| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,816 times |
|
|
Sticky gum fruit92 viewsLiwaar
لیوّار
لیوّار یک نیبگ ء بزاں میوہ - بلے تام انچو وش نہ انت مردُم ا شیے چشگ ء گمان بہ بیت - لیوّار وھدے پُہتہ بیت زرد ترّیت - ورگ ء لپچ انت - ما کسانی ء لیوار ء چہ کتابانی پُوش لچّینتگ انت ادا لیوار نوک پُل انت ۔
|
|
125 viewsبُل بوٹگ
Bol botag
اے یک گنبدیںکاہ ء - گیشتر ڈلدیمیں ہند و دمگاں رودیت - اشیا تاک پر نیست بلکن تاک ء شپکیں کنٹگ انت - ہور و ہرگے وھدا اے کاہا دلوت چرانت - بلے دگہ وھدا تروند بیت و بوہ ء نہ وش انت پمیشکا دلوت نہ چرانتے-
|
|
Nightjar148 viewsParramok
پرّاموک یک بالی مُرگ ءِ کہ گیشتر ماں شپاں گردیت ، اے چریت، میزوک ، کڑوک، ملاھوک پرّگ گپیت ءُ وارت۔ اے مُرگ ءِ بانزل دراج انت، بلے پادگ ءِ باز کسان انت، اے ھروھدا ءَ ڈن ءِ سرا ھیک دنت۔ چو پیشی ءِ وڑا وتی چوکاں چہ یک جاہ ءِ چہ دومی جاہ بارت کہ کسے آئیے چکاں تاوان مہ دانت ۔
|
|
Baloch classical tool246 viewsمیتین یا مُبنگ
Maitin ya Mobang
میتین چہ آسن ءَ جوڑ کتگیں یک بلوچی اوزار ءِ ۔ پنجگ ءِ پُرّیں دراجیں آسن ءِ کد ءِ پنج تا شش فٹ ءُ دراج انت ۔ اشیے یک نیمگ ءِ سرا پتن کن انت ءُ دومی نیمگ ءَ تُسک کن انت بلے باز جاہ ءَ دویں سرا پتن ءُ تیز کن انت ۔ اشیے گیشتر مچ ءِ درکنگ ءُ یک جاہ چہ دومی جاہ کشگ کار مرز کن انت ۔ اے مچ ءِ کنٹ ءَ تل کنگ ءَ ہم کارمرز کن انت ۔ چاہ ءُ ترون ءِ جنگ ء کارمرز کن انت ۔
|
|
Boerhavia elegans164 viewsتولگ روم
Tolag rom
تولگ روم کسانیں بوٹگ ات کہ گیشتر ڈلپادیں او کوہاں رودیت ۔ کسانیں دراجیکیں تاک پر کنت ۔ اے سُہر رنگیں شاہ پر کنت او نازورکیں پُل جنت ، اے گرماگ ءِ اول سرا ھُشک تر ات دست پر کنے پروشیت ءُ بُریت ۔ اے باز نازُرک انت
|
|
Petty Spurge257 viewsZahrichk
زھریچک
اے یک کسانیں کاہے گیشتر ماں زمستانء ڈگارانی توکا رودیت - اشیا پا گیشتر کاہا کارمرش کن انت - بلے اگاں تو ھیال گور مکنے زھریچکے شیرگ چمّانی واستا شر نا انت - چمیشکا زھرچکے چینگا رند دستاں شود یت تنکہ تاوان مہ دنت -۔
|
|
.Spotted flycatcher194 viewsسیچُک
Sechchok
سیچُک کسانیں بالی مرگ ، روچ ایر شتی ایشیا ءُ یوروپ ءِ جہمنندیں مُرگ ءِ بلے زمستان ءَ وتی جاگہ ءَ بدل کنت ءُ افریکہ روچ دراتکی ایشیا ءَ پناہ زوریت، اے پچییں درچکانی ءُ دیوالانی سرا کدو بند ایت ءُ چار چہ شش دانت ایک دنت ، اے گیشر کرم ءُ کٹگ ءُ بالواں چہ وتی لاپ ءَ درگیج ات۔ اے یک جاہ کہ عادت کنت مدام ہمے یکیں چاہ ءَ نند انت ءُ شکار کنت، بلوچ اشیارا شکارجاہ گوش انت ۔ اے وھدے زمانگ ءَ بلوچاں بٹ ءِ سرا سیچُک گیپتگ انت۔
|
|
Launaea angustifolia155 viewsکوہی چژیک
Kohi Chazheek
|
|
|
|
Purslane50 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
