| Category |
Albums |
Files |
|
10 |
2,238 |
|
| 2,238 files in 10 albums and 1 categories with 905 comments viewed 435,818 times |
|
|
A view of Baloch Living284 viewsBaloch Metag
بلوچ میتگ
ہر یک قومیے دیم رئی آیے نندونیاد او پُچ و پوشاک او وردن ء چہ زانگ بیت کہ اے قوم ء اے دگنیائے توکا چنکیاس دیمرئی کُتگ - بلوچسان گیشتر ھند و دمگاں ہمے وڈیں بے ھساب ء لوگ او میتگ دست کپاں - چیشیا مالوم بیت کہ اے میتگ زندمانیے دراہیں آسراتاں چہ زبہر انت - نہ اے میتگ ء سکول، برق، آپ۔ نادراہ جاہ، دگ، نہ اے دگہ چیزانی آسراتے کسانیں دروشمے ہم گندگ نہ بیت - چریشیا پدّر بیت کہ بلوچ قوم چنکیاس پد منتگ انت -۔
|
|
Butterfly108 viewsMollahok
نُگرہی مُلاھوک
نگرہی مُلاھوک چو نگرہے رنگا انت اے یک کسانکیں مُلاھوکے کہ گیشتر ماہ بہارگاہ بگر تاں مچرنگ ءَ گندگ بیت ۔ اے باز ڈولداریں مُلاھوکے
|
|
Green foxtail (Setaria viridis)254 viewsLichchok
لچّوک
رودیت - اے گیشتر ماں جنگلاں درچکانی چیراں رودیت - بلے ہُوش مارچ اُو اپریل ء درگتا پر کنت - اے ھترناکیں کاہے - چیا کہ اے گُد پژم، میداں لچّ ات گوں اگاں بے ھنانی ء کچک او رستر اشیے سرا بہ وپس انت گڈا آیے ہوش میدان گوں ھڈانت - باز رستر مرانت بلے اشیے ہڈتگین ہُوش دُور نیاہنت
|
|
Indian Roller129 viewsکانگاشک
Kangaashk
کانگاشک یک ڈولداریں بالی مُرگ ءِ ۔ اے مُرگ شہر ءُ بازار جنگل ءُ میداناں گندگ بیت ۔ بلوچستان اے مرُگ گیشتر دریابار ءُ مچکدگ ءَ گندگ بیت ، بلے وھدے کہ آمین بیت گُڈا کانگاشک مچکگدگ ءَ پہ دواہی ہم نہ گواہیت ۔ پرچا کہ چُک ءُ برے وھدا مچکدگ ءُ شہراں یل کنت ءُ کوہاں روت ۔ کوہ پہ چُک ءُ برا ایمن تر انت ۔ آمین ءَ رند گوں وتی چُک ءُ چلانگاں پدا مچکدگ ءُ شہراں کئیت
Pic By SAM
|
|
117 viewsگرانمُزگ
Granmozg
گرانمُزگ کسانیں درچک ءِ مدام کوہانی دامناں رودیت۔ اے باز ڈولدار انت کہ مچ مُچ ءَ پُل جوڑ کنت ۔ اشیے تاک باز بارگ انت ۔
|
|
Baloch classic choper237 viewsدانچوپ
Danchop
اے دانچوپ ءِ ۔ دانچوپ چہ دار ءَ جوڑ کنگ بیت۔ اشیارا واڑہ جوڑ کنت، بلوچاں اشیارا یک ازباب ءِ کار گپتگ ۔ اشیا چہ برنچ چُپتگ انت ءُ آھانی پُگ کش اتگ انت مسالہ ھم چُپتگ انت۔ اشیے توک ءَ یک دارے مان انت اشیا دانچوپ ءِ چُک گوش انت، اے کسانیں دانچوپ ءِ مستریں دانچوپانی چُک ساپیں سنگ ءَ چہ کار گر انت۔ ناصراباد ءَ یک میتگے بوتگ کہ نام ءِ دانچوپے ڈن بوتگ بلے مرچی بازار ڈیمے آپ ءَ برباد کُتگءُ ویران انت۔
