Category |
Albums |
Files |
|
10 |
2,234 |
|
2,234 files in 10 albums and 1 categories with 902 comments viewed 434,166 times |
|
Echinops338 viewsMari-Shazheek
ماری - شژیک
اے ڈہلداریں کاہ ما پہ چکاس ء ہیر کتگ ات۔ مارا ھم اشیے نام مالوم نہ ات - بلے استین نامیں سنگتیا نام راہ داتگ و پدا ما پٹ و پول کتگ کہ نام ء برزا نبشتہ انت - یکبرے پدا یستین ء منت
|
|
Zigzag Palm tree646 viewsچپ ءُ چوٹیں مچ
Chap o Choten Mach
مچ بلوچستان ءَ باز انت ، ہمے وڑا مچّانی زات ءُ زُریات ہم باز انت۔ لہتیں مچ است کہ آہانی کنٹ زنڈ ءُ تیار انت ۔ آہانی اُمبر ہم باز بیت ءُ کنٹ ہم کارءَ کیت۔ چوش کہ پیژناہ ، روگنی ، دشتاری ءُ دگہ بازیں بلے الینی تامدادیں ناہ پر کنت بلے کنٹ انچو تیار نہ انت ۔ءُ اُمبرے ہم چل سال ءَ گیش نہ بیت۔ ھسینی ہم انچیں مچ ات کہ بہانی بہ تچک نہ بیت، مدام چپ ءُ چوٹ بیت۔ اے اکس زانگ نہ بیت کہ کجام مچ انت بلے چو ھُسینی ءَ چوٹ انت۔
|
|
COLLIGONUM POLYGONOLDES154 viewsپُٹہ
Potta
پُٹہ یک نرمین بے کنٹگیں گُنبُدیں درچکے - کہ ماں ریکپادیں ھند و دماگاں رودیت - پُٹہ سْہریں ڈولداریں گردیں پُل پر کنت - بلے مرچاں میتگانی گیشتر آبادی سوب ء پُٹہے داراں سوچگے واستا کارمرز کن انت چمیشکا پُٹہ کم کم ء گار و بیگواہ بوّان انت
|
|
Tamarix Athel177 viewsShinger Nalk ent
شنگر نالک انت
شنگر گزّ یک زات ے سُہریں پُل پر کنت کہ باز ڈولدار انت - اے گیشتر ماں کور او کیلگاں رودیت یا ہما جاہ کہ اودا آپ گیش بہ بیت - شنگرے داراں بُرّانت او شنک جوڈ کن انت - کرگینیں لوگ شگزّ او پلّا جوڈ کن انت
|
|
Red Legged Partridge128 viewsKabg
کبگ
کبگ باز ڈولداریں بالی مُرگے - اے گیشتر ماں گریشگ او کوہ او ڈرّاں بیت- کبگ انچو ڈولدار انت تو ہمے وڈا آئیے رواج ہم باز ستا کرزانت - سبک سبک او میزان میزانا وتی پاداں ایر کنت - چریشیا بلوچ شاعران گوشتگ ' کہ تئ کبگی رواجاں منا شیدا کتگ' ۔
|
|
Tamarind (Tamarindus indica)189 viewsچیچک
Chichak
چیچک چونایا ھندے درچکے - بلے ایش مسالہ ء پیم ء کارمرز کن انت - عربی اشیا تمُر ھند گوشنت - انگریزی ہم تمرند انت بزاں عربی نام زرتگ - چیچک ء درچک باز مزن بیت او کوسرک پرکنت ایشاں ھُشک کن انت او من انت - چیچک باز تُروپش انت ناروشتانی تام ء واستہ کارمرز بیت - بلوچستان چیچکے درچکا یک شومیں درچکے زان انت کہ درچک بر بوّگا ساری وتی واھُندا کُش ات، چمیشکا بلوچستان ء چیچک نہ کش انت
بلے بلوچستان ءِ تیاب دپاں چیچک ہر کس وتی لوگے دپاں کش انت ۔ او ھدّا چہ گیش بر بزاں پسل دیئنت ۔ اگاں بلوچستان ءَ تپاب دپاں چیچک ءِ کشت ءُ کشار بکن انت آ بلوچستان ءِ زلورتان پیلہ کُت کناں
|
|
Dill. Anethum graveolens170 viewsNok Rodeen Gwatag
نوک رودیں گواتگ
گواتگ یک بزارے بزاں مسالہ کارمرز بیت - کسانیں بوٹگے کہ بہارَ درگتا رویت - اشیے ڈیل و ڈول چو رز او زیرّگے وڈا انت - زردیں پُل جنت - کسانیں دانگ پر کنت - کہ دانگاں چوپنت و دوگیں شیراں مان کن انت - کہ وشیں او سارتیں بوہ کنت او شیراں تامدار کنت -۔ ادا گواتگ نوک رود انت ۔
|
|
zizyphus jujuba193 viewsKonar Borr ent
کُنر بُور انت
کُنر بلوچستان ء میوہ ء زانگ بیت - کنر ء بلوچ پہ شُوق ورانت - چمیشکا بلوچستان ء چُشیں باگے نیست کہ کُنر ء مان مہ بیت - کُنر باز زات انت - پنس، گڈّگی، بے گڈگ، مکئِ، او دگہ بازیں -
|
|
|
Rufous Tailed. Scrub Robin4 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach35 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|