| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,811 times |
|
|
Mosque231 viewsMasit
مسیت
مسیت جہان ءَ باز انت بلے بلوچانی وتی وس ءُ واکانی ءِ ردا اے مسیت پسنی ءِ تیاب دپ ءَ جوڑ کُتگ کہ ڈولدار گندگ بیت ۔ اے مسیت گریباں چہ تگرد ءُ دارانی مدت ءَ جوڑ کُتگ کہ آئیے پل چہ دام ہا ماھُور چہ جوڑ کُتگ ءُ بُرزا دو اسپیکر ہم منڈ اتگ ۔
|
|
Cassia130 viewsکاشیا
Cassia
اے کسانیں درچک کہ کسپنڈ ءِ رنگ ءُ دروشم ءَ انت۔ بلے چہ کسپنڈا تاک مستر انت ءُ پُل ہم مستر انت۔ اے دگہ مُلکان اشیارہ پُل ءِ لیک انت۔
اکس ءِ منت
زیندینی
|
|
Pomegranate241 viewsانار
Anaar
انار یک میوہ ات کہ گیشتر گرماگے ھلاسی او زمستان ء اول سرا پا ورگ ء جاڈی بیت - انار پُل او انارے گروہگ گیشتر بلوچ شاہراں پہ جنک ء شرّنگی ء تشبیح داتگ انت - بلوچستان انارے واستہ وش تبیں موسُم دنت - مکران ے برزی ھنداں بگر تاں سراوان تاں توران اے انارے ردوما باز جوانیں ھند و دمگ انت - انار سُہریں گروھگے توکا سُہریں شیرکنین او تُروپشیں دانگ مان - انار کہ گیش بنت گڈا ایشان تاپ کن انت او اناردانگ جوڈ کن انت - آیے پُوستا چہ بندگ او پژم رجنت - انار دلے نادراہ اے علاج انت -۔
|
|
Half Dried Tree198 viewsDar Garr
دارگرّ
دار گرّ ھما ٹوہیں درچکانی سرشاہ کہ ھُشک بنت - تاک رچنت او شاہ مک بنت - جنگل ء توکا کپوت او شاتُل گیشتر دارگرّیں درچکانی سرا نندیت او کو کو کن انت
|
|
Krochi Zamoran171 viewsکروچی ءِ میتگ
Korochi e metag
کروچی زامران ءِ کسانین میتگ ءِ ۔ اے اکس یمے کروچین مچّانی انت کہ اے جاگہ نام کپتگ ۔ ادا شیپ ءِ لمب ءَ یک کانی ءِ کہ شیپ ءِ آپ ءِ ھراب نکنگے واستہ سیمنٹ کتگ کہ چہ ڈول آپ کش انت۔
|
|
Grasshopper116 viewsگُرّی مدگ
Gorri Madag
گُرّی مدگ ہم یک کٹگ ء اے گیشترا میدان او کشارانی تہا دست کپیت - گُرّی مدگ ء جنگ او کُشک بلوچ شر نہ لیک انت - پرچا اے بی ھیریں او بے تاکیں کٹگ انت - اے مردما گندات بلے بال نہ کنت - اشیا مالوم بیت کہ اے ایوکیں کٹگ انت کہ انسان دوست انت - چمیشکا بلوچ گُرّی مدگ ء نہ جن انت او گار و گور نہ کن انت - او وتی چُکّاں مکن کن انت -۔
|
|
Rhazya stricta253 viewsEishirk
ایشرک
اے کسانین بوُٹگے کہ گیشتر ماں کوہ او کوراں رودیت - کسانیں اسپیتیں پُل ء پر کنت - کوسرک بیت - اے مدام پہ دوا کارمرز کتگ - اگاں مچّ کرما وارتگ گُڈا ایشرکے شاہ پروشتگ او مچّے گرکا داتگ - اگاں ماشیں دان پہ توم ایر کنگی بوتگ گڈا ایشرکے ھُشکیں تاک توکا ایر کتگ انت تنکہ وروکے ما وارتے - ۔
|
|
Zizyphus138 viewsکُنر
Konar
کُنر بلوچستان ء میوہ ء زانگ بیت - کنر ء بلوچ پہ شُوق ورانت - چمیشکا بلوچستان ء چُشیں باگے نیست کہ کُنر ء مان مہ بیت - کُنر باز زات انت - پنس، گڈّگی، بے گڈگ، مکئِ، او دگہ بازیں -
|
|
|
|
Purslane49 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko63 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
