| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,816 times |
|
|
Balochi Hut370 viewsKargin ya kolandari
کرگین یا کُلندری
بلوچستان ء چُشیں ھند و جاہ باز انت مہلونک انگتہ کرگینیں لوگانی تہا نشتگ انت - اے یک تہریے لوگ انت - گرماگے موسُم ء ہوا دار او سرد انت بلے زمستان ء ہم سرد بیت کرگین ء کشے لوگ ھرپُشت ء کہ آیے دیما بروک ء -۔
|
|
Moringa Oleifera166 viewsسجنا
Sajna
سجنا ھندے درچک ات بلے مرچاں بلوچستان ءَ دان دانگے گندگ بیت ۔ اے داسپیتیں پُل پر کنت کہ باز زیبا انت ۔ پُلاں چہ پد چو کہیرے وڑا شنگر بیت ، شنگراں چو سبزی وڑا کار مرز کن انت ۔ ڈال ءِ توک ءَ ہم مان کن انت کہ ڈال باز تامدار بنت ۔
|
|
Honey219 viewsبینگ
Binag
بینگ مکسک اے دُنیا ءُ جھان ءِ تپاک تر ءُ سائنٹیفک ساھداری۔۔۔۔۔۔۔۔۔۔۔۔۔۔۔۔۔۔۔۔
ترکمن سائنسدان ھارون تحییٰ گُشیت اے مکمل تپاکاں، بس یک بادشاھی ءِ پابنداں ،۔۔
بینگ ءِ مکسک ءَ ما سطحی چاریں، بلے ایشی ءِ رھبند ءِ بازیں سائنسی تل ءُ پیچ است اَنت۔۔
۔1 اے وتی ڈگنُک ءِ ٹُنگاں شش تکونی جوڑ کنت، چر ایشی ءَ ایشی ڈگنک جاہ کم گیپت ءُ شیرگ باز داریت۔ او باز مُھکم بیت۔ سائنسداناں بلاھیں بُرزیں ماڑیانی مِک کنگ ءَ چہ ھمیشی ءَ رھبری ھم زُرتگ۔ بزاں شش تکونی ماڑی باز مھکم بیت ءُ جاہ ھم کم گیپت۔
۔ 2اے گرماگ ءِ وھد ءَ وتی بانزلاں ائیر کنڈیشن ءِ کار ءَ گیپت، چر ایشی ءَ گرماگ ءِ سوچوکیں لوار ءَ ایشی ءِ ڈگنک رک ایت ءُ نہ کپیت۔۔۔۔
۔ 3اے وتی بینگ ءِ مُک ءِ ٹنگانی دپ ءَ یک انچیں کیمیکلے چہ پُل ءَ کشیت ءُ ایر کنت کہ ایشی ءِ بینگ ءِ ٹنگ ءِ دپ جھلیں بلے انگت شیرگ نہ رِچ اَنت۔۔۔۔۔
۔4 اے روچ ءِ رُژن ءَ وتی سمت ءَ گیشینت کنت ءُ گوات ءِ شیکاں چہ دومی مکسک ءَ ھال دات کن
منّت واجہ شپ چراگ
|
|
Earth worm144 viewsKerm
کرم
کرم ءِ باز زات است انت ۔ بلے اے گیشتر کشار کتگیں ڈگارانی توک ءَ پیدا ک بیت ۔ بزاں اے نمبگیں جاہاں زمیں توک ءَ وتی زند ءَ گوازین ات۔ بلے پہ کشار ءَ باز سود مند انت چیا کہ اے زمین ءِ توک ء ترات ءُ زمین ءَ وش کنت ۔ مئے ھنداں اے کرماں گرانت ءُ کورماھیگ شکار کن انت ۔
|
|
Hyena218 viewsہپتار
Haptar
ہپتار بلوچستان ءَ زمانگ ءَ باز بوتگ بلے مرچاں باز کم انت ءُ لہتیں جاگہاں است انت ۔ ہمک جاگہاں نیست انت ۔ اے چونایا یوروپ ءُ ایشیا جنگلاں باز انت ۔ افریکہ ہم باز است اے کچک ءِ زاتیں رستر ءِ ۔ گوش انت کہ مکران ءَ اشیا ھر باز وارتگ انت ۔ ھر ءُ ہپتارے کسّہ ہم باز انت
|
|
Gordirr119 views
گوردر
Gordirr
گوردر یک تہلگ ءِ زانگ بیت۔ کسانیں درچک گوں اسپیتیں پُلاں باز ڈولدار انت۔ گوردر ءِ تاکاں ، براں ، کنٹگان ءُ داراں یک جاہ کن انت۔ آپاں مین انت ءُ پالا انت ءُ آپاں تنگ انت۔ گوردر ءِ آپ باز تہل انت، بلے پہ جوڑانی درداں ، شکر ءِ بیماری ءُ کبزے واستہ کار مرز کن انت ۔
|
|
Ostrich253 viewsاُشتر مُرگ
Hoshter morg
ھُشتر مُرگ افریکہ مُرگ انت - منی ھیال ء بلوچستان نیست انت- بوت کنت کہ یک زرداریا وتی باگ داشتگ ۔ ھُشتر مُرگ ٹوہیں مُرگے کہ مرچاں دگنیائے چاریں کُنڈاں شنگ انت ۔ یک سلامتیں ھُشتر مُرگے وزن 63 بگر تاں 130 کیلوگرام بیت او 70 کیلومیٹر پہ یک سہت ء سپر کنت - 6 تاں 9 فُٹ اشیے بُرزی انت ۔
|
|
Typha angustifolia211 viewsKoll
کُل
کُل چونایا کاہ ءِ ۔ اے گیشتر کوراں ہما جاگہ رودیت کہ اودا لچ ءُ مین باز بہ بیت ۔ نہنگ ءَ وھدے زمانگ ءَ کل باز بوتگ او کُلانی توک ءَ لدی ءُ دگر رستراں جاگہ کُتگ ، بلے مرچی باندا کم انت نوں میرانی ڈیم ءَ چہ باز جاگہ کُل رستگ ۔ بلوچاں کُل روتگ او سر ءُ بُن کتگ انت او وتی لوگانی سرا داتگ انت کہ ھور مریچ انت ۔ بلے درمُلک ء مردم کُل ءپُل ءِ دار کہ ترند انت زرتگ او سپت او ٹوکری جوڈ کتگ کُرشی ءُ ٹیبل جوڈ کوتگ بلے بلوچ تنیگا انچو نزان انت ۔
|
|
|
|
Purslane50 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
