| Category |
Albums |
Files |
|
10 |
2,243 |
|
| 2,243 files in 10 albums and 1 categories with 909 comments viewed 437,045 times |
|
|
Sorgham178 views
Zoratt
ذورت
زورت یک دھل ءِ ۔ گرماگ موسُم ءَ اشیا کِش انت ۔ زورت کدیمیں او کوھنیں کشار انت کہ دگنیا ھا کِش انت ءِ ۔ زورت ءِ نان جوڑ بیت او مرچی باندا کیک او دگہ بازیں وراکی چیز جوڑ کن انت - زورت ءِ کانڈیل کہ شرکن انت بلوچ ء ورانت بلے انڈیا او امریکہ زورت ء کانڈیل ءَ چہ جام جوڑ کن انت - دگنیا ء توکا گیشتر زورت امریکہ ، نائیجیریا او انڈیا ھا پیداک بیت ۔ بلوچستان ءَ زورت گیشتر ماں آزمان گندیں ڈگاراں کش انت ۔
|
|
471 viewsکسانیں شپانک
اے شپانک او آیے کستریں برات انت کہ وتی توشگے چادرے لمبا بستگ او بڈّا انت - اے اشانی وانے روچ انت - بلے چوش کہ بلوچستان وتی مستر وت نہ انت - ہمے سوب انت کہ گونڈانی باندات شپانک او مزّور انت
|
|
Euphorbia alluaudii185 viewsڈیڈار
Didar
ڈیڈار یک ٹوہیں درچکے - ڈیڈار کلیرے وڑیں درچکے - بلے ڈیڈار نہ پُل پر کنت ننکہ بر - اشیا گیشتر ڈگارانِ لمبا کش انت تنکہ ڈیڈار ڈگارانی پل ببیت - ڈیڈار درچک اسپیتیں بد بوہیں شیرگ دنت کہ گورے گداں پُولنگ کن انت - ڈیڈار چاریں موسماں سبز انت
|
|
Gouar . Cyamopsis tetragonolobus140 views
گوار
Gouar
گُوار یا گُوارُک یک دھل ء زانگ بیت - گوار کسانیں بوٹگے کہ چریشیا گوارے پسل تیار بیت - گوار اول سرا نازرکیں کوسرک پر کنت کہ پہ ناروشت ء کارمرز کن انتے - وھیکہ مزن او ھُشک بیت پہ دلوتاں کارمرز کن انت - اے گرماگی دھل ء اے چہ بُن ءَ افریکہ پیداک بوتگ بلے انوگیں وھدی گیشتر انڈیا ءُ پاکستان پیداک بیت ۔ بلوچ ہم ھزاراں سال پیش گوارکے کشاورزی کنگا انت -۔
|
|
Swallow129 viewsپیپی پلستان
Pipi plistan
پیپی پلستان کسانیں بالی مُرگ ءِ کہ گیشتر وتی وھد ءَ پہ بال گوازین ات ۔ بال ءِ درگت ءَ پاتو ءُ بالو گپت وارت۔ بلوچستان ءِ باز ھنداں ایشارا بابیل ہم گوش انت، چونایا بابیل عربی لبز ابابیل ءَ زورگ بوتگ ۔ اے مدام چہ انسان ءَ نزیک ءَ ترو گرد کنت۔ ہم اگاں موہ براسیت لوگانی توک ءَ کدو بند ات ءُ ھیک دنت۔
|
|
Danaus Gilippus Queen103 viewsGanji Ganjolan
گنجی گنجُلان
اے کرم بہارے ھلاسیے وھدا ودی بیت - چونایا پیملو ء ازلی دژمن انت، او پیملوے اجگیں دانگاں وارت - بلے یک ماہے درگتا گار و بیگواہ بیت، وہدے اے کرم کئیت، گڈا درُچکیں مُرگ پنکلگ ، کرکی، نریانچ، کُلی ہمے کرماں چن انت ورانت - چونایا اے کرم تاوان دیوک نہ انت - چارگا باز ڈولدار انت - چیا کہ باز رنگانی نکش و نگار انت -۔
