارت یا نک جنت ۔ اشیا جون کوُٹ چمیشکا گوش انت کہ اگاں یک مُرداریں جون ایشاں دست بہ کپیت، اے دمان ءَ جون ءَ کٹٹین انت بزاں ھلاس کن انت ۔
|
|
Baloch classic Blanket 182 viewsٹپّور
Tappor
ٹپپور بلوچستان ءِ کوہن تریں گندلاں چہ یک ءِ ۔ ٹپپور چہ اسپیت پس ءِ پژم ءَ جوڑ کنگ بیت ۔ اے گیشتر زمستانی شپاں پر داتگ کہ باز گرم انت ۔ چہ مرچیگیں کمبل ءَ چہ گیشتر گرم بوتگ ۔ مرچاں شہری ہند دمگاں ٹپپور بیگواہ انت بلے کوہ ءُ کللگاں انگتہ ٹپپور کارمرز کن انت ۔
|
|
Indian Rollar185 viewsKangaashk
کانگاشک
کانگاشک یک ڈولداریں بالی مُرگ ءِ ۔ اے مُرگ شہر ءُ بازار جنگل ءُ میداناں گندگ بیت ۔ بلوچستان اے مرُگ گیشتر دریابار ءُ مچکدگ ءَ گندگ بیت ، بلے وھدے کہ آمین بیت گُڈا کانگاشک مچکگدگ ءَ پہ دواہی ہم نہ گواہیت ۔ پرچا کہ چُک ءُ برے وھدا مچکدگ ءُ شہراں یل کنت ءُ کوہاں روت ۔ کوہ پہ چُک ءُ برا ایمن تر انت ۔ آمین ءَ رند گوں وتی چُک ءُ چلانگاں پدا مچکدگ ءُ شہراں کئیت ۔
|
|
Isabelline Shrike208 views Naryanch Kasanin
نریانچ کسانیں
کسانیں نریانچ بلوچستان ء جنگلاں استِیں - اے کسانِیں لولوک گپت وارت - اے اے ڈگارانی کش و گوراں گندگ بیت - اے ڈولداریں مُرگے بلے لۃتیں مردم اشیارا شوم لیک ات - وھدے کہ تو پہ کارے رواگا ات اگاں نریانچ دیم بئیت گڈا نیکیں پال ء نہ بیت - او باز مردم وتی سپر ء مہتل کن انت -۔
|
|
Sulphurous Jewel Beetle226 viewsڈومبو یا پلپلانزو ژنگوک
Dombo or Pilpilanzo or Zhangok
اے ڈومبو بلوچستان ءِ گرمیں ھنداں دست کپیت، ڈومبو مکران ءَ چگرد کہ پُل بیت گڈا اے ڈومبو پیداوری کنت ، چگردے پُل ہمنچوک گیش بہ بنت ءُ ڈومبو ہم ہمے وڈا گیش بنت ۔ چونایا من ہمے سرپد باں کہ ڈومبو بلوچستان ءِ نندوکیں لولوک نہ انت ، بلکن سپرے درگت ءَ بلوچستان ءَ گوازیت۔
|
|
A Face of Balochistan540 viewsBalochistan e chahrag
بلوچستان ء چہرگ
اے اکس ء اگاں تو شرّی سرا بچارے ترا تانسریں بلوچستان ء چہرگ گندگ کئیت - سرے دزمال ء پیلڑاھگ، بے رد و بندیں ریش و بروت، پیشانیے کرچک، درتگیں مانپوشتگیں شال، نااُمیدیں چمّانی روک، ہُشکیں لُنٹ او وانگ ہیرانیں دیم، اے دراہ بلوچستان ء سپت انت
اکس ء منّت
واجہ جان البلوشی
|
|
Back of Bateel Mount215 views Bateel e Poshti nemag
کوہ ءِ باتیل ءِ پُشتی نیمگ ہم یک تلاہیں تیاب دپ ءِ بزاں بیچ ات - وھدے کہ تو ادا لوٹ ءِ سئیل بکن ات گڈا ہما روچ ءَ گچین بکن کہ مُج مہ بیت پرچا کہ مُج ءِ درگتا تو دور دور دیست نہ کنے ۔ چمیشکا ہما روچ ءَ گچین بکن کہ موسُم ساپ بہ بیت کہ تو وھدے چمّاں شانک دیے ترا بلوچ زرے جُلگیں آپ او شکار کنوکیں شاگ ساپ ساپ گندگ ءَ کاہنت اگاں دورگند ترا گون بہ بیت گڈا تئی ناہ ءَ دو گڈگ مان بیت ۔
اکس ءِ منّت واجہ ابوبکر ابو
|
|
Frog186 viewsپُگل
Pogol
اے پُگل آپی ساہدار ءِ ۔ بلے ماھیگ ءِ نہ انت ۔ چہ آپ ءَ درکیت ءُ ڈن ءَ سیل کنت ۔ اے پُگل ہما انت کہ آپ ءَ گوات ءَ دویناں وتارا زندگ داشت کنت۔ پُگل ءَ نمروز ءِ بلوچ '' پُگوٹ '' گوش انت۔ پُگل ءَ یک بتل ءِ نام دار انت کہ ''من ھبر باز زانان بلے منی دپ چیرے آپ انت'' ۔ پُگل ءِ چاچ ءِ نام گپت انت کہ'' سٹ کنت مسل ءِ ھرءَ ، نندیت مسل ءِ ھُشتر ءَ '' ۔
|
|
|
|
Tecoma 1 viewsٹکوما
اے یک زردیں ڈولداریں پُل ات Nov 14, 2024
|
|
Purslane75 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis56 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt59 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin70 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot145 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
