Category |
Albums |
Files |
|
10 |
2,233 |
|
2,233 files in 10 albums and 1 categories with 901 comments viewed 434,157 times |
|
Alfalfa, Medicago sativaa160 viewsاِسپوست
Espost
اِسپوست کسانیں کاہے کہ کد ءِ 3 فٹ بوت کنت ۔ اسپوست رُدگ ءَ باز دیر کنت، بلے اولی رند ءَ رُونگ ءَ رند پدا زوت رودیت ۔ چین ءَ 1500 سال پیشتر اسپوست پہ تہلگ کار مرز کتگ ۔ اسپوست چاز سال ءَ بگر تاں ہشت سال ءَ کاہ دنت ، بلے اگاں اسپوست ءَ جاگہ وش بہ بیت ءُ ءُ بیست سال ہم زندگ بوت کنت ۔ اسپوست ءَ باز زات انت بلوچستان ءَ جموں رنگ ءِ پُل ءِ اسپوست کارمرز کن انت بلے دریں ملکاں زرد پُل ءپ گلابی پُل ءُ دگہ بازیں زات ءِ اسپوست است ۔ اسپوست ہما کاہ انت کہ اشیا دُراہیں دلوت ورانت ءِ ۔ اسپوست ہما کاہ انت کے دگنیائے چاریں کُنڈاں کِشگ بیت ۔
|
|
Wooden bat259 viewsلوتار
Lotaar
لوتار یک ساپیں جوڑ کتگیں دارے کہ یک نیمگ ءِ بارگ ءُ دومی نیمگ زنڈ تر انت ۔ بارگیں نیمگ ءَ دست ءِ گرگ ءِ جاگہ انت ۔ اے بلوچستان ءَ ایوک ءَ تیاب ءِ ھنداں کار مرز بیت۔ جانشو وھدے کہ شکار ءَ روانت آھان دو چیز وتی ہمراہی ءَ زیرانت گوں یک ءِ ماھور انت دومی لوتار انت ۔ ماھور ءَ چے ماھیگ گرانت ءُ ٹوہیں ماھیگ چہ ماھور ءَ درکنگ نہ بنت تو لوتار ءَ زورنت ءُ ماھیگانی سر ءَ جن انت ءُ ماھیگ چہ سٹ ءُ دور ءَ کپ انت ءنوں چہ ماھور ءَ گیشین انت ءِ بزان درکن انت ۔ بلوچستان ءَ لوتار ماھیگانی کوشگ ءَ کارمرز بیت ۔
|
|
Cricket195 viewscherit
چریت
چریت ءِ باز زات انت ۔ چریت ءِ دراجی دو انچ انت ۔ چریت ءَ دو دراجیں کانٹ پر، پہ سٹّگ ءِ واستہ دو زنڈوکیں زرانک ءِ پر ۔ نریں چریت گیشتر ھاموشیں وھدا ساز جنت کہ کش و گورے مردماں کرّ کنت۔ آواز ءِ سک باز بُرز انت ۔ چریت لولوک ء بلے تاوان دیوک نہ انت ۔
|
|
Butterfly172 viewsمُلاھوک
Mollahok
پاتو بلوچستان دست کپیت اے گیشتر کشارانی تہا گردیت اے باز ڈولدار انت اشیے بانزُل سیاہ او آزمانی رنگانی نقش انت - چمیشکا اے مُلاھُکا یا پاتو ا سبزیں آزمانی ملاھُک گوش انت -
|
|
Baloch classical tool246 viewsمیتین یا مُبنگ
Maitin ya Mobang
میتین چہ آسن ءَ جوڑ کتگیں یک بلوچی اوزار ءِ ۔ پنجگ ءِ پُرّیں دراجیں آسن ءِ کد ءِ پنج تا شش فٹ ءُ دراج انت ۔ اشیے یک نیمگ ءِ سرا پتن کن انت ءُ دومی نیمگ ءَ تُسک کن انت بلے باز جاہ ءَ دویں سرا پتن ءُ تیز کن انت ۔ اشیے گیشتر مچ ءِ درکنگ ءُ یک جاہ چہ دومی جاہ کشگ کار مرز کن انت ۔ اے مچ ءِ کنٹ ءَ تل کنگ ءَ ہم کارمرز کن انت ۔ چاہ ءُ ترون ءِ جنگ ء کارمرز کن انت ۔
|
|
191 viewsسینّو
Senno
سینّو سارم ءِ زات ءِ ماھیگ ءَ اے چہ سارم ءَ کم ءِ کستر انت ءُ ورگ ءَ تامدار تر انت۔
|
|
Squirrel148 views
Erdik
اردک
اردک یک کسانیں ھیوان ءِ ۔ اے گیشتر درچکانی سرا وتی میتگ جوڈ کنت ۔ او کشارءِ تاوان دنت ۔ اردگ باز ڈولدار انت سیاہ او اسپیتں رنگاں چہ رتکگ۔ بلوچاں گوشتگ کہ اردک ءَ ھڈ مان نیست ۔ پرچا کہ ٹوہیں مچّانی سرا دور کنت بلے پرواہ ءِ نہ بیت ۔ بلے چو نہ انت اردک وھدے دور کنت وتی دُمب ءَ پراہ کنت دُمب آیا چو پیراشوٹ ءِ وڈا زمین ءَ کاریت ۔ چمیشکا درد نہ بیت
Photo by M.A. Talpur
|
|
Potronk109 views
Potronk
پُترونک
