| Category |
Albums |
Files |
|
10 |
2,233 |
|
| 2,233 files in 10 albums and 1 categories with 901 comments viewed 434,159 times |
|
|
Barley (Hordeum vulgare L)169 viewsJov
جو
جو دھل ءِ ۔ بلوچستان جو کش انت پا دلوتانی واستہ کاہ کارمرز کن انت ۔ بلے دگنیا ءِ توک برنج ، گندیم ، مکئی ءَ چہ رند جو کشگ بیت ۔ مصر ءَ جوے نان باز لوٹ انت ۔ امریکہ او یورپ چہ جو ءَ شراب ءُ بئیر جوڈ کن انت ۔
|
|
Coconut205 viewsکوپڑا , نالگ
Kopada , Nalag
کوپڑا اے ھندے درچکے کہ اشیارا پہ مسالہ کارمرز کن انت ۔ مرچاں دگنیا چہ اشیے ٹیل ءَ پٹرول جوڑ کنگا انت ۔ بلے بلوچ اشیے ٹیل ءَ چہ وتی سراں چرپ کن انت او کپپو ءَ ورانت ۔ ھندے توکا کپپو ءَ درش انت نارُشتاں کارمرز کن انت او ٹیل ءَ چہ نارُشت ءُ سرا چرپ کن انت ۔ بلوچستان اے تیاب دپی ھنداں کوپڑا کش انت ۔ بلے ہمک مردم وتی زلورتانی کارمرز کنت ۔ اگاں کوپڈا ءِ باگ دشت ، نلینٹ ، کلمت ءِ ھند ءُ دمگاں جوڑ کنگ بہ بیت ننکہ بلوچستان ءِ کوپڑا ءِ زلورتان پیلہ کنت بلکیں کوپڑا برامد کُت کنت۔ بلے اے کارانی واستہ شرریں منسوبہ جوڑ کنگ لوٹ ات ۔
|
|
Cow166 viewsمادگ
Madag
گوک ءِ نرین ءَ کائیگر ءُ مادگین ءَ مادگ گوش انت ، اے مادگ ءِ کہ گیشتر چہ گیشتر شیر دنت ، بلوچستان ءَ کوگ ءَ باز اہمیت داتگ ۔ پرچا کہ چہ گوک ءَ ڈگار کشتگ انت ءُ بند بستگ انت ، لوگانی منگ ءُ تیر ہم چہ گوک ءَ لڈات ءُ آئورتگ انت۔ شیر ءُ روگن چہ گوک ءَ پیداک کتگ ءُ گوشت ہم وارتگ انت ، بلے مرچاں ٹکٹرانی آھگ ءَ کوکانی بستار کم بوتگ انت ، باز کم مردم گوک دار انت، بلے زمانگاں ھرکس ءَ گوک وتی لوگ ءِ دپاں داشتگ انت ۔
|
|
Slender Queen Fish196 viewsSaarm Kichchan
سارم کیچّان
سارم یا سارُم ءِ سے زات انت ۔ یکے آلاڈی ، دومی گزدانی ، ءُ سہمی کیچّانی انت ۔ زرد ءُ سُرمگ رنگیں ماھیگ ات ۔ بلوچستان بندناں دست کپییت ۔ بلے گیشتر مردم سارم واد پر کنت ءُ پہکیں ماھیگ جوڑ کنت کہ باز تام دار بیت ۔
|
|
Indian Spinach143 viewsپالک
Palik
پالک بلوچستان ء کاہُک نہ انت بلے مرچاں پالک بلوچستان کش انت او کاروبار ہم کن انت - پالک ء نارُشت باز تامدار بیت .
|
|
House crow148 viewsکانگی
Kangi
کانگی گراگ ءِ زاتیں بالی مُرگ ءِ بلے اے گراگ ءَ ہما دیم انت ، کانگی بلوچستان ءِ مُرگ نہ انت بلے اے ھندے مُرگ انت ، او گوشنت کہ اے مہاجرانی نشانی انت ، ہرجا مہاجر روانت اے مُرگ ءِ گون انت ۔ اے یک سللیں مُرگ ءِ کہ دگہ مُرگاں وتی ھند ءَ نیلیت ، آہانی ھیکاں وارت آہاں مجبور کنت کہ جاہ ءَیل بدی انت ، وھدے گودارے زمین مہاجراں بہا زُرت انت انچو گوادرا ءَ اے مُرگانی آھگ بندات بوت مرچی گودر ءَ ترا دگہ ھچ مُرگ دست نہ کپیت۔ درست تاچینتگ انت ۔ انچو کہ کراچی ءَ سندھی ءُ بلوچ، ممکن انت کہ گوادر ہم ھنچوش بہ بیت ۔ بلے ھُدا مکنت۔
کانگی تبسرہ چیرا جاہ دیان بچار ات
منت
|
|
Indian flying fox. Bat139 viewsشپچر، شپگواچ، چپچل
Shapchar, Shapgowaach, Chapchal
اے بلاھیں ٹوھیں چپچرے گیشتر سندھ ءُ بلوچستان کوہ سلیمان دمگاں است انت ۔ شپچر بالی مرگے نہ انت بگندے اے بالی جانورے ۔ بلوچستان گیشتر کوہاں ءُ شہراں کہنانی پُشتیک ء وپس انت ۔ اے روچ ء تانسرین ءَ واب انت بلے شپ ءِ پہ لاپ شوھاز ءِ تچ انت ۔ اے گیشتر نیوگاں پانگ انت ۔
Pic by Salman Baloch
|
|
Grapes78 viewsAngoor
انگور
بلوچستان ءَ انگورے درچک کش انت ءُ ایشانی ثمراں بہا کن انت ۔ بلے انگورے کش اگ تنیگا نزان انت ۔ اے انگورے درچک انت من کشتگ ءُ من اشیا زمین ءِ سرا نہ واپینتگ بگندے من اشیا مک کتگ بزاں ہوشتارینتگ ۔ انگورے درچکان اگاں تو چو ول ءِ وڑا واپین ءِ تاں اے شر بر پر نہ کن انت ۔ اشاں تو چو ایدگہ درچکانی وڑا مک بکن بزاں ہامودے وڑا تچک ءُ شش چہ دہ فُٹ بہ گڈ ات تنکہ ہما جاہ شاہ لمب بہ بیت ۔ دگہ آئی کنٹ بزاں ماتیں دار ءَ ہچ وڑیں جمل جنگ مئییل ات ۔ اے وھدے کہ برز بیت ءُ شاہ ءُ جمل یک ءُ دو فُٹ اندرا بہ بنت ۔ پنچ چہ دہ شاہ ءَ گیشتر مہ بنت ۔ وھدیکہ انگور شاہ ءُ لمب بیت ہمک سال فروری ءِ گڈسرا ااشیے شاہ بہ چن بزاں شاھاں گوڈ ۔ بلے نوکیں شاہ جنت نوکیں شاھانی ہمرائیا آ بور ءُ بر بزاں سمر پر کنت ۔
|
|
|
|
Astola Beach34 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|