بلوچی بتل ءِ ،منا چہ دانچوپ ءِ چُکا بوترس اتیں ، گڈاں من وتی سر ڈانچوپ ءَ ایر نہ کُت۔
|
|
Fishing net169 viewsماھور
Mahour
ماھُور بزاں دام چہ ریشمیں بندیک ءَ جوڑ بیت ۔ دام ءَ چمّگ پہ ماھیگ ءِ کساس ءَ جوڑ کن انت۔ کسانیں ماھیگانی واستہ گونڈیں چمّگ ءُ ٹوہیں ماھیگانی واستہ مزنیں چمّگ ماھور ءَ پر کن انت تنکہ ماھیگ ہمے چمّگانی تہا بہ گپّیت ۔ بلے اے ماھور پلاسٹیک ءِ بندیک ءَ جوڑ کتگ کہ دگنیائے توک ءَ اے پی ماھیگ ءِ شکار ءَ اسل ءَ چہ منع کتگ ۔ بلے بلوچستان یکین ھند انت دگنیائے توک ءَ ادا پلاسٹک بندکانی سرا ماھیگ شکار کن انت ۔ ریشمیں بندیک ءِ ماھورے ماھیگ چہ چمّگ دربیئیت پدا زندگ ءُ سلامت بیت بلے پلاسٹیک بندیک ءِ ماھیگ ٹپّی بیت ءُ مر ایت ۔ چمیشکا دگنیائے توک ءَ پلاسٹیک بندک ءِ ماھورنیست ، بلے بلوچستان ءَ اِرّاں بوستی انت ، تو ھرچی کنے جائز انت ۔
|
|
Sonchus oleraceus51 views
کلمُو
Kalamo
کلمُو نومبر تاں اپریل ء درگت ء رودیت - دو چہ سے فٹ ء کساس ء برز بیت - ذردیں ڈولداریں پُل پر کنت - تاک دراج و کمء پتن و زبر انت - تاکے برّگ پروشگ ء وھدا اسپیتیں شیرگ درکنت - اشیا ھندی ء دودھنی گوشنت - وھد ء کسان و نازرک بیت کاہکانی توک ء کن انت و گرادنت - اشیے کُنٹ بارگ و تہ ء چو کلم ء وڈا پچ انت چمیشکا کلمو ء گوشنت ادا کلمو رون انت بزاں دانگ انت ۔ بلے ہنے دانگ یک یک ءَ بال کن انت اے وھدءَ کلوے پُل کہ زرد بوتگ نوں ہنے پُل ء وڈا انت بلے اسپیت انت۔ کسانیں بارگیں آبریشم وڑیں پژم ءِ پر کہ اشیے دانگ ءَ بال کنگ ءَکُمک کن انت۔
|
|
|
|
Purslane52 viewsParpok
پرپُک
پرپک کسانیں وت رودیں کاہے کہ گیشتر ماں کشارانی تہا رودیت - پرپُک نرم نرمیں گردیں تاک پر کنت ناسییں کُنٹاں تاک باز ڈولدار انت - کسانیں ذردیں پُل پر کنت - دگہ جاہ ء پرپُکے پہ کاروباری ہاترا کش انت - اشیا سلاد کن انت او ناروشت ہم جوڈ کن انت - البت پرپُکا بلوچستان تنیگا نیادیے لوٹ نیست - بلے پرپکا چن انت او وتی دلوتاں دیینت - او کم مردم اشیا ور انت -۔
Nov 06, 2024
|
|
Agama119 viewsGarri Bagaad
گرّی باگاڑ