پترونک یک شرّین ءُ زیب داریں کاہ ئے ،،اے کاہ ءِ موسم بہارے موسم اِنت ۔ ھور سالی ءَ کہ بھار میچے ھور بنت ، گُڈا ھما دمگاں کہ مدام ،،پُترونک ،،بیت ، گُڈا ھمے جاہاں پُترونک رودیت ۔پترونکے دگہ یک شرّی ئے اش اِنت کہ اشہ بُن ھچ نہ مریت، پُترونکے بُن چو کسانیں شلغم ءِ بُنڈ ءَ اِنت ، بلے پُترونک ءِ بُنڈے پوست سیاہ اِنت ،پترونکے بُنڈءَ اگہ کسے در بکنت ، یک جاھے بکشیت دومی سالءَ ھمے بُنڈ پدا تاک بیت ،، پترونک بس چار ءُ پنچ تاک جنت ، سک وشءُ تامدار اِنت ، یک مردمے پترونکے کم چہ کم کیلوئے ءِ اندازہءَ وارت کنت ، پترونک زیادہ چہ زیادہ 15 روچ سبز بیت ، پدا گلّونٹ جنت ، چہ گلّونٹ ءَ پد زرد پُلّ بیت ، پترونکے پُلّ سک زیبدار اِنت ،ءُ سکّیں وشبوئیں پّلّے ،چار ءُ پنچ روچءَ رند پُلّ گیمریت ءُ ھمے پُلّے تہے براں گوات بارت ، پدا دگہ سالے ءَ ھمے بر ھم رُدنت ۔پترونک زیادہ بلوچستان ءِ لہتیں دمگاں بیت ، ۔ پنجگور زیاد بیت ۔ پروم نگور کاٹگری پلنتاک زعمران بلیدہ واشُک دگہ باز ھنداں پترونک بیت ،
چمشانک ءِ مننت ۔۔ واجہ ساچان بلوچ
|
|
|
Astola Beach32 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot117 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko43 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
Solanum nigrum79 viewsLillan balok
لیلاں بلوک ادا بر انت
لیلاں بلوک بہار کاہے - بلوچستان ء دو نمونگیں لیلاں بلوک رودیت یکے زردیں دانگ پر کنت او دومی سیاہیں دانگ پر کنت - اے سیہ دانگ انت - لیلان بلوکے دانگ شرکن انت اشیا مردم ورنت او مُرگ ہم ورنت
ادا ترا لیلاں بلُک ءِ پُل کٹیکیں بر ءُ پُہتہیں بر گندگ بنت ۔ Aug 17, 2024
|
|
Baloch women95 viewsBaloch Janeen
بلوچ جنین اڑ ءُ جنجال سک باز انت بزاں لوگے سمبالگ، لوگے روپک ءُ ساپ کنگ، یک روچے سے وھد ءَ ورگ جوڑ کنگ چکانی ھیال دارگ ءُ دگہ بازیں اڑ ءُ جنجالانی آماچ ان ت۔Aug 03, 2024
|
|
Sandfish, Scincus mitranus116 views
Rogin reis
روگن ریس یک ڈولداریں سہدار ءِ ۔ اے ریک ءُ پُلک ءِ تہا ٹپ ات ءُ کسانیں لولوکاں گپت ءُ نک جنت ۔ اے یک تاوان دیوک ءِ نہ انت ۔ یک دوستناکیں ساہ دار ءِ
سہارا ریگستان بزاں افریکہ ءَ اشیا ریکانی تہا چے گر انت ءُ پچ انت ءُ نوش جان کن انت ۔ برے برے نیادی ءَ بہا کن انت ۔Aug 02, 2024
|
|
Tephrosia apollinea74 viewsMatkinok
ماتکینُک
اے یک کسانیں بوُٹگے کہ ریکپادیں او ڈل دیمیں ہنداں رودیت - اے چو مٹر ء وڈین پُل او کوسرک پر کنت - اے اکسے توکا آئے کوسرک زاہر انت - اشیے دانگانی چینگ و ورگا سیسیگ گورداگ لکّرگ کبگ شاتُل او کپوت کاھنت
چونائیا اے افریکہ بگر چہ اربانی ملکُ ایران بلوچستان ءُ انڈیائے ھند ءُ دمگاں گیشتر پیداک بیت انچو گوش انت کہ پہ پسانی واستہ شریں کاہ ءِ نہ انت بلے اشیا چونائیا کُلگ، گوشانی درد، پونزے بند بوگ، ٹپ ءُ ٹوری بوگ ءُ ہڈانی پروش ءَ کارمرز کن انت ۔ چونائیا اے یک دوا درمان کار مرز کنگ بیت Jul 24, 2024
|
|
Capparis spinosa101 viewsKarago
کراگو کسانیں درچکے بلے چُو ولّ ء وڈا زمین ء سرا پراہ روت - اے زمستان ء درگت ء ماں ڈگارواں اُو سرکگ ڈنّاں رُودیت - بلے تانسریں گرماگ ء سبزاچک بیت - اسپیتیں پُل ء پر کنت اُو کسانیں دانگ پر کنت اشیا دلوت نہ ورانت پرچا کہ زھریں تام کنت -Jul 13, 2024
|
|