|
|
Hedgehog 317 viewsDajok
داجوک
داجوک یک کسانیں شیری ساہ دار ے - بلوچستان ء پراہ و شاھگانیں ھند و دمگاں دست کپیت - دجوک چو سیکُن ء وڈین ساہدارے بلے جون او قدے کسان انت - داجوکے پُشتی نیمگ شپکیں کنٹگ انت - وھدے کہ رسترے اگاں آیے شکار کنگ بلوٹ ات گڈا وتی سر او پاداں یک جاہ ملونگ کنت وتارا ڈک کنت - انچو مالوم بیت کہ چپ چاگردا کنٹگ بیت او ہیر بیت گڈا رستر وارت نا کناں - اے شپکیں کُنٹگ آیے امان انت - کسانیں چُک دجوک ء لوہیگے آپاں تہا ایر کن انت - داجوک پوستا درکیت او اوژناگ کنت -۔
|
|
Mountaineer Baloch Kidds235 viewsکوہ نندیں بلوچ گونڈو
Kohnindin Baloch Gwando
بلوچستان ءَ شہرانی کم بوّگ ءِ چہ مرمانی نند و نیاد گیشتر کسان کسانیں میتگ ءُ کللگان انت ۔ اے اکس ہم پددر کنت کہ اے گونڈو کوہ جاہ منندیں انت ،
|
|
|
|
Centipede8 views
Swaso
سواسو یک دراجیں لولوک ءِ کہ گیشتر ماں ویرانیں جاگہاں موجود بیت ۔ ایشیے پانزدہ تاں ہبدہ جوتک پاد پر بیت ۔ دگنیائے مردماں گیشتر پادانی سرا نام پر کتگ چوش کہ فارسی ءَ ایشیارا '' ہزار پا '' گوش انت ۔ انگلیش ءَ ایشیارا ''سنٹی پیڈ '' بزاں سد پاد گوش انت ۔ بلے بلوچی ءَ اشیارا یک نام ءِ داتگ بزاں سواسو گوشتگ ۔Dec 25, 2024
|
|
Cordia subcordata64 viewsCordia
کورڑیا
اے یک پُل ءِ درچکے کہ افریکہ ایشیا ءُ اسٹرلیا اشیے بنکی جاگہ انت بلے مرچاں ھرجاہ است انت ، اے نز دہ میٹر بُرزیں درچک ءِ بیت یکیں وھد ءَ پُل پر کنت ءُ انجیرے وڑیں دانگ پر کنت کہ ورگ ءِ قابل نہ انت ۔ اے چو لیوارے وڑیں پتنیں تاک پر کنت اشیے پُل ءُ Dec 16, 2024
|
|
Tadpole shrimp58 viewsTokko o Zarak
اشیا تُکو ءُ زراک گوش انت اے وھدے کہ ہور بیت کنڈ آپ ءَ پُر بنت اے ہمے کنڈے آپانی تہا پیداک بنت بلے اے دگہ ملکاں برنجانی آپانی تہا پیداک بنت ۔ او ڈنی ملکاں اشاں دکاناں بہا زور انت ءُ وی پیشی ءُ مُرگاں وارین ان ت۔ اشیا آپی مدگ ہم گوش ان ت۔ بلے اے سوریں آپ ءَ پیداک نہ بیت اے وشیں ہورانی آپان پیداک بیت ۔
Dec 06, 2024
|
|
Unknown bush67 viewsNam che ant
اشیے نام چے انت
باز ڈولداریں بوٹگے بلے اشیے نام اگاں کسے زانت آ کومنٹ بکنت منت وار بیں ۔Nov 26, 2024
|
|
Tecoma 49 viewsٹکوما
اے یک زردیں ڈولداریں پُل ات Nov 14, 2024
|
|
Purslane93 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama127 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis66 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
