| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,816 times |
|
|
Pomegranate208 viewsAnaar e Danag
انار ء دانگ
انار ءِ اسل چہ کوہ ءِ کاپ ءِ ہند ءُ دمگ انت، بلے مرچی باندا تانسریں دُگنیا انارءِ کشت ءُ کشار است انت ، پنچ چہ ہشت میٹر ءِ کساس ءِ درچک انت ۔ سُہرین ڈولداریں پُل پر کنت ، انار ء بر ءِ توکا دو سد تا چاردہ سد آپلوکیں سپید، جمو ءُ سُہر گونگیں دانگ مان بیت کہ شرکن انت ۔ بلوچستان ءَ ہم بالادی ہند ءُ دمگاں انار ءِ کشت ءُ کشار کن انت
|
|
A kind of Date179 viewsبیگم جنگی
Begum jangi
بیگم جنگی مکران ءِ رژناہ ءُ تامدار تریں ناہ انت ، پہ کار ءُ بار ءَ ہم بیگم جنگی ءِ ناہ گیش چہ گیش بے ءُ شر بیت ۔ اے مچ ءَ اگاں تو پاک ءُ پلگار ءُ گور بکن ات ءُ اے باز ناہ دنت ۔ بیگم جنگی ناہ ءَ گیشتر ھُشک کن انت من انت ءُ پاتاں یا مرچاں پلاسٹکاں کن انت ءُ زمستان ءِ توشگ ءَ کار مرز کن انت ۔ بلے مرچاں ناہ ءَ شکر ءِ جاہ ءَ کارمرز کن انت بزاں کیک ءُ بسکوٹاں ہم ناہ پہ شرکنی کار مرز کن انت۔ بیگم جنگی ءِ پوگش باز تام دار انت ۔
|
|
230 viewsAasho
آشو
آشو کسانیں ماھیگ ءِ کہ گیشتر ماں دریائے مِلکپادیں ھند ءُ دمگاں گرد ات ۔اے نگرئی رنگ ءِ ماھیگ انت بلے دُمب ءِ کرّا سیاھیں ٹِک ءِ پر انت ۔
|
|
Cucumis melo146 viewsچبیٹوک
Chebittok
Chibit
چبٹ تیجگانی ذات ء گون سیادی کنت -چونایا چبٹ نہ کش انت بلے تیجگے توم ء کش انت تیجگے نزوریں و لاگریں توم رودنت و چبٹ پر کن انت - چبٹ چو تیجگ ء شیرکن و تامدار انت - بلے کسان انت - چبٹ وھدیکہ پُھتہ بیت گڈا وت چا ولّ ء سدیت جدا بیت - وھدیکہ سال آباد بہ بیت گڈا دشت ء چبٹ باز بیت - چمیشکہ نام کپتگ کہ دشتی چبٹ وار
|
|
Tamarix Athel177 viewsShinger Nalk ent
شنگر نالک انت
شنگر گزّ یک زات ے سُہریں پُل پر کنت کہ باز ڈولدار انت - اے گیشتر ماں کور او کیلگاں رودیت یا ہما جاہ کہ اودا آپ گیش بہ بیت - شنگرے داراں بُرّانت او شنک جوڈ کن انت - کرگینیں لوگ شگزّ او پلّا جوڈ کن انت
|
|
Tortol Breeding Point in Gwadar164 viewsکپیسی
Kapessi
اے گوادر کپیسی انت کہ ادا گیشتر کپیس بزان کسیپ کاہنت و چُک او بر کن انت چمیشکا اے جاگہ کپیسی نام ء سرا نام کپتگ - اے باتیل ء کوہ ء دیمی زر انت - اے اکس بازیں شرّیں وڈیا گرگ بوتگ کہ باز ڈولدار انت - اے وڈیں اکس باز کم دست کپ انت -۔
اکس ء منّت
ابو بکر بلوچ
|
|
Swallow and family 240 viewsپیپی پلستان
Pipi Plestan
پیپی پلستان کسانیں بالی مُرگ ءِ کہ گیشتر وتی وھد ءَ پہ بال گوازین ات ۔ بال ءِ درگت ءَ پاتو ءُ بالو گپت وارت۔ بلوچستان ءِ باز ھنداں ایشارا بابیل ہم گوش انت، چونایا بابیل عربی لبز ابابیل ءَ زورگ بوتگ ۔ اے مدام چہ انسان ءَ نزیک ءَ ترو گرد کنت۔ ہم اگاں موہ براسیت لوگانی توک ءَ کدو بند ات ءُ ھیک دنت۔
ادا لوگے تہا پیپی پلستان ءَ چُک کتگ ۔
|
|
Plantago boissier154 viewsدانیچک
Danichk
دانیچک یک کسانیں کاہ ات، بلے بلوچستان ءَ اشیے ٹوھیں ارزشت ءِ بوتگ ، دانیچک ءِ چنگ ءَ جننیناں سپت زُرتگ ءُ جنگل ءَ پہ دانیچک ءِ چنگ ءَ شتگ انت ۔ دانیچک زرتگ پنگ جوڑ کتگ انت ، بلے مرچاں آ پیشی وھد گوستگ انت ، نوں کس وتی سراں دانیچک نہ جنت ۔ چونایا دانیچک دوائے کہ لاپ ءِ بادینگ ءَ شر انت ۔
|
|
|
|
Purslane50 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
