| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,816 times |
|
|
Strawberry182 viewsاسٹرا بیری
Strawberry
اسٹرا بیری اٹلی ءِ جنگلی میوہ ات ۔ اشیے اولی باگ فرانس ءَ 18 ہمی قرن ءَ جوڑ کتگ۔ بلے چریشیا پیش 14 ہمی قرن ءَ فرانس ءِ بادشاہ چارلس پنچمی ءَ اولی رند ءَ اسٹرا بیری وتی محل ءِ باگ کشتگ ۔ مرچاں ہمک جاہاں اشیارا کش انت بلے انگتہ بلوچستان ءَ اے کشگ نہ بوّگ انت ۔ اسٹرا بیری کسانیں کاہ ءِ کہ ڈولداریں اسپیتیں پُل ءِ پر کنت ءُ ہمے وڑا سُہریں بر پر کنت ۔ اشیے بر باز تام دار انت ۔ اے اسٹرا بیری ءِ درچک انت ۔
|
|
Palm Saw 287 viewsداس
Daas
اے داس ایوکا پہ مچ ءِ لٹ ءُ کلمپوگ ءِ بُرّگا کار بند انت۔ مُمکن انت کہ دگہ جاہ ءَ شکرکانڈیل بُرّانت۔
|
|
Mango is Blooming178 viewsامب ءِ بُور
Amb e borr
امب ءِ بُور باز ڈولدار انت ۔ امب فروری ءِ ماہ ءَ بُور کنگ ءَ بندات کنت چہ اپریل ءِ اول سرا چہ رند امبُک بیت ۔ ءُ جون ءِ گُڈ سرا امب پُہتہ بووگ بنا کنت ۔ بلوچستان امب ءِ رودینگ ءُ شرر بَر پر کنگ واستہ ہم تب انت ۔ بلے شرت ہمیش انت کہ امب ءَ را شرریں چاگرد دییگ بی بیت ۔ مکران ءِ گرمیں ھند ءُ دمگ امب ءِ رودینگ باز جوان انت ۔
|
|
Melon292 viewsTejag
تیجگ
تیجگ ولّ ء چہ تیجگ پر بیت - تیجگے ولّ زمین ء سرا پراہ روت، زردیں ڈولداریں پُل ء پر کنت بے ولّے ہمک پُل بر نہ بنت - وھدیکہ بر کسان بیت گڈا کرٹ ء گوشنت ، کمّے مستر بیت گڈا لوُش ء گوشنت، لوش ء رند تیجگ بیت وھدیکہ تیجگ بیت بزان پہ ورگاجاڑی انت -۔
|
|
196 viewsKarag kowaapag
کرگ کُواپگ
وشیں کرگ
اے کرگ یک ٹوہیں درچکے او ساہگ دارے اشیا پتنیں تاک او شہ شنابیں شاہ پر کنت - اے گیشتر دریابارے ہند و دماگاں رودیت چوش کہ تیس، بریس نگورشریف او بازیں ہنداں - اشیے دانگ چو ینجیر نمونگیں بلے کستر انت او شرکن و تامدار انت - اے درچک چو بڑے نمونگیں درچکے بلے بڑے دانگ وش نہ انت
|
|
A Bunch of House Sparow221 viewsRam e Jengol
رم ء جنگل
جنگُلاں اگاں نندگے واستہ دارگرّیں درچکے براسیت گڈا دگہ جنگُلاں چہ لوٹ ات ۔ اے درچکے سرا سد دانگ مُرگا چہ گیش نیشتگ او اے اکسے توکا پنجاہ ء کساس جنگُل گندگ بنت ۔
|
|
Tamarix dioca183 viewsکنگ گز
Kang Gazz
گزّ ءِ یک زات ءِ کہ چہ شنگرءَ چہ بُرز تر بیت ۔ ءُ مزن تر بیت ، کنگ گزّ ءِ شرّیں او ڈولداریں گلابیئین پُل پر کنت کہ تود ءِ برے وڈا انت۔ اگاں تو شرّ بچارے انچو سما بیت کہ مُہرگ کماتگ انت۔
Picture By Jassim Freed
|
|
Snouted Grasshopper247 viewsبیبی فاطمہ ءِ اپس
Bibi Fatoma e Aps
اے یک ٹوہیں کٹگ ِ کیچ ءَ اشیارا بیبی فاظمہ ءِ اہس گوش انت۔ بلے بازجاہان اشیارا دگہ ناماں توار کن انت چوش کہ ''ملا مدگ '' اُشتری مَدگ'' زھم جن '' بگ ''۔ اے باز ڈولدار انت ءُ اشیے دو نمونگ بلوچستان ءَ است ۔ یک ءِ گندیم انت ءُ دومی سبز انت ۔
|
|
|
|
Purslane50 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
