| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,815 times |
|
|
Watermelon134 viewsکوٹگ
Kottag
کوٹگ چہ کوٹگ ول ءَ پیداک بیت۔ ول زردیں پُل ہم پر کنت کہ ڈولدار انت ۔ پُل دو نمونگ انت ۔ یک ءِ نر انت ءُ دومی مادہ انت ۔ مادہ پُل دانگ بیت ۔ کوٹگ جونایا یک جنگلی ول بوتگ آئیے بنکی جاگہ نمبیانی افریکہ انت بزاں نمیبیا انت ۔ بلے کوٹگ ءِ کشار گیشتر ماں دریائے نیل کش ءُ گور بوتگ انت ۔ دوازدھمی فرعون ءِ قبر ءَ کوٹگ ءِ توم در گیجگ بوتگ ۔ بائیبل کوٹگ زکر است انت کہ بنی ازرائیل کہ وھدے مصر چہ سپر کنت گڈا آ کوٹگ ہم ورنت ۔ دھمی سدی ءَ چین ءَ سربوتگ کہ مرچی دگنائے مستریں کوٹگ پیداک کنوک انت ۔
|
|
Bread backer170 viewsپُرانی پچوک
Porani e pachok
پرانی ءِ پچگ آسان نہ انت چوشکہ پُرانی ءِ ورگ آسان انت ، بلوچان گوشتگ '' ہما کار ءُ ہما مرد '' اے مرد ہم پُرانی ءِ کوّاس ات، پُرانی ءِ آرت ءِ تر کنگ ءُ لیس دیئگ، واد پہ کساس مان کنگ ، پُرانی چنکیاس مزن یا کسان کنگ ، اے درستان یک کوّاس بزانت۔ اے مرد بالیچہ ءِ توک ءَ پہ پُرانی ءِ پچگ گلاہگ ءِ مُہتاج نہ انت۔
|
|
Barley field 240 viewsجَو ءِ ڈگار
Jav e dagar
اے جوے ڈگار ءِ بنداں پلپل ءُ کددو ءُ کوسیچ کیشتگ انت
|
|
Withania coagulans180 views
Panir Bad
پنیر باد
بنیرباد یک اسپیت چکیں کسانیں درچکے کہ گیشتر ماں کوہاں رودیت - کسانیں دانگ پر کنت - اے دانگاں دو سے زورنت او یک رودے ذگریں شیرانی تہا مان کن انت پنچ و دہ منٹے توکا شیر بدانت او پنیر بنت، چمیشکا اشیے نام پنیرباد انت بزان پنیراں بادینی - اے اکسے توکا آیے بر زاہر انت -'
|
|
Sedah Kor Jahow142 viewsSedah Kor Jahow
سیدہ کور جھاہو
بلوچستان ءِ کور، کوہ کور، شیپ ہورے وھداں دراہ رتکگیں ہورانی آپاں وتی دلبنداں جاگہ دیاں ءُ سوریں دریاءَ سر کن انت ۔ اگاں ما بچاریں ہمے کور انت چہ ھورا رند سبزسبز بنت ءُ چارگ کرز انت۔ ہمے کور مئے پس ءُ دلوتاں وراگ دیئنت ۔ بلوچانی زند گوں کوراں بندوک انت ۔ اگاں ماوتی کورانی کش ءُ گوراں بچاریں تو ما ہمے گندیں کہ مئے لوگ ءُ میتگ کورانی اے کپ آ کپ انت ۔ چونایا ایوکا بلوچ نہ انت بگندے تانسریں دگنیا ہم ہمے وڑا آباد ا نت ۔ کیچ کور کیل کور نہنگ بولان ایشانی چپ ءُ چاگرد ءَ میتگ آباد انت ۔ انساں چہ آپ ءَ بہانی بہ دور بوت نہ کنت
۔ چمیشکا تانسریں دگنیا ہمے وڑا وشیں آپانی دریا کشءُ گورا نیشتگ انت ۔ دریائے سندھ دریائے نیل دجلہ و فراط ہم ہمے وڈا آباد بوتگ انت ۔ بلوچستان ءَ وشیں دریا نیست بلے بلوچ وتی کورانی چپ ءُ چاگرد ءَ نشتگ انت ۔
اے سیدہ کور جھاہو
اکس ءِ منت واجہ جمیل احمد
|
|
Flamingo132 views
روسی او لانکڑی
Rosi or Lankadi
فلیمنگو ءَ بلوچی ءَ روسی اُو لانکڑی گوش انت ۔ بزاں چہ روس کیت ۔ بلے فلیمنگو چہ روس ءَ نہ ایت ۔ تانسریں دگنیا ءَ شش زات ءِ فلیمنگو است ۔ چار امریکہ ءُ لاطینی امریکہ ءِ افریکہ جہمنند انت ءُ دو یوروپ ءُ ایشیا نندوک انت ۔ اے یک آپی مُرگ ءِ اشیے ٹانگ باز دراج انت ۔ اے زمستان ءِ درگت ءَ بلوچستان ءِ تیاباں کیت انت ۔ گرماگ بندات بوّگ ءَ پدا واتر کنت ۔
|
|
Haloxylon salicornicum150 viewsکال
Kaal
کال ترات ءِ نمونگیں سورگیں ریمُک ءِ اے گیشتر ماں سورگیں ھند ءُ دمگاں رُدیت۔ اے رنگ ءُ دورشم چو ترات ءِ وڑا انت ءُ ترات ءِ وڑیں پُل پر کنت۔ بلے اے چہ ترات ءُ بُرزتر بیت، ءُ ترات چہ سبز تر بیت ، وھداں اشیے شاہ ءُ ما زرتگ انت ءُ میسک ءِ وڑا پُشک جوڑ کتگ انت ، رندا اے پُشک سوتکگ ءُ پُر جوڑ کتگ انت ،پُر مُشوکانی کلیا جوڑ بوتگ انت۔ بلے مرچاں چُن ءَ کارمرز کنگ ءَ انت ءُ کال ءَ کس دپی جست ءِ ہم نہ کنت
|
|
Shell135 viewsکرکینک
Karkaink
اے کرکینک ملیونانی سال کوہن انت ۔ پرچ کہ اے باتیل ءِ کوہ سرا دست کپتگ ۔ اے کرکینک وتی اسلی دروشُم ءَ نہ انت بلکن اے سنگ جوڑ بوتگ ۔ بزاں کہ ہما وھداں کہ دریا باتیل ءِ کوہ سربرا بوتگ ۔
|
|
|
|
Purslane50 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
