Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,156 times |
|
Mustard120 viewsٹیل کاہ
Teelkah
ٹیل کاہ کسانیں کاہ ء - بلوچستان ء ٹیل کاہا چوشیں ھاسیں نیادی نیست - بلے چونایا ٹیل کاہا چہ زھریں ٹیل جوڈ کن انت او آیے دانگ ء چہ مسالہ جوڑ کن انت - ٹیل کاہ کشار کتگیں ڈگاراں رودیت آیے تاکاں چو سلاد ء وڈا ورانت ٹیل کاہ ڈولداریں پُل پر کنت
|
|
Cenchrus Ciliaris145 viewsسبر
Sibr
سبر ڈالیں کاہا ھساب کنگ بیت - پرچا کہ سبر مریت بلے آیے اُنڈال زیندگ بیت - اگاں ہر وھدا ہُور بہ بیت گُڈا دو یا سے روچے درگت ء سبر سبزاچک بیت - سبر ڈولداریں کاہے اُو ڈولداریں ہُوش ء پر کنت - اگاں پہ موسم ہور بُگوارنت گڈا سبر باز بُرز بیت - سبر دُراہیں کاہ واریں ساہ دارانِ دوستناکیں وراک انت
|
|
Cassia Italica166 viewsاے کسپنڈے کوسرکاں
Kaspend
کسپنڈ یک کسانیں بوٹگ ء گرماگی روچاں سر سبز شاداب بیت - ادا کسپنڈ کوسرک انت - کسپنڈے پُل زرد انت او ڈولدار انت - چونایا کسپنڈ ء پہ درمان کار مرز کن انت - انچو کسپنڈ درمان ات ہمے وڈا ڈولداریں پُل ات - کسپنڈ گیشتر ھُشکاوگیں ڈگاران یا ڈگارواں ءُ کوہاں رودیت -۔
|
|
Mint157 viewsپودنہ
Podna
پودنہ چہ پودینہ زورگ بوتگ ۔ اے بلوچستان ءِ بوٹگ نہ انت بلے مرچاں بلوچستان ءَ ہم دست کپیت ۔ چونایا اے گو پورچینک ءَ سیادی کنت ، بلے پورچینک ءِ تاک دراج انت ءُ پودنہ ءِ تاک گرد انت ۔ پورچینک ءِ تام ءُ بو تُرند تر انت ۔ پودنہ ءَ سیاہ چاہ ءَ مان کن انت ءُ پہ مسالہ نارُشت ءَ ہم کار مرز کن انت ۔
|
|
Cricket195 viewscherit
چریت
چریت ءِ باز زات انت ۔ چریت ءِ دراجی دو انچ انت ۔ چریت ءَ دو دراجیں کانٹ پر، پہ سٹّگ ءِ واستہ دو زنڈوکیں زرانک ءِ پر ۔ نریں چریت گیشتر ھاموشیں وھدا ساز جنت کہ کش و گورے مردماں کرّ کنت۔ آواز ءِ سک باز بُرز انت ۔ چریت لولوک ء بلے تاوان دیوک نہ انت ۔
|
|
Euphorbia hirta191 viewsShirago [Talo]
شیرگو [ ٹالو]۔
شیرگوے بلوچستان ء 3 زات است ، یکّے اُرتیں تاک پر کنت او زمین ء سرا پراہ روت ، دومی پتنیں تاک پر کنت او زمین ے سرا پتن بیت ، سیمی پتنیں تاک پر کنت بلے مکّ بیت - اشیا ٹالو گوشنت او ٹلّو ہم گوشنت - شیراگوے دراہیں زاتاں پس چرنت
|
|
Ocimum tenuifloru183 viewsکلمپُر
Kalampor
اے نازبوے تہریں یک نازبوے کہ بلوچی ءَ اشیا کلمپُر گوش انت ۔ چونایا کلمپُر دگہ چیزے کہ بزار ءَ بزاں مسالہ ءَ کار مرز بیت ۔ بلے اشیا ہم کلمپُر گوش انت ۔
|
|
Cotton is ready172 viewsKarpas e Pasl
کرپاس ء پسل
کرپاس ءِ پد یا نشان پنچ ہزار سال پیش چہ مسیح بلوچستان ءِ ہند مِہرگڈھ دست کپتگ انت ۔ تو تنیگا ہمے زانگ بیت کہ کرپاس بلوچانی کوہنیں پسل انت ۔ کرپاس سے تاں شش میٹر کساسیں درچک ءِ ۔ کچکپدے وڈیں تاک پر کنت زردیں ڈولداریں پُلّ ءِ پر کنت دانگ کہ پُہتہ ءُ ھُشک بیت چرایا چہ نرم او نازُورکیں پژم ءِ پیمیں پُکّی پر کنت ، کہ چرایا چہ بندیک جوڑ کن انت ءُ چہ بندیک ءَ چہ گُود ءُ جرّ ءُ دگہ بازین ءِ جوڑ کن انت
|
|
|
Astola Beach32 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|