اے کسانیں ساہدارے کہ بلوچستان ءِ ڈل ءُ ڈوکانی کور ءُ کوھانی زینت انت۔ بلوچستان ہمک ھند ءَ اشیا وتی نام است انت۔ چوش کہ خاران ءَ '' گوپوک '' ءُ رخشانی '' کِلیڑ گوش انت۔Oct 24, 2024
|
|
Stipa capensis55 viewsRobah Domb
روباہ دُمب
اے یک بھارکاہے ریکپادیں ہند و دمگاں رودیت - کساس دو فٹ ء برز بیت
دراجیں ھوش ء پر کنت و حوش ء ریشگ پر بیت
ھوش ء چو روباہ ء دمب ء وڈا انت - چمیشکا روباہ دمب ء گوشنتOct 16, 2024
|
|
Black-winged stilt57 viewsTango
ٹانگو اے یک دریائی مُرگ ات اے گیشتر دریاآنی کش ء کراں تلگیں ءُ لچ ءُ مینانی تہا وتی لاپ شوہاز کنت ۔ اے ٹانگ دراج انت ءُ ڈولداریں مُرگ ات ۔ Oct 05, 2024
|
|
Rufous Tailed. Scrub Robin68 viewsGaddi deyok
گڈی دیوک
اے کسانیں ءُ پاتو ءُ کٹگ وروکیں بالی مُرگ ءِ ۔ اے شررنگ ءُ ڈولداریں مُرگ ءِ بلے بلوچستان مہاجرے درگت ءَ کیت انت۔ بزاں بلوچستان ءِ جہ منندیں مرگ ءِ نہ انت ۔ اے مدامی وتی دُمب ءَ سُرین ات ءُ وشیں آواز کش ات۔Sep 21, 2024
|
|
Astola Beach61 viewsHapt Talaar tayab
ہپت تلار ءِ تیاب
اے ہپت تلارے روچ درتکی تیاب دپ انت اے وڑیں بازیں تیاب دپ است انت ۔ اے بلوچستان شرتریں ءُ ڈولدار تریں جزیرہ انت ۔ اشیے تر و تاب ءَ مردم سیر نہ کنت ۔ ادا باید انت کہ انچو ڈولدار کتیں ءُ تنکہ مردم ادا پہ تر و تاب بیتکین انت ۔ اشانی سیر بکتیں ۔ ادا قدرت باز ندادرگ است ۔ ادے درچک دار مرگ دگہ بازیں لولوک ءُ جانور دست کپیت ۔ Sep 16, 2024
|
|
Parrot141 viewsMitto
مٹّو یک بالی مُرگے کہ گیشتر سبز او آبادیں جاگہاں بیت - مٹو بلوچستاں روچدراتکی ہند و دمگان بیت بلے مکران ء نہ بیت - انچو گولو پیدارک ء نہ نند انت انچو مٹو مکران ء ہم نہ نند انت - مرچی باندا مٹو باز مردم وتی لوگ ء داریت - مٹو ء گپ سیکارین انت -۔Aug 30, 2024
|
|
Reko64 viewsReko or Reki
ریکو یا ریکی ہما وھد ءَ کہ مچ رنگ بیت بلے ناہ نہ انت ۔ ہمے رنگاں سر چن انت ءُ ریک سر برا مک کائی کل کن انت کن انت اشیاں نیم روچے روچ ءِ گرمی جنت اے رنگ ناہ بنت ایشاں شود انت ءُ نوش ءُ جان کن انت ۔ اے باز تام دار بیت بلے مرچاں باز کم ریکو جوڑ کن انت بلے سی ءُ چل سال پیشتر مردماں گیشتر ریکو جوڑ کتگ مئے ہند ءُ دمگاں پیژناہ ءِ رنگ زرتگ ءُ ریکو جوڑ کنت انت بلے دگہ ہند و دمگاں دگہ مچانی ہم رنگ زرتگ ءُ ریکو چوڑ کنت انت ۔Aug 25, 2024
|
|
