| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,815 times |
|
|
Mango is Blooming178 viewsامب ءِ بُور
Amb e borr
امب ءِ بُور باز ڈولدار انت ۔ امب فروری ءِ ماہ ءَ بُور کنگ ءَ بندات کنت چہ اپریل ءِ اول سرا چہ رند امبُک بیت ۔ ءُ جون ءِ گُڈ سرا امب پُہتہ بووگ بنا کنت ۔ بلوچستان امب ءِ رودینگ ءُ شرر بَر پر کنگ واستہ ہم تب انت ۔ بلے شرت ہمیش انت کہ امب ءَ را شرریں چاگرد دییگ بی بیت ۔ مکران ءِ گرمیں ھند ءُ دمگ امب ءِ رودینگ باز جوان انت ۔
|
|
foundation of a Baloch classic hut127 viewsکرگین ءِ بندات
Kargin e bendat
اے کرگینیں لوگ ءِ جوڑ کنگ ءِ بندات انت ۔ منگ مک کتگ انت ءُ تیر سرا داتگ ءُ کلندر سرا داتگ انت ۔ کرزبند کتگ ۔
|
|
Mangrove285 viewsTemir
تمر
تمر یک تیاب دپی درچکے ، کہ گیشتر ماں سوریں دریا ئے رودیت کہ اُودا آپ تلگ بہ بیت ڈل وُ ڈوُک مہ بیت بلکن لچ وُمین بہ بیت - تمر جنگل گیشتر آپ ء انت چمیشکا ماھیگ گیشتر تمر ے روُتگ، ہُنڈالانی کش وُگواراں ھیک دیینت - بُرزا دریاہی مُرگ چُک وُبر کن انت، دُگنیا ئے توکا درچک بازیں بلے تمر چاگرد بزاں ماحولیات باروا شرتریں درچک زانگ بیت - سُومیانی ء تمرانی ٹوہیں جنگلے آباد ے - مکرانے تیابدپاں باز جاہاں تمرے جنگل آباد انت - مارچ وُ اپریل ء تمر بُر بیت - بُرّے درگتا وشّیں بوہ کنت
|
|
Flower of Pomegranate174 viewsAnaar e Poll
انار ء پُل
انار ءِ اسل چہ کوہ ءِ کاپ ءِ ہند ءُ دمگ انت، بلے مرچی باندا تانسریں دُگنیا انارءِ کشت ءُ کشار است انت ، پنچ چہ ہشت میٹر ءِ کساس ءِ درچک انت ۔ سُہرین ڈولداریں پُل پر کنت ، انار ء بر ءِ توکا دو سد تا چاردہ سد آپلوکیں سپید، جمو ءُ سُہر گونگیں دانگ مان بیت کہ شرکن انت ۔ بلوچستان ءَ ہم بالادی ہند ءُ دمگاں انار ءِ کشت ءُ کشار کن انت
|
|
Anagallis Arvensis303 viewsPollako
پُلّکو بلوچستان ء گیشتر گلّہ و بانکلینکانی ڈگارانی توکا رودیت - گونڈیں ورّودیں کاہے باز ڈولداریں سبز و سُہریں پُل پر کنت - سُہرین ء [رڈ چک وّیڈ] گوشنت
|
|
Garlic190 viewsسِیرک
Serk
سِیرک پیمازے زاتیں یک سبزی ءِ ۔ ایشیا پہ نارُوشت ءِ وشتامی ءَ پہ مسالہ ءُ بزر ءِ جاگہ ءَ کارمرز کن انت ۔ سیرک ءَ پہ تہلگ ہم کار مرز کن انت ۔ اے میانی ایشیا ءَ شش ھزار سال انت کہ کارمرز بوّگا انت ۔ سیرک ءَ تُوم ہم گوش انت ۔ ایشیے تاک ءُ بُن دویں کارمرز بنت ۔ مرچاں دل ءِ بیماراں گیشتر سیرک کارمرز کنگ ءِ سکین ءَ دیینت ۔
|
|
Classic tray233 viewsPataal
پاتال
پاتال چہ پات گواپگ بیت چو تال ءِ وڑا پچ ءُ پراہ بیت ۔ اشیا گیشتر ترون ءِ سرا نان پچ انت ءُ سرے ایر کن انت ۔ کمے مستریں پاتال جوڑ کن انت ءُ دلوتانی دیم ءَ کاہ ءُ کدیم ایر کن انت ۔ اے ہم یک کوھنیں ربیدگی درپاں چی یک درپ ءِ ۔
|
|
Sedah Kor Jahow142 viewsSedah Kor Jahow
سیدہ کور جھاہو
بلوچستان ءِ کور، کوہ کور، شیپ ہورے وھداں دراہ رتکگیں ہورانی آپاں وتی دلبنداں جاگہ دیاں ءُ سوریں دریاءَ سر کن انت ۔ اگاں ما بچاریں ہمے کور انت چہ ھورا رند سبزسبز بنت ءُ چارگ کرز انت۔ ہمے کور مئے پس ءُ دلوتاں وراگ دیئنت ۔ بلوچانی زند گوں کوراں بندوک انت ۔ اگاں ماوتی کورانی کش ءُ گوراں بچاریں تو ما ہمے گندیں کہ مئے لوگ ءُ میتگ کورانی اے کپ آ کپ انت ۔ چونایا ایوکا بلوچ نہ انت بگندے تانسریں دگنیا ہم ہمے وڑا آباد ا نت ۔ کیچ کور کیل کور نہنگ بولان ایشانی چپ ءُ چاگرد ءَ میتگ آباد انت ۔ انساں چہ آپ ءَ بہانی بہ دور بوت نہ کنت
۔ چمیشکا تانسریں دگنیا ہمے وڑا وشیں آپانی دریا کشءُ گورا نیشتگ انت ۔ دریائے سندھ دریائے نیل دجلہ و فراط ہم ہمے وڈا آباد بوتگ انت ۔ بلوچستان ءَ وشیں دریا نیست بلے بلوچ وتی کورانی چپ ءُ چاگرد ءَ نشتگ انت ۔
اے سیدہ کور جھاہو
اکس ءِ منت واجہ جمیل احمد
|
|
|
|
Purslane50 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
